ലൂക്കോസു 9:12 - സാമി സേദി

¹² നേര ബീ്യ ആഗാട്ടി തന്ന് സൊല്ലുപഡി നഡാക്കുവ പന്നന്റാള്‌ഗാള് ഏസ്സ് പട്ട്‌ക്ക് ബന്ത്: <<ഇദ് ഒന്റു ആളില്ലാത്ത എ്ഡെ. അദ്‌നാലെ അര്‌ഗെ ഇര്‌ക്കുവ ഊരുഗാള്‌ക്കൊ കാഡ് സാളെഗാള്‌ക്കൊ പോയി സാപ്പാഡ് ബാങ്കി തിന്റ് ഉറാങ്ക്യ ആള്‌ഗാള്‌ന സൊല്ലി ബ്‌ഡ്‌ഡൊ>> എന്റ് സൊന്നാര്.

ലൂക്കോസു 9:12 ပူးပေါင်းရင်းမြစ်များ

മത്തായി 14:13

അയി സേദിന കേ്ട്ട് ഏസ്സ് അദ്‌ലിന്ത് പോയി ഒന്റു തോണിക്ക് ഏ്റി താന്‌താനെ ഒന്റു ആളില്ലാത്ത എ്ഡേക്ക് പോനാന്. ആള്‌ഗാള് അദ്‌ന കേ്ട്ട് പട്ടണഗാള്‌ലിന്ത് നഡാന്ത് കൊണ്ടേ അയാള് പിന്ന്‌മേലെ പോനാര്.

മത്തായി 15:23

ആന ഏസ്സ് അവാളോഡ ഒന്റുമു മ്‌ണ്ടാലെ. അദുക്കുള സൊല്ലുപഡി നഡാക്ക്‌ന്റവാര് ഏസ്സ് പട്ട്‌ക്ക് ബന്ത്: <<അവാള് അഗാറി കൊണ്ടു നമ്മ് പിന്ന്‌മേലെ ബന്റാള്. അവാള്‌ന സെറ്റെ സൊല്ലി ബ്‌ഡ്‌ഡോമെ>> എന്റ് ബേ്ണ്ട്‌നാര്.

മത്തായി 15:32

ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന അര്‌ഗെ ബ്‌ളിത്ത്: <<ഈ ആള്‌ഗാള് ഇന്നാല് മൂറു നാളായി എന്നോഡൊപ്പ ഇര്‌ക്ക്‌ന്റാര്. അവാര്‌ക്ക് തിന്ന്യ ഒന്റുമു ഇല്ലത്താദ്‌നാലെ അവാര്‌ന നെനേത്ത് എനാക്ക് ബേ്റ്‌വേന്റ്. അവാര്‌ക്ക് തീനി കൊഡുക്കാദെ സൊല്ലി ബ്‌ഡ്യ എനാക്ക് മനേസ്സ്‌മില്ലെ. എന്ത്‌ക്കെന്റ് സൊന്ന അവാര് ബീ്ഡ്‌ക്ക് പോഗാട്ടി ബട്ടേല് ബെത്ത് തണാങ്കി തള്ളുവാര്>> എന്റ് സൊന്നാന്.

ലൂക്കോസു 9:11

ആന ഇദ്‌ന തെരിന്ത് ആള്‌ഗാള് അവാര് പിന്ന്‌മേലെ പോനാര്. അയാള് അവാര്‌ന പോയ സൊല്ലി ബ്‌ഡാദെ സാമി ആളുവാദ്‌ന പറ്റി അവാര്‌ക്ക് സൊല്ലിമ് കൊഡുത്തു നോയിഗാറാര് നോയിന തെ്ളിസിമ് ബ്‌ട്ടാന്.

ലൂക്കോസു 9:13

ആന ഏസ്സ്: <<നിമ്മ താനെ അവാര്‌ക്ക് തിന്ന്യ കൊഡുനു>> എന്റ് സൊന്നാന്. അദുക്കുള അവാര്: <<എമ്മ് കയില് അയിദ് അഡേമ് റാഡ് മീന്‌മ് അല്ലാദെ ബേ്റെ ഒന്റുമില്ലെ, എമ്മ പോയി ഇഞ്ചൊന്റു ആള്‌ഗാള്‌ക്ക് എന്തൊന്റു ബാങ്കി ബന്ത് കൊഡുക്ക്യ എന്റ്‌ത്തേഗ നീ സൊല്ലുവാദ്?>> എന്റ് സൊന്നാര്.

ഓഗന്നാന് 6:1

അദ്‌ക്ക് പ്‌റ ഏസ്സ് തിവര്യോസു എന്റ് സൊല്ലുവ ഗലീല കഡാല്‌ക്കക്കരെ പോനാന്.

പിലിപ്പ്യഗാറാര് 1:19

എന്ത്‌ക്കെന്റ് സൊന്ന നിമ്മ പരേസുവാദ്‌നാലേമ് ഏസ്സ് ക്‌റ്‌സ്‌ത്ത് സൊല്ലി ബ്‌ട്ട സാമിനിഗാല് കയി താങ്കുവാദ്‌നാലേമ് എനാക്ക് ബന്ത ബുദ്ദിമുട്ടുഗാള്‌നൊട്ടുക്കു സാമി എനാന കാപാറ്റുവാദ്‌ക്ക് ബേ്ണ്ടി ഉവഗരപഡുസുവാനെന്റ് എനാക്ക് തെരിമ്.