മത്തായി 3:5 - സാമി സേദി

⁵ അയി ഗളിഗേല് എര്‌സലേമ്‌ലവാര്‌മ് എഗുദ നാഡ്‌ലവാര് ഒട്ടുക്കുമു ഓറ്‌ദ്ദാന് ബാനിക്ക് അക്കരേമ് ഇക്കരേമ് ഇര്‌ക്കുവ എല്ലാ നാഡ്‌ലവാര്‌മ് അയാള് പട്ട്‌ക്ക് ബന്താര്.

മത്തായി 3:5 ပူးပေါင်းရင်းမြစ်များ

മത്തായി 2:1

എരോദ രാജാവായിന്ത കാലാത്ത്‌ല് എഗുദ നാഡ്‌ല ബെദ്ദ്‌ലെഗേമ് പട്ടണാത്ത്‌ല്‌ത്തെ ഏസ്സ് പ്‌റാന്താദ്. ഏസ്സ് പ്‌റാന്ത പ്‌റ ക്‌ളാക്ക് സാരിന്ത് നാള്‌നച്ചെത്ത്‌റ നോഡുന്റവാര് എര്‌സലേമ്‌ക്ക് ബന്താര്.

മത്തായി 4:25

അത്തെ ഗലീല, ദെക്കെപൊലി, എര്‌സലേമ്, എഗുദ, എന്നുവ എ്ഡെഗാള്‌ലിന്ത്‌മ്, ഓറ്‌ദ്ദാന് ബാനിക്ക് അക്കരെ ഇര്‌ക്കുവ എ്ഡെഗാള്‌ലിന്ത്‌മ് ദൊഡ്ഡ ഒന്റു കൂട്ട ആള്‌ഗാള് ഏസ്സ് പിന്ന്‌ക്ക് പോനാര്.

മര്‌ക്കോസു 1:5

എഗുദ നാഡ്‌ലവാര് ഒട്ടുക്കുമു എര്‌സലേമ്‌ലവാര് ഒട്ടുക്കുമു അയാള് പട്ട്‌ക്ക് ബന്താര്. ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസ്‌നാന്.

ലൂക്കോസു 16:16

നീര്‌ക്ക് മുളുഗുസുവ ഓഗന്നാന് ബരുവ മാട്ട്‌ക്ക്‌ത്തെ മോസെ ബെത്ത സാമിസട്ടാമ് സാമിദാസ്‌ഗാള്‌മ് നിമാന നഡാത്തി ബന്താദ്. ആന ഓഗന്നാന് ബന്ത പ്‌റ സാമി ആളുവാദ്‌ന പറ്റി സൊല്ലി ബന്റാര്. എഞ്ചോ ആള്‌ഗാള് സാമി ആളുവാദ്‌ക്ക് കഡാക്ക്യ തമാക്ക് മുഡിന്തളാവുക്കു ഓരാഡ്‌ന്റാര്.

ലൂക്കോസു 3:3

അത്തെ ഓഗന്നാന് ഓറ്‌ദ്ദാന് ബാന്യര്‌ഗെ ഇര്‌ക്കുവ എല്ലാ നാഡ്‌ഗാള്‌ക്ക്‌മ് പോയി: <<നിമ്മ പാവ ഗേവാദ്‌ന തള്ളി നീര്‌ക്ക് മുളിഗി ഇ്ളാഗുഡൊ. അന്നാപ്പ് സാമി നിമ്മ് പാവാന പൊറുക്കുവാന്>> എന്റ് ആലാത്താലാത്ത് സൊന്നാന്.

ലൂക്കോസു 3:7

ഓഗന്നാന് പട്ട്‌ക്ക് മുളുഗ്യ ബന്ത മൊത്തന ആള്‌ഗാള്‌ക്ക് അയാള് ഇത്തെ സൊന്നാന്: <<പാമ്പ്‌ന പാസെ സദിക്ക്‌ന്റവാരെ, നിമാക്ക് സാമി തരുവ ദെ്ണ്ടണേലിന്ത് ഓഡി തപ്പിസി കഡാക്ക്യ നിമാക്ക് ആര് മുദാല് അറുവു തന്താദ്?

ഓഗന്നാന് 3:23

ഓഗന്നാന്‌മ് സാലേമ്‌ക്കര്‌ഗെ ഇര്‌ക്കുവ അയിനോനു എന്നുവ എ്ഡേല് ആള്‌ഗാള്‌ന മുളിഗിസി കൊണ്ടിന്താന്. എന്ത്‌ക്കെന്റ് സൊന്ന അദ്‌ല് മൊത്തന നീര് ഇന്ത്‌ദ്. അദ്‌നാലെ ആള്‌ഗാള് ബന്ത് ഓഗന്നാന് കയില് മുളുഗുനാര്.

ഓഗന്നാന് 5:35

ഓഗന്നാന് ദഗദഗാത്ത് എരേന്ത് ബെ്ള്‌സഡിക്കുവ ബ്‌ളാക്ക്‌ന പാസെ ഇന്താന്. നിമ്മ സെറ്റെ നേര അയി ബെ്ള്‌സാത്ത്‌ല് പിര്യപിര്യാത്തിര്‌ക്ക്യ ആസെപട്ട്‌റ്.