മത്തായി 3:6 - സാമി സേദി

⁶ ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസുനാന്.

മത്തായി 3:6 ပူးပေါင်းရင်းမြစ်များ

മത്തായി 3:11

നിമ്മ പാവ ഗേവാദ്‌ന ബ്‌ട്ട്‌തള്ളി സാമിസാരി തിര്‌ഗ്‌ന്‌റ് എന്റ് കാട്ട്യ ബേ്ണ്ടി നാന് നിമാന നീര്‌ല് മുളുഗുസുന്റെ. ആന എനാന ബ്‌ഡ അദിഗര ഇര്‌ക്ക്‌ന്റവാന് എന്ന് പിന്ന്‌ക്ക് ബരുവാന്. അയാള് ഇക്കിര്‌ക്കുവ സെര്‌പ്പ്‌ന ഗുഡി എ്ഡ്‌ക്കുവാദ്‌ക്കുള്ള തഗ്‌ദി എനാക്കില്ലെ. അയാള് നിമാന സാമിനിഗാല്‌ല്‌മ് തീയില്‌മ് മുളുഗുസുവാന്.

മര്‌ക്കോസു 1:5

എഗുദ നാഡ്‌ലവാര് ഒട്ടുക്കുമു എര്‌സലേമ്‌ലവാര് ഒട്ടുക്കുമു അയാള് പട്ട്‌ക്ക് ബന്താര്. ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസ്‌നാന്.

ലൂക്കോസു 1:16

ഇസ്‌റവേല് ജാദിഗാള്‌ല് എഞ്ചോ ആള്‌ഗാള്‌ന അവാര്‌ക്ക് സാമ്യായിര്‌ക്കുവ ആണ്ടവാന് സാരി അയാള് തിര്‌ക്കുവാന്.

ലൂക്കോസു 3:16

അദുക്കുള ഓഗന്നാന് അവാര്‌ക്ക് ഇത്തെ സൊന്നാന്: <<നാന് നിമാന നീര്‌ക്ക് മുളുഗുസ്‌ന്റെ. ആന എനാന ബ്‌ഡ അദിഗര ഇര്‌ക്ക്‌ന്റവാന് ബരുവാന്. അയാള് ഇക്കിര്‌ക്കുവ സെര്‌പ്പ് കണ്ണിന ഉക്ക്യ ഗുഡി എനാക്ക് തഗ്‌ദില്ലെ. അയാള് നിമാന സാമിനിഗാല്‌ല്‌മ് തീയില്‌മ് മുളുഗുസുവാന്.

അപ്പോസുത്തലാര് 1:5

ഓഗന്നാന് ആള്‌ഗാള്‌ന നീര്‌ല് മുളുഗുസ്‌നാന്, ആന ലേസ നാള് കളിന്ത പ്‌റ നിമാന സാമിനിഗാല്‌ല് മുളുഗുസുവാന്.>>

അപ്പോസുത്തലാര് 11:16

അദുക്കുള നാന്: <ഓഗന്നാന് ആള്‌ഗാള്‌ന നീര്‌ല് മുളുഗുസുനാന്. ആന നിമാന സാമിനിഗാല്‌ല് മുളുഗുസുവാന്> എന്റ് ആണ്ടവാന് സൊന്നാദ്‌ന നെനേത്തെ.

അപ്പോസുത്തലാര് 19:18

നമ്പ്‌നവാര്‌ല് എഞ്ചോ ആള്‌ഗാള് ബന്ത് തമ്മ ഗേന്ത പാവഗാള്‌നെല്ല തപ്പ് എന്റ് നേരെ സൊന്നാര്.

അപ്പോസുത്തലാര് 22:16

ഇന്നി എന്ത്‌ക്ക് കാക്കുവാദ്? നീ ഇ്ളാഗി നീര്‌ക്ക് മുളുഗു, സാമി നിന്ന് പാവാന കച്ചുഡൊ. നിനാന കാപാറ്റ്യ ആണ്ടവാന് പേര്‌ല് ബേ്ണ്ടികൊള്ളു> >> എന്റ് സൊന്നാന്.

