ലൂക്കോസു 8:29 - സാമി സേദി

²⁹ അയാള്‌ലിന്ത അയി കെ്ട്ടജാദിന ബെ്ളിഗെ കഡാന്ത് പൊ എന്റ് ഏസ്സ് സൊന്നാദ്‌ക്ക്‌ത്തെ അയി ജാദി ഇത്തെ സൊന്നാദ്. അയാള്‌ന ഈ കെ്ട്ടജാദി എന്നാല്‌ക്ക്‌മ് തനാക്ക് പ്‌ഡിത്ത പാസെ ഗേന്തിന്ത്‌ദ്. ആള്‌ഗാള് അയാള് കയികാല്‌ന സങ്കിലിക്ക്‌മ് കയി കുട്ടേക്ക്‌മ് കെ്ട്ടി ബെത്ത് ഗുഡി അദ്‌ന പറ്‌ത്ത് തള്ളി ആര്‌മ് ഇല്ലാത്ത എ്ഡേക്ക് അയി ജാദി അയാള്‌ന കൂട്ടി പോയിന്ത്‌ദ്.

ലൂക്കോസു 8:29 ပူးပေါင်းရင်းမြစ်များ

ലൂക്കോസു 9:42

അയി മഗ ഏസ്സ് പട്ട്‌ക്ക് ബര്‌ഗാട്ടി കെ്ട്ടജാദി മഗാന ഉന്തി ബീ്ക്കി അവാന്‌ന ദുള്ളിസി കൊണ്ടു പക്കിമെ്ട്ട്‌ന പാസെ ഗേസ്‌റ്റ്. ആന ഏസ്സ് അയി കെ്ട്ടജാദിന മെ്റ്‌ട്ടി ബ്‌ട്ട് മഗാന തെ്ളിസി അപ്പനച്ചാന് കയിക്ക് കൊഡുത്താന്.

ലൂക്കോസു 9:39

ഒന്റു കെ്ട്ടജാദി അവാന്‌ക്ക് തട്ടിര്‌ക്ക്‌ന്റ്. അദ്‌നാലെ അവാന് സട്ടന അഗാറി കൊണ്ടുമു ദുള്ളി കൊണ്ടുമു പക്കിമെ്ട്ട്‌ന പാസെ ഗേന്റാന്. അവാന് ബായിലിന്ത് നൊരേമ് ജൊല്ലുമു ബന്റ്. അയി ജാദി എ്ള്ളേക്ക് ബ്‌ട്ട് പോഗാദെ അവാന്‌ന ഈ്ഡ് മാഡികൊണ്ട്‌റ്‌ന്റ്.

മര്‌ക്കോസു 5:8

<<തട്ടുവ കെ്ട്ടജാദ്യേ, ഈ മന്‌സാന്‌ന ബ്‌ട്ട് ഇ്റാഗി പൊ>> എന്റ് ഏസ്സ് സൊല്ലിന്താദ്‌നാലെത്തെ അദ് ഇത്തെ സൊന്നാദ്.

ലൂക്കോസു 8:28

അയാള് ഏസ്സ്‌ന കണ്ടാദ്‌മ് ബ്‌ളിത്ത് അഗാറി കൊണ്ടു ഏസ്സ് കാല്‌ക്ക് ബ്‌ന്ത്: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? എനാന സെറ്റെ ദെ്ണ്ടിക്കാഗേ ബേ്ഡ എന്റ് ബേ്ണ്ട്‌ന്റെ>> എന്റ് ദൊഡ്ഡാദ്‌ക്ക് സൊന്നാന്.

ലൂക്കോസു 8:30

ഏസ്സ് അയാള്‌ന <<നിന്ന് പേര് എത്തെ>> എന്റ് കേ്ട്ടാന്? എഞ്ചോ കെ്ട്ടജാദി അയാള്‌ലിന്താദ്‌നാലെ <<ലെഗ്യോനു>> എന്റ് അയാള് സൊന്നാന്.