മത്തായി 8:6 - സാമി സേദി6 <<ആണ്ടവാനെ, എന്ന് ഗിലാസഗാറാന് സപ്പെനോയായി താങ്ക്യ മുഡ്യാത്ത ബിജ എ്ഡ്‌ത്ത് കൊണ്ടു ബീ്ഡ്‌ല് കെ്ഡെബ്‌ന്ത്‌റ്‌ക്ക്‌ന്റാന്>> എന്റ് ബേ്ണ്ടി കൊണ്ടാന്. အခန်းကိုကြည့်ပါ။ |
മത്തായി 8:6
12 ပူးပေါင်းရင်းမြစ်များ
ഏസ്സ്‌ന പറ്റ്യുള്ള സേദി സ്‌റിയ നാഡൊട്ടുക്കു പജാന്ത്‌ദ്. അദ്‌നാലെ ആള്‌ഗാള് പല ദിന്‌സ് നോയി തട്ടി ബലേന്തിന്തവാര്‌ന ഒട്ടുക്കു അയാള് പട്ട്‌ക്ക് എ്ഡ്‌ത്ത് ബന്താര്. അവാര് കൂട്ടാത്ത്‌ല് നോയി തട്ടി ബേന്‌ബിജാക്ക് അഗാറിന്തവാര്‌മ്, കെ്ട്ടജാദി തട്ടി പിരാന്ത്‌ബ്‌ന്തിന്തവാര്‌മ്, പക്കിമെ്ട്ട് നോയിഗാറാര്‌മ്, സപ്പെനോയിഗാറാര്‌മ് ഇന്താര്. ഏസ്സ് അവാര്‌ന തെ്ള്‌സ്‌നാന്.
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
അയാള് ഇന്നി ബെറ് അഡിമെ ഗിലാസഗാറാനല്ല, അയാള് ഇന്നാല് ഏസ്സ്‌ന നമ്പിര്‌ക്കുവാദ്‌നാലെ നിനാക്ക് സീവാന്‌ബെത്ത് നഡാക്ക്യ മുഡിവ ഒന്റു ഏസ്സ്‌ഗാറാന്‌ത്തെ. നാന് അയാളോഡ സീവാന്‌ബെത്ത്‌റ്‌ന്റെ. നാന് സീവാന്‌ബെത്ത്‌റ്‌ക്കുവാദ്‌ന ബ്‌ഡ നീ അയാളോഡ അദിഗ സീവാന്‌ബെത്ത്‌റ്‌ന്റായി. എന്ത്‌ക്കെന്റ് സൊന്ന അയാള് ആണ്ടവാന്‌ന നമ്പിര്‌ന്റവാന്‌മ് നിന്ന് അഡിമെ ഗിലാസഗാറാന്‌മ്‌ത്തെ.
ഏദാറ്റ പണ്ണ്യഗിലാസ ഗേവ ഏസ്സ്‌ഗാറാന്‌ക്ക് ഏസ്സ്‌ഗാറാനായിര്‌ക്കുവ പണ്ണാഡി ഇന്തദാന നമ്മെല്ല ഏസ്സ്‌ഗാറാര്‌ത്തെന്റ് സൊല്ലി പണ്ണാഡി സൊല്ലുപഡിക്ക് നഡാക്കാദിര്‌ക്കാദേന്. അദ്‌ക്ക് ബദ്‌ല താന് ഗിലാസ ഗേവാദ്‌ക്കുള്ള ഉവഗര ഏസ്സ്‌ഗാറാനായിര്‌ക്കുവ തന്ന് പണ്ണാഡിക്ക് കെ്ഡേക്കുവാദ്‌നാലേമ് അയി പണ്ണാഡി തനാക്ക് മെച്ച്‌പ്‌ഡിത്തവാന് ആയിര്‌ക്കുവാദ്‌നാലേമ് അയാള്‌ക്ക് ബേ്ണ്ടി നലമായി ഗിലാസ ഗേഡൊ. ഈ കാര്യഗാള്‌ന നീ അവാര്‌ക്ക് കണ്ടിപ്പായി പഡിസിമ് കൊഡുക്കുഡൊ, സൊല്ലിമ് കൊഡുക്കുഡൊ.
ကြော်ငြာတွေ