മത്തായി 13:54 - സാമി സേദി

⁵⁴ പ്‌റ അയാള് തന്ന് സൊന്ത പട്ടണാക്ക് ബന്ത് എഗുദാര് പരേസുവ ബീ്ഡ്‌ല് ആള്‌ഗാള്‌ന പഡ്‌സ്‌നാന്. അദുക്കുള അവാര് അദിസ്യപട്ട്: <<ഈ ബുദ്ദിമ് ഈ അദിസ്യഗാള് ഗേവാദ്‌ക്കുള്ള സക്‌തിമ് ഇയാള്‌ക്ക് ഏദ്‌ലിന്ത് കെ്ഡേത്ത്‌ദ്?

മത്തായി 13:54 ပူးပေါင်းရင်းမြစ်များ

മത്തായി 2:23

അദ്‌ല് ഓസേപ് നസറേത്ത് എന്നുവ പട്ടണാക്ക് പോയി ഇന്താന്. അത്തെ ഏസ്സ്‌ന പറ്റി <<നസറേത്ത്‌ഗാറാന് എന്റ് ബ്‌ളിക്കുവാര്>> എന്റ് സാമിദാസ്‌ഗാള്‌ന ബെത്ത് സൊല്ലിന്താദ് നഡാന്ത്‌ദ്.

മത്തായി 4:23

പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മത്തായി 7:28

ഈ നായഗാള്‌നെല്ല ഏസ്സ് സൊല്ലി തീന്താദ്‌മ് ആള്‌ഗാളൊട്ടുക്കു അയാള് സൊന്ന ബുദ്ദിനായന കേ്ട്ട് അദിസ്യപട്ടാര്.

ലൂക്കോസു 2:47

ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്.

ഓഗന്നാന് 1:11

അയാള് തന്ന് കൂട്ടാര് പട്ട്‌ക്ക് ബന്താന്. ആന തന്ന് കൂട്ടാര് അയാള്‌ന കയ്യേന്താലെ.

അപ്പോസുത്തലാര് 13:46

ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.

അപ്പോസുത്തലാര് 4:13

പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.