ലൂക്കോസു 8:34 - സാമി സേദി

³⁴ പന്റി മേസിന്തവാര് ഇദ്‌ന കണ്ട് ഓഡി പോയി പട്ടണാത്ത്‌ല്‌മ് അര്‌ഗെ ഇര്‌ക്കുവ ഊരുക്ക്‌റാഗാമ് ഇര്‌ക്കുവ ആള്‌ഗാള്‌ക്ക് സൊന്നാര്.

ലൂക്കോസു 8:34 ပူးပေါင်းရင်းမြစ်များ

മത്തായി 28:11

അയി പെ്ണ്ണ്‌മക്കാള് പോവ ഗളിഗേല് കല്ലളേക്ക് കാവ ഇന്ത പട്ടളഗാറാര്‌ല് ലേസ പട്ടളഗാറാര് പട്ടണാക്ക് പോയി നഡാന്താദ്‌ന ഒട്ടുക്കു എഗുദാര് പൂസാരി തലെവാര്‌ഗാള്‌ക്ക് സൊന്നാര്.

മത്തായി 8:33

പന്റി മേസിന്തവാര് ഓഡി പോയി പട്ടണാക്ക് എജ്ജി ഈ കാര്യഗാള്‌നാമ് കെ്ട്ടജാദി തട്ടി പിരാന്ത്‌ബ്‌ന്തിന്തവാര് എത്തെ തെ്ളിന്താര് എന്നുവ കാര്യനാമ് സൊന്നാര്.

മര്‌ക്കോസു 5:14

പന്റി മേസിന്തവാര് ഓഡി പോയി പട്ടണാക്ക്‌മ് ഊരുഗാള്‌ക്ക്‌മ് ഈ സേദിന സൊന്നാര്. എന്ത് ആറ്റ് എന്റ് നോഡ്യ ബേ്ണ്ടി ആള്‌ഗാളെല്ല ബന്തെജ്ജ്‌നാര്.

ലൂക്കോസു 8:33

തട്ടിന്ത കെ്ട്ടജാദിഗാള് അയാള്‌ന ബ്‌ട്ട് പോയി പന്റിഗാള്‌ക്ക് നൊഗേന്ത്‌ദ്. അത്തെ അയി പന്റി കൂട്ട മലെപത്തെ മേലെ താനെ ഓഡി പോയി കഡാല്‌ക്ക് നെഗേന്ത് നീര്‌ക്ക് മുളിഗി സത്ത് തള്ള്‌ട്ട്.

ലൂക്കോസു 8:35

എന്ത് നഡാന്ത്‌ദ് എന്റ് തെര്യ ബേ്ണ്ടി ആള്‌ഗാള് ബന്ത് കൂഡുനാര്. അവാര് ഏസ്സ് പട്ട്‌ക്ക് ബര്‌ഗാട്ടി കെ്ട്ടജാദി തട്ടിന്തവാന് ബുദ്ദി തെ്ളിന്തവാനായി സീലെസിലാപ്പിക്കി ഏസ്സ് കാലര്‌ഗെ കുക്കാന്ത്‌റ്‌ക്കുവാദ്‌ന കണ്ട് അഞ്ചിക്കെപട്ടാര്.