മര്‌ക്കോസു 1:25 - സാമി സേദി

²⁵ <<സപ്പെന്റിര്; അയാള്‌ന ബ്‌ട്ട് ഇ്റാഗി പൊ>> എന്റ് ഏസ്സ് കെ്ട്ടജാദിന മെ്റ്‌ട്ട്‌നാന്.

മര്‌ക്കോസു 1:25 ပူးပေါင်းရင်းမြစ်များ

മത്തായി 9:30

അന്നാല് താനെ അവാര് കണ്ണ് ത്‌റാന്ത്‌ദ്. പ്‌റ ഏസ്സ് അവാര്‌ക്ക്: <<നോഡുനു, ഇദ്‌ന പറ്റി ആര്‌ക്ക്‌മ് സൊല്ല ബേ്ഡ>> എന്റ് കണ്ടിപ്പായി സൊന്നാന്.

മര്‌ക്കോസു 1:24

<<നസറേത്ത്‌ഗാറാന് ഏസ്സേ, നിനാക്ക് എമ്മോഡ എന്ത് കാര്യ? നീ എമാന കെ്ഡിസ്യ ബന്ത്‌റ്‌ന്റായ? നീ ആരെന്റ് എനാക്ക് തെരിമ്. സാമി പട്ട്‌ലിന്ത് ബന്ത പച്ചെപാലഗാന്‌ത്തെ>> എന്റ് അയാള് ദൊഡ്ഡാക്ക് സൊന്നാന്.

മര്‌ക്കോസു 1:26

അദുക്കുള കെ്ട്ടജാദി അയാള്‌ന മണ്ണ്‌ക്ക് ബീ്ക്കി ഇ്ള്‌ത്ത് കൊണ്ടു ദൊഡ്ഡാദ്‌ക്ക് അഗാറി ബ്‌ന്ത് ഇ്റാഗി പോറ്റു.

മര്‌ക്കോസു 1:34

പല നോയിഗാള് ബന്ത് കജട്ട പട്ടിന്ത എഞ്ചോ ആള്‌ഗാള്‌ന ഏസ്സ് തെ്ള്‌സ്‌നാന്. എഞ്ചോ തട്ടിര്‌ക്കുവ കെ്ട്ടജാദിഗാള്‌നാമ് തട്ടിസി തള്ള്‌നാന്. ഏസ്സ് ആരെന്റ് അയി ജാദിഗാള്‌ക്ക് തെരിന്താദ്‌നാലെ അയാള് അയി ജാദിഗാള്‌ന നായനൊഡ്യ ബ്‌ഡാലെ.

മര്‌ക്കോസു 9:25

ജനഗാള് ബന്ത് തുമ്പുവാദ്‌ന കണ്ടാദ്‌മ് ഏസ്സ് അയി കെ്ട്ടജാദിന മെ്റ്‌ട്ടി കൊണ്ടു: <<സെ്ഗ്‌ഡ്‌മ് ഊമേമ് ബ്‌ന്ത്‌റ്‌ക്കുവ കെ്ട്ടജാദ്യേ, ഇവാന്‌ന ബ്‌ട്ട് ഇ്റാഗി പൊ! ഇന്നി എന്നാല്‌ക്ക്‌മ് അവാന് കുളാക്ക് ബര ബേ്ഡ എന്റ് നാന് നിനാക്ക് കല്‌പനെ തന്റെ!>> എന്റ് സൊന്നാന്.

ലൂക്കോസു 4:35

<<സപ്പെന്റിര്; അയാള്‌ന ബ്‌ട്ട് ഇ്റാഗി പൊ>> എന്റ് ഏസ്സ് കെ്ട്ടജാദിന മെ്റ്‌ട്ട്‌നാന്. അദുക്കുള കെ്ട്ടജാദി അയാള്‌ന ആള്‌ഗാള് മുന്നുക്കു ഉന്തി ബീ്ക്കി ഒന്റുമു ഗേയ മുഡ്യാത്താദ്‌നാലെ അവാന്‌ന ബ്‌ട്ട് പോറ്റു.

ലൂക്കോസു 4:41

അദല്ലാദെ താനെ ഏസ്സ്‌ന <<സാമിമഗാന്‌ത്തെ>> എന്റ് സൊല്ലി അഗാറി കൊണ്ടു കെ്ട്ടജാദി പല ആള്‌ഗാള്‌ലിന്ത് ബ്‌ട്ട് പോറ്റു. ആന ഏസ്സ് മ്‌ണ്ടാദേന് എന്റ് അയി ജാദിഗാള്‌ക്ക് കല്‌പനെ കൊഡുത്താന്. എന്ത്‌ക്കെന്റ് സൊന്ന ആള്‌ഗാള്‌ന കാപാറ്റ്യ ബേ്ണ്ടി സാമി സൊല്ലി ബ്‌ട്ടവാന്‌ത്തെ ഏസ്സ് എന്റ് അയി ജാദിഗാള്‌ക്ക് തെരിന്തിന്ത്‌ദ്.

അപ്പോസുത്തലാര് 16:17

അവാള് പവുലോസോഡാമ് എമ്മോഡാമ് പിന്ന്‌മേലെ ബന്ത് <<ഇവാര് എല്ലാ സാമിഗാള്‌ന ബ്‌ഡ ദൊഡ്ഡ സാമിക്ക് ഗിലാസഗാറാര് ആയിര്‌ക്ക്‌ന്റവാര്‌ത്തെ. നിമ്മ് ഉജുരുന പെ്ളേസുവാദ്‌ക്കുള്ള ബട്ടെന അവാര് സൊല്ലി തന്റാര്>> എന്റ് ബ്‌ളിത്ത് അഗാറ്‌നാള്.