മത്തായി 26:3 - സാമി സേദി

³ അയി നാള് എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ്, എഗുദാര് ദൊഡ്ഡ പൂസാരി കയ്യപ്പാവു ബീ്ഡ്‌ല് കൂട്ട കൂഡുനാര്.

മത്തായി 26:3 ပူးပေါင်းရင်းမြစ်များ

മത്തായി 26:69

അയി ഗളിഗെ പത്ത്‌റോസു ബെ്ളിഗെ കളാത്ത്‌ല് കുക്കാന്തിന്താന്. അദുക്കുള ഒന്റു ഗിലാസഗാറിസി അയാള് പട്ട്‌ക്ക് ബന്ത്: <<നീയിമ് ഗലീലഗാറാന് ഏസ്സോഡൊപ്പ ഇന്തവാന്‌ത്ത്യല്ല?>> എന്റ് കേ്ട്ടാള്.

മത്തായി 27:27

അദ്‌ക്ക് പ്‌റ നാഡദിഗാരി പട്ടളഗാറാര് ഏസ്സ്‌ന നാഡദിഗാരി കോട്ടെ കുളാക്ക് എ്ഡ്‌ത്ത് പോനാര്. അവാര് അദ്‌ലിന്ത പട്ടളഗാറാര്‌ന ഒട്ടുക്കു അയാള്‌ക്ക് സുറ്റീല് ഗുമ്പു ഗൂഡുസുനാര്.

മര്‌ക്കോസു 14:54

പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു ഏസ്സ് പിന്ന്‌മേലെ എഗുദാര് ദൊഡ്ഡ പൂസാരി ബീ്ഡ് കള മാട്ട്‌ക്ക് പോനാന്. അയാള് അദ്‌ല് കാവഗാറാരോഡ തീ കായിന്ത് കൊണ്ടു കുക്കാന്തിന്താന്.

മര്‌ക്കോസു 14:66

പത്ത്‌റോസു അയി സമ്യ കളാത്ത്‌ല് അഡി താനെ ഇന്തിന്താന്. അദുക്കുള എഗുദാര് ദൊഡ്ഡ പൂസാരി ഗിലാസഗാറിസ്യാര്‌ല് ഒരുത്തി ബന്താള്.

മര്‌ക്കോസു 15:16

പട്ടളഗാറാര് ഏസ്സ്‌ന കോട്ടെ കുളാക്ക് ഇര്‌ക്കുവ കളാക്ക് എ്ഡ്‌ത്ത് പോനാര്. പ്‌റ അവാര് അദ്‌ലിന്ത പട്ടളഗാറാര്‌ന ഒട്ടുക്കു ബ്‌ളിത്ത് ബര്‌സ്സ്‌നാര്.

ലൂക്കോസു 22:55

അവാര് അദ്‌ക്ക് എജ്ജ്‌ന പ്‌റ നഡ്‌കളാക്ക് തീബെ്ണ്ടിക്കി ഒന്റായിന്ത് തീ കായിന്ത് കൊണ്ടിന്താര്. അദുക്കുള പത്ത്‌റോസുമു അവാര് പട്ട്‌ക്ക് പോയി കുക്കാന്താന്.

ലൂക്കോസു 3:2

അന്നാസ്‌മ് കയ്യപ്പാവുമു എഗുദാര് ദൊഡ്ഡ പൂസാരിഗാള്‌മ് ആയിന്താര്. അയി ഗളിഗേല് ബെ്ട്ടെകാഡ്‌ല് ബെത്ത് സെക്കെര്യാവു മഗാന് ഓഗന്നാനോഡ സാമി നായ നൊഡിന്താന്.

ഓഗന്നാന് 11:57

ആന എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് ഏസ്സ്‌ന പ്‌ഡിക്ക്യ ബേ്ണ്ടി അയാള് ഇര്‌ക്കുവ എ്ഡെന ആര്‌ക്കാറ്റ തെരിന്തദാന അറുവു കൊഡുക്കുഡൊ എന്റ് കല്‌പനെ കൊഡുത്തിന്താര്.

ഓഗന്നാന് 18:24

അദുക്കുള അന്നാസ് അയാള്‌ന കെ്ട്ട്‌ന കെ്ട്ടോഡ താനെ എഗുദാര് ദൊഡ്ഡ പൂസാരി കയ്യപ്പാവു പട്ട്‌ക്ക് സൊല്ലി ബ്‌ട്ടാന്.

ഓഗന്നാന് 18:28

റാവെ താനെ എഗുദാര് തലെവാര്‌ഗാള് ഏസ്സ്‌ന കയ്യപ്പാവു പട്ട്‌ലിന്ത് നാഡ് തലെവാന് കോട്ടേക്ക് എ്ഡ്‌ത്ത് പോനാര്. ആന അവാര് തമ്മ് സട്ട്‌മെ്ട്ട്‌പഡി അയിത്ത്യ പഡാദിര്‌ക്ക്യ ബേ്ണ്ടി കോട്ടെ കുളാക്ക് പോഗാലെ. എന്ത്‌ക്കെന്റ് സൊന്ന അയിത്തപഡാത്തവാര് ആയിന്താത്തെ പെസഗെ സാപ്പാഡ് തിന്ന്യ മുഡിമ്.