മത്തായി 9:34 - സാമി സേദി

³⁴ അദുക്കുള പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

മത്തായി 9:34 ပူးပေါင်းရင်းမြစ်များ

ലൂക്കോസു 11:15

ആന ലേസ ആള്‌ഗാള്: <<കെ്ട്ടജാദിഗാള് തലെവാന് ബേല്‌സെവൂലുത്തെ ഇയാള്‌ക്ക് കെ്ട്ടജാദിന തട്ടിസി തള്ളുവാദ്‌ക്കുള്ള സക്‌തി കൊഡുക്കുവാദ്>> എന്റ് സൊന്നാര്.

മര്‌ക്കോസു 3:22

<<ഇയാളോഡ ബേല്‌സെവൂലു ഇര്‌ക്ക്‌ന്റ്. തട്ടിര്‌ക്കുവ ജാദിനെല്ല തട്ടിസിതള്ള്യ അദിഗര കൊഡുക്കുവാദ് കെ്ട്ടജാദിഗാള് തലെവാന് ഈ ബേല്‌സെവൂലുത്തെ>> എന്റ് എര്‌സലേമ്‌ലിന്ത് ബന്ത ബേദബാത്ത്യനാമ് സൊന്നാര്.

ഓഗന്നാന് 3:20

തമ്മ ഗേവ കെ്ട്ട കാര്യഗാള് എദ്‌ക്കാമ് എന്റ് നെനേത്ത് ബെ്ള്‌സാന ബെ്റ്‌ക്കാമ് ഗേന്റാര്, അദ്‌ക്ക് ബരുവാദ്‌മില്ലെ.

മത്തായി 10:25

പഡിക്ക്‌ന്റവാന് പഡുസുവ ബാത്ത്യാന്‌ന പാസെ ആവാദ് മദി. അദേപാസെ അഡിമ്യായിര്‌ന്റവാന് പണ്ണാഡിന പാസെ ആവാദ് മദി. അവാര് ബീ്ഡ്‌ഗാറാന്‌നാഗെ ബേല്‌സെവൂലു എന്റ് ബ്‌ളിത്ത്‌റ്‌ക്കുവദാന ബീ്ഡ്‌ഗാറാര്‌ന എന്തെല്ല സൊല്ലി ബ്‌ളിക്കുവാര്?>>

മത്തായി 11:18

എല്ലാ ആള്‌ഗാള്‌മ് തിന്റ്‌കുഡിത്ത് നഡാക്കുവ പാസെ ഓഗന്നാന് തിന്റ്‌കുഡിത്ത് നഡാക്കാലെ. അത്തെ ഇര്‌ക്ക്‌ന്റവാനായി ബന്ത <അയാള്‌ക്ക് കെ്ട്ടജാദി തട്ടിര്‌ക്ക്‌ന്റ്> എന്റ് അവാര് സൊന്റാര്.

മത്തായി 12:22

അദ്‌ക്ക് പ്‌റ ലേസ ആള്‌ഗാള് കെ്ട്ടജാദി തട്ടി കുറുഡാനായിമ് ഊമേമ്‌ബ്‌ന്തിന്ത ഒന്റൊരുത്താന്‌ന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ് അയാള്‌ന തെ്ള്‌സ്‌നാന്. അദുക്കുള അയാള്‌ക്ക് കണ്ണ്‌മ് കാട്ട്‌റ്റ്, നായനൊഡ്യാമ് മുഡിന്ത്‌ദ്.

മത്തായി 12:27

കെ്ട്ടജാദിഗാള് തലെവാന് ബേല്‌സെവൂലുത്തെ എനാക്ക് കെ്ട്ടജാദിഗാള്‌ന തട്ടിസി തള്ളുവാദ്‌ക്കുള്ള സക്‌തി തരുവദാന നിമ്മ് കൂട്ടാത്ത്‌ല ആള്‌ഗാള്‌ക്ക്‌മ് ബേല്‌സെവൂലുത്തെ കെ്ട്ടജാദിന തട്ടിസി തള്ളുവാദ്‌ക്കുള്ള സക്‌തി തരുവാദ് എന്റ് അര്‌ത്ത ബന്റല്ല. അത്തെ നിമ്മ കുറ്റഗാറാരെന്റ് നിമ്മ് കൂട്ടാത്ത്‌ല ആള്‌ഗാള് താനെ കാട്ടി തന്റാര്.

ഓഗന്നാന് 7:20

അദുക്കുള ആള്‌ഗാള്: <<അന്നാപ്പ് നിനാക്ക് കെ്ട്ടജാദി തട്ടിര്‌ക്ക്‌ന്റ്. നിനാന ആര് കൊല്ല്യ നോഡുന്റാര്?>> എന്റ് സൊന്നാര്.