ലൂക്കോസു 8:12 - സാമി സേദി

¹² ബട്ടേക്ക് ബ്‌ന്ത ബെദെ എന്നുവാദ് ഒരുത്താന് സാമി സൊല്ലുസുലാക്കാന കേ്ള്‌ക്കുവാദ്‌ത്തെ. ആന സെയിത്താന് ബന്ത് അയാള് കേ്ട്ട സാമി സൊല്ലുസുലാക്കാന മറാന്ത് തള്ള്യ ബെക്ക്‌ന്റാന്. അദ്‌നാലെ അവാര്‌ക്ക് നമ്പ്യാമ് മുഡ്യാലെ, തപ്പിസി കഡാക്ക്യാമ് മുഡ്യാലെ.

ലൂക്കോസു 8:12 ပူးပေါင်းရင်းမြစ်များ

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

മര്‌ക്കോസു 4:15

ബട്ടേക്ക് ബ്‌ന്ത ബെദേന പാസെത്തെ പഗ്‌ദ്യാള്‌ഗാള് സാമി സൊല്ലുസുലാക്കന കേ്ള്‌ക്കുവാദ്. ഇവാര് കേ്ട്ട സാമി സൊല്ലുസുലാക്കന സെയിത്താന് ബന്ത് സട്ടന എ്ഡ്‌ത്ത് തള്ള്‌ന്റാന്.

മത്തായി 13:19

ഒരുത്താന് സാമി ആളുവാദ്‌ന പറ്റി സൊല്ലുവ സേദിന കേ്ട്ട് നെപ്പ്‌കെ്ഡേസാദെ ഇര്‌ക്കുവാദ് ബട്ടേക്ക് അലേന്ത ബെദേക്ക് സമ. സെയിത്താന് ബന്ത് അയാള് മനേസ്സ്‌ക്ക് ബിത്ത്‌ന ബെദേന എ്ഡ്‌ത്ത് തള്ള്‌ന്റാന്.

ലൂക്കോസു 8:5

<<ഒന്റു കാഡ്‌ഗാറാന് ബെദെ എ്ഡ്‌ത്ത് ബിത്ത്യ പോനാന്. അയാള് ബിത്ത്‌ഗാട്ടി ലേസ ബെദെ ബട്ടേക്ക് ബ്‌ന്ത്‌ദ്. അദ്‌നൊട്ടുക്കു ആള്‌ഗാള് മെ്ട്ടി തൊഗേത്ത്‌മ് തള്ള്‌നാര്, പക്കിഗാള്‌മ് കൊത്തി തിന്റ് തള്ള്‌ട്ട്.

മത്തായി 13:4

അയാള് ബിത്ത്‌ഗാട്ടി ലേസ ബെദെ ബട്ടേക്ക് ബ്‌ന്ത്‌ദ്. അദ്‌ന പക്കിഗാള് ബന്ത് കൊത്തി തിന്റ് തള്ള്‌ട്ട്.

ലൂക്കോസു 8:11

<<ഈത്തെ അയി കദേക്ക് അര്‌ത്ത: ബെദെ എന്റ് സൊല്ലുവാദ് സാമി സൊല്ലുസുലാക്കാത്തെ.

ലൂക്കോസു 8:13

അഡി അറെര്‌ക്കുവ പട്ട്‌ക്ക് ബ്‌ന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് പിര്യപിര്യാത്ത് തങ്കാരിക്ക്‌ന്റവാര്‌ത്തെ. ആന അഡി ബേര് ഇ്റാഗ്യ മണ്ണില്ലാദിന്ത്‌ദ്. അദ്‌നാലെ പാദി നാള് അവാര്‌ക്ക് നമ്പിക്കെ ഇന്ത്‌ദ്. ആന സോദണെ ബര്‌ഗാട്ടി അവാര്‌ക്ക് നമ്പിക്കില്ലാദാന്റ്.