മത്തായി 11:2 - സാമി സേദി

² ക്‌റ്‌സ്‌ത്ത് ഗേവ കാര്യഗാള്‌ന പറ്റി നീര്‌ക്ക് മുളുഗുസുവ ഓഗന്നാന് ജെയില്‌ലിന്ത് കേ്ട്ട് തന്ന് സൊല്ലുപഡി നഡാക്കുവ ആള്‌ഗാള്‌ന ഏസ്സ് പട്ട്‌ക്ക് സൊല്ലി ബ്‌ട്ടാന്.

മത്തായി 11:2 ပူးပေါင်းရင်းမြစ်များ

മത്തായി 1:17

അത്തെ തലെകെ്ട്ട്‌ഗാള് മൊത്ത അവുറഗാമ് കാല്‌കെ്ളേലിന്ത് ദാവീദ് കാല്‌കെ്ളെ മാട്ട്‌ക്ക് പദ്‌നാല്‌മ്, ദാവീദ് കാല്‌കെ്ളേലിന്ത് ബാവിലോണുഗാറാര് ഇസ്‌റവേല്‌ഗാറാര്‌ന പ്‌ഡിത്ത് പോന കാല മാട്ട്‌ക്ക് പദ്‌നാല്‌മ് ബാവിലോണുഗാറാര് അവാര്‌ന പ്‌ഡിത്ത് പോന കാലാത്ത്‌ലിന്ത് ക്‌റ്‌സ്‌ത്ത് മാട്ട്‌ക്ക് പദ്‌നാല്‌മ്‌ത്തെ.

മത്തായി 14:3

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<അവാള് നിനാക്ക് പെ്ണ്ടച്ച്യായിര്‌ക്കുവാദ് സട്ടപഡി തപ്പ്>> എന്റ് ഈ ഓഗന്നാന് എരോദാവുക്കു സൊല്ലിന്താന്. അദ്‌നാലെ ഓഗന്നാന്‌ന പ്‌ഡിത്ത് കെ്ട്ടി ജെയില്‌ക്ക് ഇക്കി ബെത്തിന്താര്.

മത്തായി 4:12

ഓഗന്നാന്‌ന ജെയില്‌ക്ക് അഡേത്ത സേദിന കേ്ള്‌ക്ക്‌ഗാട്ടി ഏസ്സ് ഗലീല നാഡ്‌ക്ക് തിരിഗി പോനാന്.

മത്തായി 9:14

അദുക്കുള ഓഗന്നാന് സൊല്ലുപഡി നഡാക്ക്‌ന്റവാര് ഏസ്സ് പട്ട്‌ക്ക് ബന്ത്: <<എമ്മാമ് പരിസാര്‌ഗാള്‌മ് തീനി തിന്നാത്ത പരേസ പരേസ്‌ന്റേമ്. ആന നിന്ന് സൊല്ലുപഡി നഡാക്ക്‌ന്റവാര് എന്ത്‌ക്ക് തീനി തിന്നാത്ത പരേസ പരേസുവാദില്ലെ?>> എന്റ് ഏസ്സ്‌ന കേ്ട്ടാര്.

മര്‌ക്കോസു 6:17

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<സൊന്ത അണ്ണാന് പെ്ണ്ട്‌ന നീ കല്യണ മാഡ്‌നാദ് സെര്യല്ല>> എന്റ് ഓഗന്നാന് എരോദാവുക്കു സൊല്ലിന്താന്. അദ്‌നാലെ എരോദ രാജാവു ഏരോദ്യ നെനേത്ത പാസെ അയാള്‌ന പ്‌ഡിത്ത് എ്ഡ്‌ത്ത് പോയി ജെയില്‌ക്ക് അഡേത്ത് ബെത്തിന്താന്.

ലൂക്കോസു 3:19

തലെവാനയിര്‌ക്കുവ എരോദ തന്ന് അണ്ണാന് പെ്ണ്ട് ഏരോദ്യന എ്ഡ്‌ത്ത് ബെത്ത് ബേ്റെ പല കെ്ട്ട കാര്യഗാള്‌മ് ഗേന്തിന്താന്. അദ്‌നാലെ ഓഗന്നാന് അയാള്‌ന നൊഡിന്താന്.

ലൂക്കോസു 9:7

ഈ കാര്യഗാള്‌നെല്ല ഗലീല നാഡ് തലെവാന് എരോദ കേ്ട്ട് അങ്കലാപ്‌പട്ടാന്. എന്ത്‌ക്കെന്റ് സൊന്ന സത്ത ഓഗന്നാന്‌ത്തെ ഉജുര്‌ളാഗിര്‌ക്കുവാദ് എന്റ് ലേസ ആള്‌ഗാള് സൊന്നാദ്‌നാലേമ്,

ഓഗന്നാന് 4:1

ഏസ്സ് ഓഗന്നാന്‌ന ബ്‌ഡ മൊത്തന ആള്‌ഗാള്‌ന തന്ന് സൊല്ലുപഡിക്ക് നഡാക്ക്‌ന്റവാര് മാഡികൊണ്ടുമു നീര്‌ക്ക് മുളുഗുസി കൊണ്ടുമു ഇര്‌ക്ക്‌ന്റാന് എന്റ് പരിസാര്‌ഗാള്‌ക്ക് സേദി കെ്ഡേത്ത്‌ദ് എന്റ് ഏസ്സ്‌ക്ക് തെരിന്ത്‌ദ്.