1 കൊരിന്ത്യഗാറാര് 10:2

അത്തെ അവാര് മഞ്ച് കുളുസു മേലേമ് കഡാല് മേലേമ് നഡാന്ത് മോസ്യോഡ എ്ണേന്ത് അയാള് കയിക്കഡി ഇന്താര്.

കൊലേസ്യഗാറാര് 2:12

അദേപാസെ ഏസ്സ് സാവുനാലെ നിമ്മ് മുന്നുക്കുല പെ്ളേപ്പ്‌ന അഡ്യോഡ ബ്‌ട്ട്‌തള്ളി സത്തവാര്‌ലിന്ത് ഏസ്സ്‌ന ഉജുര്‌ളാക്ക്‌ന സാമി സക്‌തിന നിമ്മ നമ്പ്‌നാദ്‌നാലെ ഏസ്സോഡൊപ്പ നിമ്മാമ് ഉജുര്‌ളാഗ്‌ന്റ്‌റ്.

എവുറായാര് 6:2

നീര്‌ക്ക് മുളുഗുസുവാദ്, തലേക്ക് കയി ബെത്ത് പരേസുവാദ്, സത്തവാര് ഉജുര്‌ളാഗുവാദ്, മുഡിവില്ലാത്ത ദെ്ണ്ടണെ എന്നുവാദ്‌ഗാള്‌ന പറ്റി പിന്നേമ് പഡിക്ക്യ പ്‌ഡിക്കാദേന്.

എവുറായാര് 9:10

ഇദ്‌ഗാളെല്ല തിന്നുവാദ്‌നാമ് കുഡിക്കുവാദ്‌നാമ് സട്ട്‌മെ്ട്ട്‌പഡി സുത്താപ്പ് മാഡുവാദ്‌ന പറ്റിമ് താനെത്തെ. സാമി ബെക്കുവ പുദ്യ ഒപ്പന്താത്ത്‌ല കാര്യഗാള് ഗേയ പ്‌ഡിക്കമാട്ട്‌ക്ക് ഗേയ ഉള്ള സരിഗലന പറ്റ്യുള്ള സട്ടഗാള് മാട്ട്‌ത്തെ ഇദ്‌ഗാള്.

ആക്കോവു 5:16

അദ്‌നാലെ നിമ്മ് നോയി തീരുഡെന്റദാന മുദാല് നിമ്മ ഗേന്ത കുറ്റനെല്ല ആങ്കീങ്ക് സൊല്ലി തീത്ത് രാജി കൂഡുഡൊ. എന്റിന്ത് ഒരുത്താന് ഇന്ന്യൊന്റൊരുത്താന്‌ക്ക് ബേ്ണ്ടി പരേസുഡൊ. അന്നാപ്പ് സാമി നിമ്മ് നോയിന തെ്ള്‌സുവാന്. കുറ്റകൊറേവില്ലത്തവാന് മനേസ്സാറ പരേസുവ പരേസ നേര്‌മായി പലിക്ക്‌മ്.

1 പത്ത്‌റോസു 3:21

അവാര് നീര്‌മേലെ തപ്പിസി കഡാന്താദ്‌ക്ക് സമാത്തെ ഇന്നാല് നീര്‌ക്ക് മുളുഗുവ മുളുക്ക. അദ് നിമാന കാപാറ്റ്‌ന്റ്. ഈ മുളുക്ക എന്നുവാദ് സരിഗലാത്ത്‌ല എ്ള്‌ക്ക്‌ന കച്ചി തള്ളുവ മുളുക്കല്ല. ഏസ്സ് ക്‌റ്‌സ്‌ത്ത് ഉജുര്‌ളാഗ്‌നാദ്‌ന ബെത്ത് സാമി കണ്ണ്‌ക്ക് നല്ല മനേസ്സുള്ളവാര് ആയ ഗേവ ഒപ്പന്താത്തെ.

1 ഓഗന്നാന് 1:9

നമ്മ ഗേന്ത പാവാന നേരെ സാമിക്ക് സൊന്നദാന സാമി നമ്മ് പാവാന മനേസ്സാറാമ് നായപലഗരാമ് പൊറുത്തു തന്ത് നമ്മ ഗേന്ത എല്ലാ പാവനാമ് ഇല്ലാദെ മാഡുവാന്.