അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.
മത്തായി 13:52 - സാമി സേദി52 അയാള് അവാര്‌ക്ക്: <<അദ്‌നാലെ സാമി ആളുവാദ്‌ന പറ്റി പഡിക്കുവ ഒന്റൊന്റു ബേദബാത്ത്യനാമ്, തന്ന് ബീ്ഡ്‌ല് ബെത്ത്‌റ്‌ക്കുവ ബല്ലാത്ത്‌ലിന്ത് പുദ്യ സാമനഗാള്‌നാമ് പള്യ സാമനഗാള്‌നാമ് എ്ഡ്‌ത്ത് കൊഡുക്കുവ ഒന്റു ബീ്ഡ്‌ഗാറാന്‌ക്ക് സമാത്തെ>> എന്റ് സൊന്നാന്. အခန်းကိုကြည့်ပါ။ |
മത്തായി 13:52
31 ပူးပေါင်းရင်းမြစ်များ
അദ്‌നാലെ നാന് സാമിദാസ്‌ഗാള്‌നാമ്, അറുവു ഇര്‌ന്റവാര്‌നാമ്, ബേദബാത്ത്യനാമ്‌ഗാള്‌നാമ് നിമ്മ് പട്ട്‌ക്ക് സൊല്ലി ബ്‌ഡ്‌ന്റെ. അവാര്‌ല് ലേസ ആള്‌ഗാള്‌ന നിമ്മ കൊല്ലുവുറു. ലേസ ആള്‌ഗാള്‌ന കുരുസുക്കു സേത്തി ആണി അഡിക്കുവുറു. ലേസ ആള്‌ഗാള്‌ന എഗുദാര് പരേസുവ ബീ്ഡ്‌ക്ക്‌റാഗ ബെത്ത് സാട്ടെവാര്‌ല് അഡിത്ത് ഒന്റു പട്ടണാത്ത്‌ലിന്ത് അഡ്‌ത്ത പട്ടണാക്ക് അവാര്‌ന മുഡിക്കി ബ്‌ഡ്‌വുറു.
അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.
ကြော်ငြာတွေ