മത്തായി 18:9 - സാമി സേദി

⁹ നിന്ന് കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി തള്ള്. റാഡ് കണ്ണുള്ളവാനായി എന്നാല്‌ക്ക്‌മ് ഇര്‌ക്കുവ തീക്ക് പോയി അലേവാദ്‌ന ബ്‌ഡ ഒറ്റെ കണ്ണാനായി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസുവാദ്‌ത്തെ നിനാക്ക് നല്ലാദ്.>>

മത്തായി 18:9 ပူးပေါင်းရင်းမြစ်များ

അപ്പോസുത്തലാര് 14:22

അവാര് അദ്‌ല് ഏസ്സ് സൊല്ലുപഡി നഡാക്ക്‌ന്റവാര് നമ്പിക്കേന ഒറേപ്പ്‌സ്‌ന പ്‌റ നിമാക്ക് ഇര്‌ക്കുവ നമ്പിക്കേല് നേര്‌മോഡ ഇര്‌ക്കുഡൊ എന്റ് അവാര്‌ന ദയിരപഡ്‌സ്‌നാര്. <<നമ്മ പല ദിന്‌സ് കജട്ടഗാള്‌ന താങ്കിത്തെ സാമി ആളുവ നാഡ്‌ക്ക് പോഡൊ>> എന്റ്‌മ് അവാര്‌ന പഡ്‌സ്‌നാര്.

മത്തായി 18:8

നിന്ന് കയ്യോ കാലോ നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. റാഡ് കയിമ് റാഡ് കാല്‌മ് ഇര്‌ക്ക്‌ന്റാവാനായി എന്നാല്‌ക്ക്‌മ് ഇര്‌ക്കുവ തീക്ക് പോയി അലേവാദ്‌ന ബ്‌ഡ കയികാല് ഇല്ലത്തവാനായൊ, മൊണ്ടി ആയൊ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്.

മത്തായി 5:29

ആന നിന്ന് ബല കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി എ്ഡ്‌ത്ത് എ്റിന്ത് തള്ള്. നിന്ന് സരിഗലൊട്ടുക്കു നരഗാക്ക് പോയി അലേവാദ്‌ന ബ്‌ഡ നിന്ന് സരിഗലാത്ത്‌ല് ഇര്‌ക്കുവാദ്‌ഗാള്‌ല് ഒന്റു ഇല്ലാദ്യാവാദ് നിനാക്ക് നല്ലാദ്.

മത്തായി 5:22

ആന നാന് നിമാക്ക് സൊല്ലുവാദ് എന്തെന്റ് സൊന്ന, ആരാറ്റോഡ മൊനേക്ക് തെ്ട്ട്‌ന്റവാനെല്ല നായാക്ക് സിക്കുവാന്. ആരാറ്റ്‌ന മൂളെ ഇല്ലത്തവാന് എന്റ് സൊല്ലി ബ്‌ളിക്ക്‌ന്റവാന് എഗുദാര് കോഡിദിക്ക് ബദ്‌ല് സൊല്ല്യ ബേ്ണ്ടി ബര്‌മ്. ആരാറ്റ്‌ന തൊലേന്തവാന് എന്റ് സൊല്ലുന്റവാനൊ അഗ്ഗിനി നരഗാക്ക് എരെ അവാന്.

ബെ്ളിപട്ട കാര്യ 21:27

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ കൊറ്യാഡ് കുട്ടി ബൊക്കുലു പേര് ഇര്‌ക്ക്‌ന്റവാര്‌ക്ക് താനെത്തെ അദ്‌ക്ക് കഡാക്ക്യ മുഡിമ്. അയിത്ത്യുള്ളാദ് ഒന്റുമു അദ്‌ക്ക് കഡാക്ക്യ മുഡ്യാമാട്ട. നാണഗെ്ട്ട കാര്യഗാള് ഗേന്തൊ, പൊയി സൊല്ല്യൊ നഡാക്കുവ ആര്‌മ് അദ്‌ക്ക് കഡാക്കമാട്ടാര്.

എവുറായാര് 4:11

അദ്‌നാലെ സാമി സൊന്നാദ്‌ന കേ്ള്‌ക്കാദെ അവാര് സോറ്റു പോന പാസെ നമ്മ് കൂട്ടാത്ത്‌ല് ആര്‌മ് സോറ്റു പോഗാദെ അയി എ്ളേക്കുവ പട്ട്‌ക്ക് എജ്ജ്യ നമ്മ മുഡിന്തളാവുക്കു ഓരാഡ്‌ഗാന്.

മര്‌ക്കോസു 9:47

നിന്ന് കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി തള്ള്. റാഡ് കണ്ണുള്ളവാനായി നരഗാക്ക് പോവാദ്‌ന ബ്‌ഡ ഒറ്റെ കണ്ണാനായി സാമി ആളുവ നാഡ്‌ക്ക് പോവാദ് നിനാക്ക് നല്ലാദ്.

മത്തായി 19:17

അദ്‌ക്ക് ഏസ്സ്: <<നല്ലാദ് എന്ത് എന്റ് നീ എനാന കേ്ള്‌ക്കുവാദ് എന്ത്‌ക്ക്? നല്ലവാന് ഒരുത്താന്‌ത്തെ. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ നീ ആസെപഡുവദാന സാമി ബെത്ത സട്ടപഡി നഡ>> എന്റ് സൊന്നാന്.

മത്തായി 16:26

ഒരുത്താന് ഉലഗാത്ത്‌ല് ഇര്‌ക്കുവാദ്‌ന ഒട്ടുക്കു കെ്ഡേസിമ് തന്ന് ഉജുരുന നജ്‌ട്ടപഡ്‌സ്‌ന അയാള്‌ക്ക് എന്ത് പ്‌ണ്ണ്യ ഇര്‌ക്ക്‌ന്റ്? അല്ല, മറിസി തന്ന് പോന ഉജുരുന കെ്ഡേസ്യ ബദ്‌ലായി മന്‌സാന് എന്ത്‌ന കൊഡുക്കുവാന്?