മര്‌ക്കോസു 1:19 - സാമി സേദി

¹⁹ അദ്‌ലിന്ത് ലേസ അത്തഗ പോഗാട്ടി ആക്കോവുമു അയാള് തമ്പി ഓഗന്നാന്‌മ് തോണിലിന്ത് ബലെ അണിമാഡുവാദ്‌ന കണ്ടാന്. ഇവാര് റാഡാള്‌മ് സെവേദി മഗനച്ചനാര് ആയിന്താര്.

മര്‌ക്കോസു 1:19 ပူးပေါင်းရင်းမြစ်များ

മത്തായി 4:21

അദ്‌ലിന്ത് ലേസ അത്തഗ പോഗാട്ടി അണ്ണാര്‌തമ്പ്യാരാന ബേ്റെ റാഡാള് തോണിലിന്ത് അപ്പനച്ചാനോഡ ബലെ അണിമാഡുവാദ്‌ന കണ്ടാന്. സെവേദി മഗാന് ആക്കോവുമു അയാള് തമ്പി ഓഗന്നാന്‌മ് എന്റ് സൊല്ലുവ ഇവാര്‌നാമ് ഏസ്സ് ബ്‌ളിത്താന്.

മര്‌ക്കോസു 1:18

അന്നാല് താനെ അവാര് ബലെന തള്ളി ഏസ്സ് പിന്ന്‌ക്ക് പോനാര്.

മര്‌ക്കോസു 1:20

ഏസ്സ് അവാര്‌നാമ് അന്നാല് താനെ ബ്‌ളിത്താന്. അവാര് അപ്പനച്ചാന്‌ന തോണിലിന്ത കൂലിഗാറരോഡ ബ്‌ട്ട്‌തള്ളി ഏസ്സ് പിന്ന്‌ക്ക് പോനാര്.

മര്‌ക്കോസു 10:35

ആക്കോവുമു ഓഗന്നാന്‌മ് സെവേദി മഗനച്ചനാര് ആയിന്താര്. ഇവാര് ഏസ്സ് പട്ട്‌ക്ക് ബന്ത്: <<ഗുരുവെ എമ്മ നെനേക്കുവ കാര്യന നീ ഗേന്ത് തരുഡൊ>> എന്റ് ഏസ്സ്‌ന കേ്ട്ടാര്.

മര്‌ക്കോസു 14:33

അയാള് പത്ത്‌റോസുനാമ്, ആക്കോവുനാമ്, ഓഗന്നാനാന്‌മ് തന്നോഡ കൂട്ട്യെ്ഡ്‌ത്ത് പോയി ഇത്തെ സങ്കഡപഡ്യാമ് അങ്കലാപ്‌പഡ്യാമ് പ്‌ഡിത്താന്.

മര്‌ക്കോസു 3:17

സെവേദി മഗനച്ചനാര് ആക്കോവുക്കുമു അയാള് തമ്പി ഓഗന്നാന്‌ക്ക്‌മ് <<ഇ്ഡി ജദ്ദ മക്കാള്>> എന്റ് അര്‌ത്ത മാഡുവ <<ബൊവനേര്‌ഗസ്>> എന്റ് പേര് ബെത്താന്.

മര്‌ക്കോസു 5:37

പത്ത്‌റോസു, ആക്കോവു, അയാള് തമ്പി ഓഗന്നാന് ഇവാര്‌ന താനെ തന്നോഡ കൂട്ട്യെ്ഡ്‌ത്ത് പോനാന്. പിന്നെ ഇന്തവാര് ആര്‌നാമ് കൂട്ടി പോഗാലെ.

മര്‌ക്കോസു 9:2

ആറ് നാള് കളിന്ത പ്‌റ ഏസ്സ് പത്ത്‌റോസുനാമ് ആക്കോവുനാമ് ഓഗന്നാന്‌നാമ് കൂട്ട്യെ്ഡ്‌ത്ത് ഒന്റു ഉജാന്ത ഗുഡ്ഡേക്ക് പോനാന്. അദ്‌ല് അവാര് തനിഗെ ഇന്താര്. ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്.

ഓഗന്നാന് 21:2

സീമോനു പത്ത്‌റോസുമു ദിദിമോസു എന്നുവ തോമാസ്‌മ് ഗലീലാലിര്‌ക്കുവ കാനാവു ഊരുല നദനെയേല്‌മ് സെവേദി മഗാനാര്‌മ് ഏസ്സ് സൊല്ലുപഡി നഡാക്കുവ ബേ്റെ റാഡാള്‌മ് ഒന്റായി കൂഡിന്താര്.

അപ്പോസുത്തലാര് 1:13

അദ്‌ക്ക് എജ്ജി അവാര് തമ്മ മുദാല് ഇന്ത ബീ്ഡ്‌ക്ക് ഏ്റി പോനാര്. പത്ത്‌റോസു, ഓഗന്നാന്, ആക്കോവു, അന്ത്‌റാസ്, പീലിപോസു, തോമാസ്, ബറ്‌ത്തലോമായി, മത്തായി, അല്‌പായി മഗാന് ആക്കോവു, തന്ന് ജാദിക്ക് ബേ്ണ്ടി എന്ത്‌മ് ഗേയ ഗട്ടിഗാറാനായിര്‌ക്കുവ സീമോനു, ആക്കോവു മഗാന് ജൂദാന് എന്റ് സൊല്ലുവ ആള്‌ഗാള്‌ത്തെ ഇവാര്.

അപ്പോസുത്തലാര് 12:2

അയാള് ഓഗന്നാന് അണ്ണാന് ആക്കോവുന ആള്‌ബെത്ത് ബാള്‌ല് ബെ്ട്ടി കൊന്റാന്.