ലൂക്കോസു 9:4 - സാമി സേദി

⁴ നിമ്മ ഏദാറ്റ ബീ്ഡ്‌ക്ക് പോനദാന അയി പട്ടണാത്ത്‌ലിന്ത് പോഗ ബരിദി അയി ബീ്ഡ്‌ല് താനെ തങ്ക്‌ന്.

ലൂക്കോസു 9:4 ပူးပေါင်းရင်းမြစ်များ

മത്തായി 10:11

നിമ്മ ഒന്റു പട്ടണാക്കൊ ഊരുക്കൊ കഡാക്കാട്ടി അദ്‌ല് നിമ്മ സൊല്ലുവാദ്‌ന കേ്ള്‌ക്ക്യ മനേസ്സുള്ളവാന് ആര് എന്റ് കേ്ട്ട് നോഡുനു. അത്തവാള് ഇന്തദാന നിമ്മ അദ്‌ലിന്ത് ബരമാട്ട്‌ക്ക് അയാള് ബീ്ഡ്‌ല് താനെ തങ്ക്‌ന്.

മര്‌ക്കോസു 6:10

ഏദാറ്റ ബീ്ഡ്‌ക്ക് പോയി എജ്ജ്‌നദാന അയി ഊരുന ബ്‌ട്ട് പോഗ മാട്ട്‌ക്ക് അയി ബീ്ഡ്‌ല് താനെ തങ്ക്‌ന്.

ലൂക്കോസു 9:3

ഏസ്സ് അവാര്‌ക്ക്: <<നിമ്മ ഇന്നാല് ഈ ഗിലാസ ഗേയ ബേ്ണ്ടി പോഗാട്ടി ബഡ്യൊ, ദറ്‌മ്മ ബാങ്കുവ പയ്യൊ, തീന്യോ, പണാഗൊ, ഇക്കിര്‌ക്കുവ ഉഡുപ്പല്ലാദെ ബേ്റെ സീലെസിലാപ്പൊ ഇത്തെ ഒന്റുമു എ്ഡ്‌ക്കബേഡ.

ലൂക്കോസു 9:5

ആരാറ്റ നിമാന സേത്താദേമ് നിമ്മ സൊല്ലുവാദ്‌ന കേ്ള്‌ക്കാദേമ് ഇന്തദാന അയി പട്ടണന ബ്‌ട്ട് പോനു. ഇത്തെ അവാര് ഗേന്താദ്‌നാലെ അവാര്‌ക്ക് ബരുവ ദെ്ണ്ടണേക്ക് നിമ്മ ഇന്നി കുറ്റഗാറാരല്ല എന്റ് അവാര്‌ക്ക് താനെ തെര്യ ബേ്ണ്ടി നിമ്മ് കാല്‌ല ദൂളിന തട്ടി തള്ള്‌ന്>> എന്റ് സൊന്നാന്.

അപ്പോസുത്തലാര് 16:15

അത്തെ അവാള്‌മ് അവാള് ബീ്ഡ്‌ഗാറാര്‌മ് നീര്‌ക്ക് മുളുഗുനാര്. <<ആണ്ടവാന് ഏസ്സോഡ എനാക്ക് നേര്‌മായി നമ്പിക്കെ ഇര്‌ക്ക്‌ന്റ് എന്റ് നിമ്മ കണാക്കാക്കിന്താദാന സെറ്റെ ബീ്ഡ്‌ക്ക് ബന്ത് തങ്കുഡൊ>> എന്റ് സൊല്ലി അവാള് എമാന ബ്‌ളിത്ത് നത്ത്‌നാള്. അത്തെ എമ്മ അവാള് ബീ്ഡ്‌ക്ക് പോനേമ്.