മത്തായി 5:16 - സാമി സേദി16 അദേപാസെ നിമ്മ ഗേവ നല്ല കാര്യഗാള്‌ന കണ്ട് മേലോഗാത്ത്‌ല നിമ്മ് അപ്പാന് സാമിന അഡ്‌ത്തവാര് പെരിമെപഡ്യ നിമ്മ് ബെ്ള്‌സ അവാര് മുന്നുക്കു അഡിക്കുഡൊ.>> အခန်းကိုကြည့်ပါ။ |
മത്തായി 5:16
42 ပူးပေါင်းရင်းမြစ်များ
<<നിമ്മ തീനി തിന്നാദിന്ത് പരേസ്‌ഗാട്ടി ബക്‌തിഗാറാരായി നഡിക്ക്‌ന്റവാര്‌ന പാസെ മോന്തെ ബഡിക്കി ഇര്‌ക്കാദേന്. അവാര് തീനി തിന്നാദെ പരേസ്‌ന്റാര് എന്റ് ആള്‌ഗാള്‌ക്ക് കാട്ട്യ ബേ്ണ്ടി മോന്തെന സൊക്കസൊക്ക മാഡ്‌ന്റാര്. അവാര്‌ക്ക് കെ്ഡേക്കുവ കൂലി ഒട്ടുക്കു അവാര്‌ക്ക് കെ്ഡേത്ത്‌ദ് എന്റ് നാന് സത്ത്യമായി നിമാക്ക് സൊന്റെ.
ഓപ്പാല് തവീദ എന്നുവ ഒന്റു ഏസ്സ് സൊല്ലുപഡി നഡാക്ക്‌ന്റവാള് ഇന്തിന്താള്. (തവീദ എന്നുവ പേര്‌ക്ക് എവന നായാത്ത്‌ല് <<ദോറുക്കാസ്>> എന്റ്‌ത്തെ സൊല്ലുവാദ്. <<ഒന്റു കഡാവെ>> എന്റ്‌ത്തെ ഇദ്‌ക്ക് അര്‌ത്ത). അവാള് എഞ്ച്‌ക്കൊ നല്ലാദ് ഗേന്തിന്താള്. അദേപാസെ ഒന്റുമു ഇല്ലത്തവാര്‌ക്ക് എഞ്ച്‌ക്കൊ ദറ്‌മ്മാമ് ഗേന്തിന്താള്.
നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
അദേപാസെ പെ്ണ്ടച്ച്യാമെ, നിമ്മ് സൊന്ത ആളനച്ചനാമ്‌ക്ക് കെ്ട്ട്‌പട്ട് നഡാന്. അത്തെ നഡാന്ത നിമ്മ് കൂട്ടാത്ത്‌ല് സാമി സൊല്ലുസുലാക്ക പഡി നഡാക്കാത്തവാര് ഇന്തദാന തമ്മ് പെ്ണ്ടച്ച്യാമ് സാമിക്ക് അഞ്ചി സുത്താപ്പോഡ പെ്ളേക്കുവാദ്‌ന കണ്ട് ഒന്റുമു സൊല്ലാദെ താനെ നിമാക്കിര്‌ക്കുവ നല്ല ഗുണനാലെ അവാര്‌ന സാമിസാരി തിരിക്ക്യ മുഡിമ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