ലൂക്കോസു 9:60 - സാമി സേദി

⁶⁰ അദുക്കുള ഏസ്സ് അയാള്‌ക്ക്: <<എനാന നമ്പാത്തവാര് സത്തവാര്‌ന പാസെത്തെ. അവാര് പോയി സത്തവാര്‌ന പാത്തുഡൊ. നീ പോയി സാമി ആളുവ കാലന പറ്റി സൊല്ലു>> എന്റ് സൊന്നാന്.

ലൂക്കോസു 9:60 ပူးပေါင်းရင်းမြစ်များ

മത്തായി 4:23

പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മത്തായി 8:22

ആന ഏസ്സ് അയാള്‌ക്ക്: <<നീ എന്ന് പിന്ന്‌മേലെ ബാ. എനാന നമ്പാത്തവാര് സത്തവാര്‌ന പാസെത്തെ. അവാര് പോയി സത്തവാര്‌ന പാത്തുഡൊ>> എന്റ് സൊന്നാന്.

ലൂക്കോസു 15:24

എന്ന് ഈ മഗാന് സത്ത് പോനവാന്‌ന പാസെ ആയിന്താന്. ആന ഇന്നാല് ഉജുരോഡ കെ്ഡേത്ത്‌റ്‌ന്റാന്. ഇവാന് കയിബ്‌ട്ട് പോനവാനായിന്താന്. ആന ഇന്നാല് കയിക്ക് കെ്ഡേത്ത്‌റ്‌ന്റാന്> എന്റ് സൊന്നാന്. അത്തെ അവാര് പിര്യപൊങ്ക്യ പ്‌ഡിത്താര്.

ലൂക്കോസു 15:32

ആന ഈ നിന്ന് തമ്പി സത്ത് പോനവാന്‌ന പാസെ ആയിന്താന്. ആന അയാള് ഇന്നാല് ഉജുരോഡ കെ്ഡേത്ത്‌റ്‌ന്റാന്. ഇവാന് കയിബ്‌ട്ട് പോയിന്താന്. ഇന്നാല് കയിക്ക് കെ്ഡേത്ത്‌റ്‌ന്റാന്. അദ്‌നാലെ നമ്മ കണ്ടിപ്പായിമ് മദിമറാന്ത് പിര്യപൊങ്കുഡൊ> എന്റ് സൊന്നാന്.>>

1 കൊരിന്ത്യഗാറാര് 9:16

നാന് നല്ല സേദിന സൊല്ലുവ ആള് എന്നുവാദ്‌നാലെ എനാക്ക് പെരിമെപഡ്യ ഒന്റുമില്ലെ. അദ്‌ന സൊല്ല്യ സാമി എനാന നത്ത്‌ന്റാന്. നാന് നല്ല സേദിന സൊല്ലാദിന്ത അവ്വോ, എനാക്ക് കജട്ടാത്തെ!

എപസോസുഗാറാര് 2:1

ക്‌റ്‌സ്‌ത്ത്‌ന നമ്പുവാദ്‌ക്ക് മുദാല് നിമ്മ സാമി സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു പെ്ളേത്തിന്ത്‌റ്. അദ്‌നാലെ അയി ഗളിഗേല് നിമാക്ക് സാമ്യോഡ എ്ണേവ് ബെത്ത് നഡാക്ക്യ മുഡ്യാദെ നിമ്മ സാമി കണ്ണ്‌ക്ക് സത്തവാര്‌ന പാസെ ആയിന്ത്‌റ്.

1 തിമിത്തോസു 5:6

ആന തന്ന് പിര്യാക്ക് പെ്ളേക്കുവ മ്‌ണ്ടേസി ഉജുരോഡിന്താല്‌മ് അവാള് സത്തവാള്‌ക്ക് സമാത്തെ.

2 തിമിത്തോസു 4:2

ആള്‌ഗാള്‌ക്ക് സാമി സൊല്ലുസുലാക്കന സൊല്ലി കൊഡുക്കുഡൊ. ഏദ് നേരാമ് ആള്‌ഗാള്‌ക്ക് നീ സാമി സൊല്ലുസുലാക്കന സൊല്ലി കൊഡുക്ക്യ ഒരുക്കത്തോഡ ഇര്‌ക്കുഡൊ. നീ പഡ്‌സ്‌ഗാട്ടി മ്‌ഗ്‌ന്ത പൊറിമോഡ ആള്‌ഗാള് ഗേവ കുറ്റഗാള്‌ന കാട്ടി കൊഡുക്കുഡൊ, ആള്‌ഗാള്‌ന നൊഡിഡൊ, ആള്‌ഗാള്‌ന ദയിരാമ് പഡുസുഡൊ.

2 തിമിത്തോസു 4:5

ആന നീ ഏദ്‌ഗളിഗേമ് സൂസാരിത്ത് നഡാക്കുഡൊ, എല്ലാ കജട്ടനാമ് താങ്കുഡൊ, നല്ല സേദിന സൊല്ലി കൊഡുക്കുഡൊ, സാമി നിനാക്ക് ഗേയ തന്ത്‌റ്‌ക്കുവ ഗിലാസനൊട്ടുക്കു നീ നലമായി ഗേഡൊ.

ബെ്ളിപട്ട കാര്യ 3:1

<<സറ്‌ദീസ് പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: സാമിത്ത് ഏ്ള് നിഗാല്‌മ് ഏ്ള് ബെ്ള്ളിമ് ഇര്‌ക്ക്‌ന്റവാന് സൊല്ലുവാദ് ഇദ്‌ത്തെ. നീ ഗേവ ഗിലാസ എനാക്ക് തെരിമ്. ഉജുരോഡ ഇര്‌ക്ക്‌ന്റവാന് എന്റ് നിനാക്ക് പേര് ഇന്താല്‌മ് നീ സത്തവാന്‌ത്തെ.