ലൂക്കോസു 7:30 - സാമി സേദി

³⁰ ആന ഓഗന്നാന് കയിലിന്ത് നീര്‌ക്ക് മുളുഗാത്ത പരിസാര്‌ഗാള്‌മ് ബേദബാത്ത്യനാമ്‌മ് സാമി ഗേയ നെനേത്തിന്താദ്‌ന തള്ള്‌നാര്.

ലൂക്കോസു 7:30 ပူးပေါင်းရင်းမြစ်များ

മത്തായി 22:35

എന്റിന്ത് അവാര്‌ല് ഒന്റു ബേദബാത്ത്യാന് ഏസ്സ്‌ന സോദണെ ഗേന്ത് കൊണ്ടു:

ലൂക്കോസു 13:34

എര്‌സലേമെ, എര്‌സലേമെ, നീ സാമിദാസ്‌ഗാള്‌ന കൊന്റവാള്‌മ് നിന്ന് പട്ട്‌ക്ക് സൊല്ലി ബ്‌ട്ട സേദിഗാറാര്‌ക്ക് കല്ലെ്റിന്തവാള്‌മ്‌ത്തെ. കോയി തന്ന് കുഞ്ചിഗാള്‌ന ഇ്റാക്കെ കുളാക്ക് സേത്തി ബെക്കുവ പാസെ നിന്ന് ജനഗാള്‌ന സേത്തി ബെക്ക്യ എനാക്ക് എത്ത്‌റാഗോ മനേസ്സിന്ത്‌ദ്. ആന നിനാക്ക് മനേസ്സിര്‌ക്കാലെ.

ലൂക്കോസു 20:6

<മന്‌സാര്‌ഗാള്‌ലിന്ത്> എന്റ് സൊന്നദാന ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ് നെനേത്ത്‌റ്‌ക്കുവാദ്‌നാലെ നമാന കല്ലെ്റിന്ത് കൊല്ലുവാര്>> എന്റ് സൊന്നാര്.

ലൂക്കോസു 7:31

<<ഈ കാലാത്ത്‌ല ആള്‌ഗാള്‌ന നാന് ഏദ്‌ക്ക് എ്ണേത്ത് സൊല്ലുവെ? ഇവാര് എത്തവ ദിന്‌സ് ആള്‌ഗാള്?

അപ്പോസുത്തലാര് 20:27

എന്ത്‌ക്കെന്റ് സൊന്ന സാമിക്ക് സൊല്ല്യ ഇര്‌ക്കുവ കാര്യഗാള്‌ന ഒന്റുനാമ് ഒളുസാദെ നാന് നിമാക്ക് സൊല്ലിര്‌ക്ക്‌ന്റെ.

റോമഗാറാര് 10:21

ആന ഇസ്‌റവേല്‌ഗാറാര്‌ന പറ്റി അയാള് സൊല്ലുവാദ് എന്തെന്റ് സൊന്ന: <<എന്ന് സൊല്ലുപേസ് കേ്ള്‌ക്കത്തവാര്‌മ് ഏ്റേ്റ സൊല്ലുന്റവാര്‌മ് ആയിര്‌ക്കുവ ജനഗാള്‌ന സേത്തി ബെക്ക്യ നാള്‌ക്ക്‌മ് നാന് കയിരാന്തെ>> എന്റ്‌ത്തെ.

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

ഗലാത്ത്യഗാറാര് 2:21

നമാന നേര്‌മെഗാറാര് മാഡ്യ ബേ്ണ്ടി സാമി പട്ട ഗവാന നാന് ബേ്ഡ എന്റ് തള്ളാഗേ മാട്ടെ. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ഒരുത്താന്‌ന നേര്‌മെഗാറാനായി തങ്കാരിക്കുവദാന ക്‌റ്‌സ്‌ത്ത് സത്താദ് ബെ്റ്‌ദ്യാന്റല്ല.>>

എപസോസുഗാറാര് 1:11

അയി ക്‌റ്‌സ്‌ത്ത്‌ന ബെത്ത്‌ത്തെ തന്ന് പ്‌ള്ളെഗാള് എന്നുവ ഉരിമെന സാമി നമാക്ക് തന്ത്‌റ്‌ക്കുവാദ്. ഇത്തെ ഗേയ തനാക്കിര്‌ക്കുവ അളാവുക്കു മീ്റ്‌ന ബുദ്ദില് സാമി മുദാല് താനെ നെനേത്ത് ബെത്തിന്താന്. അയി സാമി താന് നെനേത്ത് ബെത്ത്‌റ്‌ക്കുവ പാസെത്തെ ഈ എല്ലാ കാര്യഗാള്‌നാമ് നഡാത്തി ബരുവാദ്.