മത്തായി 1:18 - സാമി സേദി

¹⁸ ഏസ്സ് ക്‌റ്‌സ്‌ത്ത് പ്‌റാന്താദ് ഈ ദിന്‌സ്‌ല്‌ത്തെ: ഓസേപ്‌ക്ക് സൊല്ലി ബെത്തിന്ത ഏസ്സ് അവ്വേസി മറിയ അവാര് റാഡാള്‌മ് ആളാന്‌പെ്ണ്ട് ആവാദ്‌ക്ക് മുദാല് താനെ സാമിനിഗാല്‌ല് ബേ്റായിന്താള്.

മത്തായി 1:18 ပူးပေါင်းရင်းမြစ်များ

മത്തായി 1:1

അവുറഗാമ് കാല്‌കെ്ളേക്ക് പ്‌റാന്ത ദാവീദ് കാല്‌കെ്ളേല്‌ത്തെ ഏസ്സ് ക്‌റ്‌സ്‌ത്ത് പ്‌റാന്താദ്. ഈ ഏസ്സ് ക്‌റ്‌സ്‌ത്ത് പാട്ടനാമ് പേര്‌ഗാള്:

മത്തായി 12:46

ഏസ്സ് അവാരോഡ നായനൊഡിന്ത് കൊണ്ടു ഇര്‌ക്കാട്ടി ഏസ്സ് അവ്വേസിമ് തമ്പ്യാമ്‌മ് ഏസ്സോഡ നായനൊഡ്യ ആസെപട്ട് ബെ്ളിഗെ നിന്റിന്താര്.

മത്തായി 2:11

അവാര് അയി ബീ്ഡ്‌ക്ക് എജ്ജ്‌ഗാട്ടി അവ്വേസി മറിയോഡൊപ്പ മഗാന അവാര് കണ്ടാര്. അവാര് സഡങ്ക ബ്‌ന്ത് അയി മഗാന കുമ്മുഡുനാര്. പ്‌റ അവാര് പെ്ട്ടിന ത്‌റാന്ത് പൊന്നുനാമ്, തുമ്മനാമ്, മൂരു എന്റ് സൊല്ലുവ നല്ല ബാഡെ അഡിക്കുവ ജാദിനാമ് കാണിക്കെ ബെത്താര്.

ലൂക്കോസു 1:25

അയി ഗളിഗെ അവാള്: <<ആണ്ടവാന് എനാന ഗവപട്ട് ആള്‌ഗാള് പട്ട്‌ല് എനാക്കിന്ത മാനകേ്ഡ്‌ന ഇല്ലാദെമാഡി തന്ത്‌റ്‌ന്റാന്>> എന്റ് സൊന്നാള്.

ലൂക്കോസു 2:5

ആള് കണാക്ക് കൊഡുക്ക്യ ബേ്ണ്ടി തനാക്ക് കല്യണ മുഡിത്തിന്തവാള്‌മ് ഒന്റുലു ഉറാങ്കത്തവാള്‌മായിന്ത മറിയ എന്റവാളോഡത്തെ ഓസേപ് ബെദ്ദ്‌ലെഗേമ് പട്ടണാക്ക് പോനാദ്. അദുക്കുള മറിയ ബേ്റായിന്താള്.

എവുറായാര് 10:5

അദ്‌നാലെ ക്‌റ്‌സ്‌ത്ത് ബൂമിക്ക് ബര്‌ഗാട്ടി, <<നേര്‌സെഗാള്‌മ് പലിഗാള്‌മ് നീ ആസെപഡാലെ. ആന നീ എനാക്ക് ബേ്ണ്ടി ഒന്റു സരിഗല ഒരിക്കി ബെത്ത്‌റ്‌ന്റായി.

എവുറായാര് 7:26

ഇത്തെ ഒന്റു ദൊഡ്ഡ പൂസാരിത്തെ നമാക്ക് ബേ്ഡ്‌മ്. അയാള് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാന്‌മ്, കുറ്റ ഒന്റുമു സൊല്ല്യ ഇല്ലത്തവാന്‌മ്, പാവ ഇല്ലത്തവാന്‌മ്, പാവ ഗേന്റവാര്‌ലിന്ത് അലാക്ക പ്‌റ്‌ത്ത് ബെത്ത്‌റ്‌ന്റവാന്‌മ്‌ത്തെ. അയാള്‌ക്ക് മേലോഗാത്ത്‌ല് ഉജാന്ത പദാവിപട്ട കെ്ഡേത്ത്‌ദ്.