ഓഗന്നാന് നല്ലവാന്‌മ് നേര്‌മെഗാറാന്‌മ് എന്റ് എരോദ രാജാവുക്കു തെരിന്തിന്ത്‌ദ്. അദ്‌നാലെ ഓഗന്നാന്‌ന കൊല്ല്യ അയാള്‌ക്ക് അഞ്ചിക്കെ പ്‌ഡിത്തിന്ത്‌ദ്. അദ്‌ക്ക് എരോദ രാജാവു അയാള്‌ന നലമായി ബെത്തിന്താന്. ഓഗന്നാന് സൊല്ലുവാദ്‌ന കേ്ട്ട് എരോദ രാജാവു അങ്കലാപ്‌പട്ടാന്. ആനാല്‌മ് പിര്യപിര്യത്തോഡ ഓഗന്നാന് നായന കേ്ട്ടിന്താന്.
ലൂക്കോസു 8:13 - സാമി സേദി13 അഡി അറെര്‌ക്കുവ പട്ട്‌ക്ക് ബ്‌ന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് പിര്യപിര്യാത്ത് തങ്കാരിക്ക്‌ന്റവാര്‌ത്തെ. ആന അഡി ബേര് ഇ്റാഗ്യ മണ്ണില്ലാദിന്ത്‌ദ്. അദ്‌നാലെ പാദി നാള് അവാര്‌ക്ക് നമ്പിക്കെ ഇന്ത്‌ദ്. ആന സോദണെ ബര്‌ഗാട്ടി അവാര്‌ക്ക് നമ്പിക്കില്ലാദാന്റ്. အခန်းကိုကြည့်ပါ။ |
ലൂക്കോസു 8:13
37 ပူးပေါင်းရင်းမြစ်များ
മുള്ളു ഗുമ്പു പട്ട്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് അദേപാസെ നഡാക്ക്‌ന്റവാര്‌ത്തെ. അത്തെ അവാര് കേ്ട്ട് നഡാക്ക്‌ന്റവാര് ആനാല്‌മ് അവാര് പെ്ളേപ്പ്‌ല് ബരുവ അര്‌ക്കഗാള്‌മ് സൊത്തു സമ്പാരിക്കുഡൊ എന്നുവ ആസെഗാള്‌മ് സുഗത്തോഡ പെ്ളേക്കുഡൊ എന്നുവ ആസെഗാള്‌മ് അവാര്‌ന സാമി സൊല്ലുപഡിക്ക് നഡാക്ക്യ മുഡ്യാദെ മാഡ്‌ന്റ്.
സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
ഇത്തവാള്‌ഗാള് സാമിക്ക് അഞ്ചാദെ സാമിക്ക് അഞ്ചി പെ്ളേക്കുവ നിമ്മോഡ എ്ണേന്ത് നിമ്മ പിര്യരിമോഡ ഗേവ ബിര്‌ന്ത്‌ക്ക് പങ്ക്‌ഗാറാര് ആവാദ്‌നാലെ നല്ല ബെല്ലാത്ത്‌ല് കല്ല്‌റ്‌ക്കുവ പാസെ ഇര്‌ക്ക്‌ന്റവാര്‌ത്തെ ഇവാര്. മുക്ക്യമാന മാട്ട്യാന്‌ക്ക്‌മ് ഏസ്സ്‌ഗാറാര് കൂട്ടന നഡാത്തുവ മാട്ട്യനാമ്‌ക്ക്‌മ് കെ്ട്ട്‌പട്ട് നഡാക്കാദെ തമ്മ തമാക്ക് താനെ തലെവാര്‌ഗാളായിമ് മാട്ട്യനാമ്‌ഗാളായിമ് ഇവാര് പെ്ളേക്ക്‌ന്റാര്. അദ്‌നാലെ കാറ്റഡിത്ത് പോവ നീരില്ലാത്ത മഞ്ച്‌ന പാസെത്തെ ഇവാര്. അദ്‌താനേമല്ല നാട്ട്‌ന മരന പ്‌ഡിങ്കി പിന്നേമ് നാട്ടി ഉണാങ്കി തള്ള്‌ന മരന പാസെ ഇവാര് ഒന്റുക്കുമു ഉവഗരപഡാദെ പെ്ളേക്ക്‌ന്റാര്.
ကြော်ငြာတွေ