മത്തായി 18:4 - സാമി സേദി

⁴ അദ്‌നാലെ ഈ സ്‌ന്ന മഗാന പാസെ താന്‌താനെ താന്ത്‌റ്‌ന്റവാന് സാമി ആളുവ കാലാക്ക് പട്ടവാര്‌ല് എല്ലാര്‌ന ബ്‌ഡ മുക്ക്യമാന ആള് ആവാന്.

മത്തായി 18:4 ပူးပေါင်းရင်းမြစ်များ

ആക്കോവു 4:10

അത്തെ നിമ്മ ആണ്ടവാന്‌ക്കായി തണിന്ത് പെ്ളേത്ത ആണ്ടവാന് നിമാന ദൊഡ്ഡവാന് മാഡുവാന്.

ലൂക്കോസു 14:11

തനാന താനെ ദൊഡ്ഡവാന് മാഡ്‌ന്റവാന്‌ന സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന ദൊഡ്ഡവാന് മാഡുവാന്.>>

മര്‌ക്കോസു 10:43

ആന നിമ്മ അവാര്‌ന പാസെ ആയ പാങ്കില്ലെ. നിമാക്ക് ആര്‌ക്കാറ്റ ദൊഡ്ഡവാനായ ആസെ ഇന്തദാന അയാള് എല്ലാര്‌ക്ക്‌മ് ഗിലാസഗാറാന് ആയിര്‌ക്കുഡൊ.

ലൂക്കോസു 9:48

എന്റിന്ത് ഇത്തെ സൊന്നാന്: <<എന്ന് പേര്‌ല് ഈ സ്‌ന്ന മഗാന തങ്കാരിത്തദാന എനാന തങ്കാരിത്താദ്‌ക്ക് സമാത്തെ. അദേപാസെ എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്. നിമ്മ് കൂട്ടാത്ത്‌ല് മ്‌ഗ്‌ന്ത തണിമോഡ നഡാക്ക്‌ന്റവാന്‌ത്തെ നേര്‌മായിമ് ദൊഡ്ഡവാന്.>>

1 പത്ത്‌റോസു 5:5

അദേപാസെത്തെ ബീ്ണാരെ, മൂപ്പനാമ് സൊല്ലുപഡിക്ക് നഡാന്. നിമ്മ ആങ്കീങ്ക് തണിമോഡ കെ്ട്ട്‌പട്ട് നഡാന്. എന്ത്‌ക്കെന്റ് സൊന്ന, <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്.>>

മത്തായി 18:1

അയി ഗളിഗേല് ഏസ്സ് സൊല്ലുപഡി നഡാക്ക്‌ന്റവാര് ഏസ്സ് പട്ട്‌ക്ക് ബന്ത്: <<സാമി ആളുവാദ്‌ക്ക് പട്ടവാര്‌ല് ആര് ദൊഡ്ഡവാന്?>> എന്റ് കേ്ട്ടാര്.

മത്തായി 18:3

<<നിമ്മ മനേസ്സ് മാറി പിന്നേമ് മക്കാള്‌ഗാള്‌ന പാസെ ആഗാദെ പോന സാമി ആള്‌ന്റവാര് ആഗമാട്ട്‌റ് എന്റ് നാന് സത്ത്യമായിമ് നിമാക്ക് സൊന്റേന്.

മത്തായി 18:5

ഇദേപാസെ ഇര്‌ക്കുവ മഗാന എന്ന് പേര്‌ല് തങ്കാരിക്ക്‌ന്റവാന് എനാന തങ്കാരിക്ക്‌ന്റാന്>> എന്റ് സൊന്നാന്.

മര്‌ക്കോസു 9:34

ആന തമ്മ് കൂട്ടാത്ത്‌ല് ആര് ദൊഡ്ഡവാന് എന്നുവാദ്‌ന പറ്റിത്തെ അവാര് ബട്ടേല് ബെത്ത് തറ്‌ക്കിന്താദ്. അദ്‌നാലെ അവാര് സപ്പെന്റിന്താര്.