മത്തായി 22:8 - സാമി സേദി

⁸ അദ്‌ക്ക് പ്‌റ രാജാവു തന്ന് ഗിലാസഗാറാര്‌ക്ക്: <കല്യണ ബിര്‌ന്ത് ഒരിങ്കിര്‌ക്ക്‌ന്റ്. നാന് ബര്യ സൊന്നവാര് അദ്‌ക്ക് തഗ്‌ദിഗാറാര് ആഗാലെ.

മത്തായി 22:8 ပူးပေါင်းရင်းမြစ်များ

ബെ്ളിപട്ട കാര്യ 3:4

ആന ഉഡുപ്പുഗാള് ഇന്നിമ് എ്ള്‌ക്കാഗാത്ത ലേസ ആള്‌ഗാള് സറ്‌ദീസ്‌ല് നിനാക്ക് ഇര്‌ക്ക്‌ന്റാര്. അവാര് ബെ്ള്ളെ ഉഡുപ്പിക്കി എന്നോഡൊപ്പ നഡാക്കുവാര്. അവാര് അദ്‌ക്ക് തഗ്‌ദ്യുള്ളവാര്‌ത്തെ.

2 തെസെലോനിക്ക്യഗാറാര് 1:5

നിമാന സാമി ആളുവ നാഡ്‌ക്ക് തഗ്‌ദ്യുളളവാരായി കണാക്കാക്കുവാന് എന്നുവാദ്‌നത്തെ ഈ പൊറിമേമ് നമ്പിക്കേമ് കാട്ടുവാദ്. അത്തെ സാമി എല്ലാ ആള്‌ഗാള്‌നാമ് നീദ്യോഡ ബിദിക്കുവാന്. സാമി ആളുവ അയി നാഡ്‌ക്ക് ബേ്ണ്ടിത്തെ നിമ്മ ഈ കജട്ടപാഡ്‌ഗാള് പട്ട് കൊണ്ട്‌റ്ക്കുവാദ്.

അപ്പോസുത്തലാര് 13:46

ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.

ബെ്ളിപട്ട കാര്യ 22:14

ഉജുരു തരുവ മരാത്ത്‌ല പഗാന തിന്ന്യാമ് പട്ടണാക്ക് കഡാക്കുവ ബാസഗാള് മേലെ പട്ടണാക്ക് കഡാക്ക്യാമ് ഉരിമെ കെ്ഡേക്ക്യ ബേ്ണ്ടി തമ്മ് ജൊഗെഗാള്‌ന കുമ്മി ബെ്ഡിപ്പ് മാഡ്‌ന്റവാര് ബാഗ്യകേ്ട്ടവാര്.

ലൂക്കോസു 21:36

അദ്‌നാലെ നഡാക്ക്യ പോവ ഈ കാര്യഗാള്‌ലിന്ത് തപ്പിസി കഡാക്ക്യാമ് മന്‌സാനായി പ്‌റാന്തവാന് മുന്നുക്കു നില്ല്യ തഗ്‌ദ്യുള്ളവാര് ആയ ബേ്ണ്ടിമ് നിമ്മ ഏദ്‌ഗളിഗേമ് പരേസികൊണ്ടു സൂസാരിത്തിര്‌ന്.>>

ലൂക്കോസു 20:35

സത്തിന്ത് ഉജുര്‌ളാഗ്യാമ് ഇന്നി ബര്യ പോവ ഉലഗാത്ത്‌ല് പെ്ളേക്ക്യാമ് തഗ്‌ദി കെ്ഡേത്തവാര് പെ്ണ്ണെ്ഡ്‌ക്കുവാദില്ലെ, പെ്ണ്ണ് കൊഡുക്കുവാദ്‌മില്ലെ.

മത്തായി 9:15

അദ്‌ക്ക് ഏസ്സ്: <<കല്യണ മാപ്‌ളെ ഒപ്പ ഇര്‌ക്കാട്ടി കല്യണാക്ക് ബന്തവാര്‌ക്ക് ദുക്കപഡ്യ മുഡ്യാമാട്ട. ആന കല്യണ മാപ്‌ളെ ഇവാര്‌ന പ്‌റ്‌ന്ത് പോവ നാള് ബര്‌മ്. അയി ഗളിഗെ അവാര് തീനി തിന്നാത്ത പരേസ പരേസുവാര്.

മത്തായി 22:7

രാജാവു മൊനേക്ക് തെ്ട്ടി പട്ടളഗാറാര്‌ന ബ്‌ട്ട് അയി കൊലെഗാറാര്‌ന കൊന്റു അവാര് പട്ടണന സുട്ടു തള്ള്‌നാന്.

മത്തായി 22:9

അദ്‌നാലെ പട്ടണ തെരുവുക്ക്‌റാഗ പോയി നിമ്മ കാണ്‌ന്റവാര്‌ന ഒട്ടുക്കുമു കല്യണ ബിര്‌ന്ത്‌ക്ക് ബ്‌ളിത്ത് ബാന്> എന്റ് സൊന്നാന്.