മത്തായി 4:23 - സാമി സേദി23 പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്. အခန်းကိုကြည့်ပါ။ |
മത്തായി 4:23
46 ပူးပေါင်းရင်းမြစ်များ
അത്തെ ഏസ്സ്‌മ് അപ്പോസുത്തലാര്‌മ് ഒന്റായി മലേലിന്ത് ഇ്റാഗി ഒന്റു പഡിഗെ പട്ട്‌ക്ക് ബന്താര്. അദുക്കുള തന്ന് സൊല്ലുപഡിക്ക് നഡാക്കുവ ദൊഡ്ഡ ഒന്റു കൂട്ട ആള്‌ഗാള് അദ്‌ലിന്താര്. അദല്ലാദെ താനെ എര്‌സലേമ്‌ലിന്ത്‌മ് എഗുദ നാഡ്‌ല് ബേ്റെ പല എ്ഡെഗാള്‌ലിന്ത്‌മ് കഡാലോരാത്ത്‌ല് ഇര്‌ക്കുവ സോരു, സീദോനു എന്നുവ എ്ഡെഗാള്‌ലിന്ത്‌മ്
അദുക്കുള ഓഗന്നാന് സൊല്ലുപഡി നഡാക്ക്‌ന്റവാര്‌ക്ക് ഏസ്സ് ഇത്തെ സൊന്നാന്: <<നിമ്മ കാണുവാദ്‌നാമ് കേ്ള്‌ക്കുവാദ്‌നാമ് ഓഗന്നാന്‌ക്ക് പോയി സൊല്ലുനു, കുറുഡാര്‌ക്ക് കണ്ണ് കാട്ട്‌ന്റ്, കാല് മൊണ്ടിഗാള് നഡാക്ക്‌ന്റാര്, കുസുട്ട നോയിഗാറാര് തെ്ളിന്ത് അയിത്ത്യല്ലത്തവാര് ആന്റാര്, സെ്ഗ്‌ഡാര് കാദ് കേ്ള്‌ക്ക്‌ന്റവാര് ആന്റാര്, സത്തവാര് ഉജുര്‌ളാഗ്‌ന്റാര്, ഏ്ളെഗാള്‌ക്ക് നല്ല സേദിന സൊന്റാന്.
നസറേത്ത് ഊരുല ഏസ്സ്‌ന പറ്റി നിമാക്ക് തെരിവു. താന് നെനേത്തിന്ത കാര്യന ഗേന്ത് മുഡിക്ക്യ സാമി അയാള്‌ന തെരിന്തെ്ഡ്‌ത്താന്. അദ്‌ക്ക് ബേ്ണ്ടി ഏസ്സ്‌ക്ക് സാമി തന്ന് നിഗാല്‌നാമ് നല്ല സക്തിനാമ് കൊഡുത്താന്. സാമി അയാളോഡൊപ്പ ഇന്താദ്‌നാലെ അയാള് എല്ലാവാര്‌ക്ക്‌മ് നല്ലാദ് ഗേന്ത് കൊണ്ടുമു കെ്ട്ടജാദി തട്ടിന്തവാര്‌ന ഒട്ടുക്കു തെ്ളിസി കൊണ്ടുമു എല്ലാ എ്ഡെഗാള്‌ക്ക്‌മ് പോനാന്.
ကြော်ငြာတွေ