മത്തായി 27:9 - സാമി സേദി

^9-10 <<ഇസ്‌റവേല്‌ഗാറാര് ബെലെ മുഡിത്തവാന് ബെലെ ആയി കെ്ഡേത്ത മുപ്പാദ് ബെ്ള്ളി പണന അവാര് എ്ഡ്‌ത്താര്, ആണ്ടവാന് എനാക്ക് സൊന്ന പാസെ കുജവാന് ബൂമിക്ക് ബേ്ണ്ടി അവാര് കൊഡുത്താര്>> എന്റ് ഇരെമ്യ സാമിദാസ്‌ന ബെത്ത് സൊന്നാദ് അദേപാസെ അയി നാള് നഡാന്ത്‌ദ്.

മത്തായി 27:9 ပူးပေါင်းရင်းမြစ်များ

മത്തായി 1:22

<<കന്നിപെ്ണ്ണ് ബേ്റായി ഒന്റു മഗാന എ്ഡ്‌ക്കുവാള്. അയി മഗാന സാമി നമ്മോഡൊപ്പ ഇര്‌ക്ക്‌ന്റാന് എന്റ് അര്‌ത്ത ബരുവ ഇമ്മാനുവേല് എന്റ് സൊല്ലുവാര്>> എന്റ് ആണ്ടവാന് സാമിദാസ്‌ഗാള്‌ന ബെത്ത് സൊന്നാദ് നഡാക്ക്യ ബേ്ണ്ടി ഇദൊട്ടുക്കു നഡാന്ത്‌ദ്.

മത്തായി 2:17

അത്തെ: <<റാമാല് ഒന്റു ജദ്ദ കേ്ട്ട്‌ദ്. കേ്സി ജദ്ദാമ് ദുക്കാക്ക് മണ്ടെനമാര്‌ന അഡിത്ത് കേ്യിവ ജദ്ദാമ്‌ത്തെ. റാഗേല് തന്ന് മക്കാള്‌ഗാള്‌ക്ക് ബേ്ണ്ടി കേ്യിന്റാള്, ആള്‌ഗാള് പിരാക്കുവാദ്‌ന കേ്ള്‌ക്ക്യ ഗുഡി അവാള്‌ക്ക് മനേസ്സില്ലാദിന്ത്‌ദ്. എന്ത്‌ക്കെന്റ് സൊന്ന അവാള് മക്കാള് സത്തിന്താര്>> എന്റ് ഇരെമ്യ സാമിദാസ് സൊന്നാദ് അദേപാസെ നഡാന്ത്‌ദ്.

മത്തായി 26:15

<<നാന് ഏസ്സ്‌ന കാട്ടി തന്തദാന നിമ്മ എനാക്ക് എന്ത് തരുവുറു?>> എന്റ് കേ്ട്ടാന്. അദുക്കുള അവാര് അയാള്‌ക്ക് മുപ്പാദ് ബെ്ള്ളി പണന എ്ണ്ണ്‌സി കൊഡുത്താര്.