മത്തായി 11:8 - സാമി സേദി

⁸ അല്ല, പിന്നെ നിമ്മ എന്ത്‌ന കാണ്യ പോനുറു? നല്ല മിന്‌മിന ഇര്‌ക്കുവ ഉഡുപ്പുസഡ്‌പ്പ് ഇക്കിര്‌ക്കുവ ആള്‌ന കാണ്യഗ? ഇല്ലെ. നല്ല മിന്‌മിന ഇര്‌ക്കുവ ഉഡുപ്പിക്കിര്‌ന്റവാര് രാജകോട്ടേല്‌ത്തെ ഇര്‌ക്ക്‌ന്റാര്.

മത്തായി 11:8 ပူးပေါင်းရင်းမြစ်များ

മത്തായി 11:7

ഓഗന്നാന് സൊല്ലുപഡി നഡാക്ക്‌ന്റവാര് പോന പ്‌റ ഏസ്സ് ആള്‌ഗാള്‌ക്ക് ഓഗന്നാന്‌ന പറ്റി ഇത്തെ സൊല്ല്യ പ്‌ഡിത്താന്: <<നിമ്മ എന്ത്‌ന കാണ്യ ബെ്ട്ടെകാഡ്‌ക്ക് പോനുറു? കാറ്റ്‌ല് ആഡുവ ഓഡെന കാണ്യ പോനുറ?

മത്തായി 11:9

അല്ല, പിന്നെ നിമ്മ എന്ത്‌ന കാണ്യ പോനുറു? ഒന്റു സാമിദാസ്‌ന കാണ്യഗ? സെരിത്തെ, സാമിദാസ്‌ന ബ്‌ഡ ദൊഡ്ഡവാന്‌ന കാണ്യത്തെ പോനാദ് എന്റ് നാന് നിമാക്ക് സൊന്റെ.

മത്തായി 3:4

ഓഗന്നാന് ഒട്ടഗ തുപ്പുഡുലു മാഡ്‌ന ഉഡുപ്പുന ഇക്കി ഇ്ഡ്‌പ്പ്‌ക്ക് ഒന്റു തോലു കച്ചെനാമ് കെ്ട്ടിന്താന്. അയാള് മുട്ടിരിനാമ് തേന്‌നാമ്‌ത്തെ തീനി എന്റ് തിന്റിന്താദ്.

ലൂക്കോസു 7:25

അല്ല, പിന്നെ നിമ്മ എന്ത്‌ന കാണ്യ പോനുറു? നല്ല മിന്‌മിന ഇര്‌ക്കുവ ഉഡുപ്പുസഡ്‌പ്പ് ഇക്കിര്‌ക്കുവ ആള്‌ന കാണ്യഗ? ഇല്ലെ. നല്ല ബെലെപെറ്റ ഉഡുപ്പിക്കി സുഗസുഗാത്ത് പെ്ളേക്ക്‌ന്റവാര് രാജകോട്ടേല്‌ത്തെ ഇര്‌ക്ക്‌ന്റാര്.

1 കൊരിന്ത്യഗാറാര് 4:11

ഇന്നാമാട്ട്‌ക്ക് എമ്മ തിന്ന്യ ഇല്ലാദേമ് കുഡിക്ക്യ ഇല്ലാദേമ് ഇക്ക്യ നല്ല സീലെസിലാപ്പ് ഇല്ലാദേമ് ഇര്‌ക്ക്‌ന്റേമ്. എമ്മ അഡി ബാങ്ക്‌ന്റേമ്. എമ്മ ഒന്റേ പട്ട്‌ല് ഇര്‌ക്ക്യ മുഡ്യാദെ ആങ്കീങ്ക് പോന്റേമ്.

2 കൊരിന്ത്യഗാറാര് 11:27

നാന് പാഡ്‌മ് പട്ടെ, കജട്ടാമ് പട്ടെ, എഞ്ചോ ജാമാല് ഉറാക്കില്ലദേമ് ഇന്തെ. എ്ഡെക്കെ്ഡേക്ക് തീനില്ലാദെ പജി സത്തെ, കുഡിക്ക്യ നീര് കെ്ഡേക്കാദെ നീരറാക്കേക്ക് പട്ടെ, സളി സത്തെ, എനാക്ക് ബേ്ഡ്‌മാന സീലെസിലാപ്പ്‌മ് ഇല്ലാദെ ഇന്ത്‌ദ്.

ബെ്ളിപട്ട കാര്യ 11:3

നാന് സൊല്ല്യ സൊന്ന നായഗാള്‌ന സൊല്ല്യ എനാന പറ്റി സൊല്ലുവ റാഡാള്‌ക്ക് അയി നാള് അദിഗര കൊഡുക്കുവെ. അവാര് സാക്ക്‌ല് മാഡ്‌ന ഉഡുപ്പുന ഇക്കി ആയിരത്തി ഇര്‌നൂറ്റി അറുവദ് നാള് എനാക്ക് സൊല്ല്യ ഇര്‌ക്കുവാദ്‌ന സൊല്ലുവാര്.>>