മത്തായി 17:1 - സാമി സേദി

¹ ആറ് നാള് കളിന്ത പ്‌റ ഏസ്സ് പത്ത്‌റോസുനാമ്, ആക്കോവുനാമ്, അയാള് തമ്പി ഓഗന്നാന്‌നാമ് കൂട്ട്യെ്ഡ്‌ത്ത് ഒന്റു ഉജാന്ത ഗുഡ്ഡേക്ക് പോനാന്. അദ്‌ല് അവാര് തനിഗെ ഇന്താര്.

മത്തായി 17:1 ပူးပေါင်းရင်းမြစ်များ

മത്തായി 17:2

ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. ഏസ്സ് മോന്തെ നേരന പാസെ കനകനാത്ത് കത്ത്‌റ്റ്. അയാള് ഉഡുപ്പു പാല്‌ന പാസെ ബെ്ള്ളെബെ്ള്ള്യ ആറ്റ്.

മത്തായി 26:37

അത്തെ അയാള് പത്ത്‌റോസുനാമ് സെവേദി മഗാനാര് റാഡാള്‌നാമ് തന്നോഡ കൂട്ട്യെ്ഡ്‌ത്ത് പോയി ഇത്തെ ദുക്കപഡ്യാമ് അങ്കലാപ്‌പഡ്യാമ് പ്‌ഡിത്താന്.

മര്‌ക്കോസു 13:3

ഏസ്സ് പ്‌റ ഒലിവു മലേല് സാമിബീ്ഡ്‌ക്ക് നേരെ കുക്കാന്തിന്താന്. അയി സമ്യ പത്ത്‌റോസു, ആക്കോവു, ഓഗന്നാന്, അന്ത്‌റാസ്, ഇവാര് നാക്കാള് സൂഗാന ബന്ത്:

മര്‌ക്കോസു 5:37

പത്ത്‌റോസു, ആക്കോവു, അയാള് തമ്പി ഓഗന്നാന് ഇവാര്‌ന താനെ തന്നോഡ കൂട്ട്യെ്ഡ്‌ത്ത് പോനാന്. പിന്നെ ഇന്തവാര് ആര്‌നാമ് കൂട്ടി പോഗാലെ.

ലൂക്കോസു 8:51

ഏസ്സ് ആയിരോസു ബീ്ഡ്‌ക്ക് എജ്ജ്‌ഗാട്ടി പത്ത്‌റോസുനാമ്, ഓഗന്നാന്‌നാമ്, ആക്കോവുനാമ്, അയി പ്‌ള്ളെ അവ്വേസിനാമ് അപ്പനച്ചാന്‌നാമ്‌ത്തെ തന്നോഡ ബീ്ഡ്‌കുളാക്ക് കൂട്ടി പോനാദ്. ബേ്റെ ആര്‌നാമ് കൂട്ടി പോഗാലെ.

2 കൊരിന്ത്യഗാറാര് 13:1

നാന് ഈ ബരുവാദോഡ പണ്ടെ നിമ്മ് പട്ട്‌ക്ക് ബരുവാദ് മൂറു ജമ്പാന്റ്. <<ഏദ് കുറ്റനാമ് അദ്‌ന കണ്ടിന്ത റാഡാളൊ മൂറാളൊ സൊല്ലുവ നായന ബെത്ത്‌ത്തെ അയി കുറ്റന ഒറേപ്പ് മാഡുവാദ്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

2 പത്ത്‌റോസു 1:16

നമ്മ് ആണ്ടവാന് ഏസ്സ് ക്‌റ്‌സ്‌ത്ത് സക്‌തിന പറ്റിമ് അയാള് ബരുവാദ്‌ന പറ്റിമ് നിമാക്ക് സൊല്ലുഗാട്ടി ബുദ്ദ്യോഡ കദെ ബെക്ക്യ ബേ്ണ്ടി ബെത്ത കദെഗാള്‌ന ബെത്തല്ല സൊന്നാദ്. അദ്‌ക്ക് ബദ്‌ല അയാള് മദ്‌പ്പ്‌ന കണ്ണാറ കണ്ടവാരായിത്തെ സൊന്നാദ്.

2 പത്ത്‌റോസു 1:18

അദുക്കുള അയാളോഡൊപ്പ സാമി ബരുവ മലേല് എമ്മ ഇന്തേമ്, മേലോഗാത്ത്‌ലിന്ത് ബന്ത അയി ജദ്ദന എമ്മാമ് കേ്ട്ടേമ്.