56 അത്തെ അവാര് ബേ്റൊന്റു ഊരുക്കു പോനാര്.
നിമാക്ക് ആരാറ്റ കെ്ട്ട കാര്യഗാള് ഗേന്തദാന അവാര്‌ക്ക് കെ്ട്ട കാര്യഗാള് ഗേയ പാങ്കില്ലെ, നല്ല കാര്യഗാള് ഗേന്ത് കൊഡുക്കുവാദ്‌ത്തെ നിമ്മ പെ്ളേപ്പ് ആയിര്‌ക്കുഡൊ.
മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.
സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാദ് ഉലഗാത്ത്‌ല ആള്‌ഗാള്‌ന കുറ്റ ബിദിക്ക്യല്ല, അയാള്‌ന ബെത്ത് ഉലഗാത്ത്‌ല ആള്‌ഗാള്‌ന കാപാറ്റ്യത്തെ സൊല്ലി ബ്‌ട്ടാദ്.
ത്‌റ്‌ട്ടാന് ബരുവാദ് ത്‌റ്‌ഡ്യാമ്, കൊല്ല്യാമ് അളിക്ക്യാമ് ബേ്ണ്ടിത്തെ. നാന് ബന്താദ് കൊറ്യാഡ്‌ഗാള് ആയിര്‌ക്കുവ നിമാക്ക് ഉജുരു കെ്ഡേക്ക്യാമ് അയി ഉജുരു ഒന്റുക്കുമു കൊറേവു ബരാദെ ഒന്റേപെ്ട്ട് കെ്ഡേക്ക്യാമ്‌ത്തെ.
കാണദ്യാനവാര്‌ന പരാന്ത് പറ്റി കാപാറ്റ്യത്തെ മന്‌സാനായി പ്‌റാന്ത നാന് ബന്താദ്>> എന്റ് സൊന്നാന്.
<<ഈ താന്തവാര്‌ല് ഒരുത്താന്‌ന മാനഗെ്ഡ്‌സാദിര്‌ക്ക്യ സൂസാരിത്തിര്‌ന്. എന്ത്‌ക്കെന്റ് സൊന്ന മേലോഗാത്ത്‌ലിര്‌ക്കുവ അവാര് ദൂദാര്‌ഗാള് മേലോഗാത്ത്‌ലിര്‌ക്കുവ എന്നപ്പാന് സാമിന ഒപ്പ കണ്ട് കൊണ്ട്‌റ്‌ക്ക്‌ന്റാര് എന്റ് നാന് നിമാക്ക് സൊന്റെ.
ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.
എന്ന് നായന കേ്ട്ട് അദേപഡി നഡാക്കാത്തവാന്‌ന നാന് ബിദിക്കുവാദില്ലെ. എന്ത്‌ക്കെന്റ് സൊന്ന ഉലഗാത്ത്‌ല ആള്‌ഗാള്‌ന ബിദിക്ക്യല്ല കാപാറ്റ്യത്തെ നാന് ബന്ത്‌റ്‌ക്കുവാദ്.
അദുക്കുള ഏസ്സ്: <<അപ്പാ, ഇവാര് ഗേവാദ് എന്തെന്റ് ഇവാര്‌ക്ക് താനെ തെരിവാദില്ലെ, അദ്‌നാലെ ഇവാര്‌ന പൊറുക്കുഡോമെ>> എന്റ് പരേസ്‌നാന്. അത്തെ അവാര് സീ്ട്ടിക്കി അയാള് ഉഡുപ്പുന പങ്ക്യെ്ഡ്‌ത്താര്.
അദുക്കുള ഏസ്സ്: <<ഇത്ത്‌റാക്കെല്ല ഗേന്താദ് മദി, ഇന്നി ഗേഗാദേന്>> എന്റ് സൊല്ലി അയാള് കാദ്‌ന അണ്ണി ആറ്‌സ്‌നാന്.
ആന നാന് നിമാക്ക് സൊല്ലുവാദ് എന്തെന്റ് സൊന്ന, നിനാക്ക് കെ്ട്ടാദ് ഗേന്തവാര്‌ക്ക് കെ്ട്ടാദ് ഗേഗാദെ. ആരാറ്റ നിന്ന് ബല പഗ്‌ഡ്‌ന അഡിത്തദാന ഇ്ഡ പഗ്‌ഡ്‌നാമ് കാട്ടി കൊഡു.
ആന ഏസ്സ് അവാര്‌ന നോഡി നൊഡിന്താന്.
അവാര് ബട്ടെമേലെ പോയി കൊണ്ട്‌റ്‌ക്കാട്ടി ബേ്റൊന്റൊരുത്താന് ബന്ത് ഏസ്സ്‌ന: <<നീ ഏങ്ക് പോനാല്‌മ് നാന് നിന്ന് പിന്ന്‌മേലെ ബന്റെ>> എന്റ് സൊന്നാന്.
കാണദ്യാനാദ്‌ന കാപാറ്റ്യത്തെ മന്‌സാനായി പ്‌റാന്തവാന് ബന്താദ്.
