മത്തായി 8:16 - സാമി സേദി

¹⁶ അയി നാള് സന്ത്യോഡാഗാട്ടി കെ്ട്ടജാദി തട്ടി പിരാന്ത്‌ബ്‌ന്തിന്ത എഞ്ചോ ആള്‌ഗാള്‌ന അയാള് പട്ട്‌ക്ക് എ്ഡ്‌ത്ത് ബന്താര്. അയാള് താന് സൊല്ലുവ നായാത്ത്‌ല് താനെ പിരാന്ത് ബീ്ക്കുവ ജാദിഗാള്‌ന തട്ടിസി തള്ള്‌നാന്, എല്ലാ നോയിഗാറാര്‌നാമ് തെ്ള്‌സ്‌നാന്.

മത്തായി 8:16 ပူးပေါင်းရင်းမြစ်များ

ലൂക്കോസു 4:40

നേര ബീ്ഗാട്ടി പല ദിന്‌സ് നോയി തട്ടിര്‌ക്കുവ എഞ്ചോ ആള്‌ഗാള്‌ന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ് അവാര് ഒന്റൊന്റാള്‌ക്ക് കയി ബെത്ത് അവാര്‌ന തെ്ളിസി ബ്‌ട്ടാന്.

മത്തായി 14:14

ഏസ്സ് ബന്ത് ദൊഡ്ഡ ഒന്റു കൂട്ട ആള്‌ഗാള്‌ന കണ്ട് ബേ്റ്‌വെന്ത് അവാര് കൂട്ടാത്ത്‌ലിന്ത നോയിഗാറാര്‌ന തെ്ള്‌സ്‌നാന്.

അപ്പോസുത്തലാര് 5:15

പത്ത്‌റോസു ബന്ത് പോഗാട്ടി അയാള് നിഗാല് എന്റാല് നോയിഗാറാര്‌ക്ക് തട്ട്യ ബേ്ണ്ടി ആള്‌ഗാള് അവാര്‌ന എ്ഡ്‌ത്ത് ബന്ത് ബട്ടെ ഓരാത്ത്‌ല് പായോഡാമ് ബിരിസ്സിന്ത സീലോഡാമ് കെ്ഡെ ബീ്ക്കിന്താര്.

മര്‌ക്കോസു 5:8

<<തട്ടുവ കെ്ട്ടജാദ്യേ, ഈ മന്‌സാന്‌ന ബ്‌ട്ട് ഇ്റാഗി പൊ>> എന്റ് ഏസ്സ് സൊല്ലിന്താദ്‌നാലെത്തെ അദ് ഇത്തെ സൊന്നാദ്.

മത്തായി 12:22

അദ്‌ക്ക് പ്‌റ ലേസ ആള്‌ഗാള് കെ്ട്ടജാദി തട്ടി കുറുഡാനായിമ് ഊമേമ്‌ബ്‌ന്തിന്ത ഒന്റൊരുത്താന്‌ന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ് അയാള്‌ന തെ്ള്‌സ്‌നാന്. അദുക്കുള അയാള്‌ക്ക് കണ്ണ്‌മ് കാട്ട്‌റ്റ്, നായനൊഡ്യാമ് മുഡിന്ത്‌ദ്.

മര്‌ക്കോസു 2:3

അയി സമ്യ ഒന്റു സപ്പെനോയിഗാറാന്‌ന നാക്കാള് കെ്ട്ടി എ്ഡ്‌ത്ത് ബന്താര്.

മത്തായി 9:2

അദുക്കുള അദ്‌ല ലേസ ആള്‌ഗാള് ഒന്റു സപ്പെനോയിഗാറാന്‌ന കെ്ഡെബ്‌ന്തിന്ത പായോഡ ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ് അവാര്‌ക്ക് ഇര്‌ക്കുവ നമ്പിക്കേന കണ്ട് അയി സപ്പെനോയിഗാറാന്‌ക്ക്: <<മഗാനെ, ദയിരമായി ഇര്, നിന്ന് പാവാന പൊറുത്തു തന്ത്‌റ്‌ക്ക്‌ന്റെ>> എന്റ് സൊന്നാന്.

മര്‌ക്കോസു 9:25

ജനഗാള് ബന്ത് തുമ്പുവാദ്‌ന കണ്ടാദ്‌മ് ഏസ്സ് അയി കെ്ട്ടജാദിന മെ്റ്‌ട്ടി കൊണ്ടു: <<സെ്ഗ്‌ഡ്‌മ് ഊമേമ് ബ്‌ന്ത്‌റ്‌ക്കുവ കെ്ട്ടജാദ്യേ, ഇവാന്‌ന ബ്‌ട്ട് ഇ്റാഗി പൊ! ഇന്നി എന്നാല്‌ക്ക്‌മ് അവാന് കുളാക്ക് ബര ബേ്ഡ എന്റ് നാന് നിനാക്ക് കല്‌പനെ തന്റെ!>> എന്റ് സൊന്നാന്.

മത്തായി 8:33

പന്റി മേസിന്തവാര് ഓഡി പോയി പട്ടണാക്ക് എജ്ജി ഈ കാര്യഗാള്‌നാമ് കെ്ട്ടജാദി തട്ടി പിരാന്ത്‌ബ്‌ന്തിന്തവാര് എത്തെ തെ്ളിന്താര് എന്നുവ കാര്യനാമ് സൊന്നാര്.

മത്തായി 8:15

ഏസ്സ് അവാള് കയിന അണ്ണ്‌ഗാട്ടി അവാള് പനി ബ്‌ട്ട്‌ദ്. പ്‌റ അവാള് ഇ്ളാഗി അവാന്‌ക്ക് അട്ട്‌സുട്ടു കൊഡുത്താള്.

ലൂക്കോസു 4:41

അദല്ലാദെ താനെ ഏസ്സ്‌ന <<സാമിമഗാന്‌ത്തെ>> എന്റ് സൊല്ലി അഗാറി കൊണ്ടു കെ്ട്ടജാദി പല ആള്‌ഗാള്‌ലിന്ത് ബ്‌ട്ട് പോറ്റു. ആന ഏസ്സ് മ്‌ണ്ടാദേന് എന്റ് അയി ജാദിഗാള്‌ക്ക് കല്‌പനെ കൊഡുത്താന്. എന്ത്‌ക്കെന്റ് സൊന്ന ആള്‌ഗാള്‌ന കാപാറ്റ്യ ബേ്ണ്ടി സാമി സൊല്ലി ബ്‌ട്ടവാന്‌ത്തെ ഏസ്സ് എന്റ് അയി ജാദിഗാള്‌ക്ക് തെരിന്തിന്ത്‌ദ്.

ലൂക്കോസു 13:12

ഏസ്സ് അവാള്‌ന കണ്ട് അര്‌ഗെ ബ്‌ളിത്ത്: <<അമ്മെ, നിനാക്ക് തട്ടിന്ത നോയി തീന്ത്‌റ്‌ക്ക്‌ന്റ്>> എന്റ് സൊന്നാന്.