മത്തായി 11:7 - സാമി സേദി

⁷ ഓഗന്നാന് സൊല്ലുപഡി നഡാക്ക്‌ന്റവാര് പോന പ്‌റ ഏസ്സ് ആള്‌ഗാള്‌ക്ക് ഓഗന്നാന്‌ന പറ്റി ഇത്തെ സൊല്ല്യ പ്‌ഡിത്താന്: <<നിമ്മ എന്ത്‌ന കാണ്യ ബെ്ട്ടെകാഡ്‌ക്ക് പോനുറു? കാറ്റ്‌ല് ആഡുവ ഓഡെന കാണ്യ പോനുറ?

മത്തായി 11:7 ပူးပေါင်းရင်းမြစ်များ

ആക്കോവു 1:6

നിമ്മ സാമിന കേ്ള്‌ക്കാട്ടി മനേസ്സ്‌ല് സന്തേഗപഡാദെ നിമ്മ കേ്ള്‌ക്കുവാദെല്ല നിമാക്ക് കെ്ഡേക്ക്‌മെന്റ് നമ്പികൊണ്ടു കേ്ള്‌ക്കുഡൊ. ആന സന്തേഗത്തോഡ കേ്ള്‌ക്ക്‌ന്റവാന് കാറ്റ് അഡിക്കാട്ടി കീ്ഗ്‌മേല്‌മ് ആഡുവ കഡാല് തെരെന പാസെത്തെ.

ഓഗന്നാന് 5:35

ഓഗന്നാന് ദഗദഗാത്ത് എരേന്ത് ബെ്ള്‌സഡിക്കുവ ബ്‌ളാക്ക്‌ന പാസെ ഇന്താന്. നിമ്മ സെറ്റെ നേര അയി ബെ്ള്‌സാത്ത്‌ല് പിര്യപിര്യാത്തിര്‌ക്ക്യ ആസെപട്ട്‌റ്.

എപസോസുഗാറാര് 4:14

അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.

ലൂക്കോസു 8:18

അദ്‌നാലെ നാന് സൊല്ലുവ ഈ കാര്യഗാള്‌ന എന്തെന്റ് നിമ്മ നെനേത്ത് നോഡുനു, ഇര്‌ക്ക്‌ന്റവാന്‌ക്ക് ഇര്‌ക്കുവാദ്‌ന ബ്‌ഡ സാമി മൊത്തന കൊഡുക്കുവാന്. ഇല്ലത്തവാന്‌ക്ക് ഇര്‌ക്ക്‌ന്റ് എന്റ് അയാള് നെനേക്കുവാദ്‌ന ഗുഡി സാമി എ്ഡ്‌ത്ത് തള്ളുവാന്.>>

മത്തായി 21:25

ഓഗന്നാന്‌ക്ക് നീര്‌ക്ക് മുളുഗുസുവാദ്‌ക്കുളള അദിഗര കെ്ഡേത്താദ് ഏദ്‌ലിന്ത്? സാമിലിന്തോ മന്‌സാന് എ്ഡേലിന്തൊ?>> എന്റ് കേ്ട്ടാന്. അവാര് തമാക്ക് തമാക്ക് ഓസണെ മാഡി നോഡുനാര്. << <സാമിലിന്ത്> എന്റ് നമ്മ സൊന്നദാന <പിന്നെ നിമ്മ എന്ത്‌ക്ക് ഓഗന്നാന്‌ന നമ്പാലെ> എന്റ് ഏസ്സ് നമാന കേ്ള്‌ക്കുവാന്.

മത്തായി 3:5

അയി ഗളിഗേല് എര്‌സലേമ്‌ലവാര്‌മ് എഗുദ നാഡ്‌ലവാര് ഒട്ടുക്കുമു ഓറ്‌ദ്ദാന് ബാനിക്ക് അക്കരേമ് ഇക്കരേമ് ഇര്‌ക്കുവ എല്ലാ നാഡ്‌ലവാര്‌മ് അയാള് പട്ട്‌ക്ക് ബന്താര്.

ഓഗന്നാന് 1:38

ഏസ്സ് പിന്ന് സാരി തിരിഗി നോഡി അവാര് റാഡാള് ബരുവാദ്‌ന കണ്ട്: <<നിമ്മ എന്ത്‌ക്ക് എന്ന് പിന്ന്‌മേലെ ബന്റ്‌റ്>> എന്റ് അവാര്‌ന കേ്ട്ടാന്. അദുക്കുള അവാര്: <<റബീ>> (എന്റ് സൊന്ന <<ഗുരുവെ>> എന്റ്‌ത്തെ അര്‌ത്ത) <<നീ ഏദ്‌ല് ഇര്‌ക്കുവാദ്>> എന്റ് കേ്ട്ടാര്.

മത്തായി 11:8

അല്ല, പിന്നെ നിമ്മ എന്ത്‌ന കാണ്യ പോനുറു? നല്ല മിന്‌മിന ഇര്‌ക്കുവ ഉഡുപ്പുസഡ്‌പ്പ് ഇക്കിര്‌ക്കുവ ആള്‌ന കാണ്യഗ? ഇല്ലെ. നല്ല മിന്‌മിന ഇര്‌ക്കുവ ഉഡുപ്പിക്കിര്‌ന്റവാര് രാജകോട്ടേല്‌ത്തെ ഇര്‌ക്ക്‌ന്റാര്.

മത്തായി 12:20

അയാള് സദേന്ത ഓഡെന മുറുത്തു തള്ളമാട്ടാന്, കത്തി തീന്ത് പൊഗേന്ത് കൊണ്ടു ഇര്‌ക്കുവ തിരിന കെ്ഡ്‌സാമ്‌മാട്ടാന്, നീദ്യുള്ള കാര്യ ഗേന്ത് ഗെല്‌സ മാട്ട്‌ക്ക് അയാള് ഇത്തെ ഗേന്ത് കൊണ്ട്‌റ്‌ക്കുവാന്.