ലൂക്കോസു 5:8 - സാമി സേദി

⁸ ഇത്തെ മീന് കെ്ഡേത്താദ്‌ന കണ്ട് സീമോനു പത്ത്‌റോസു ഏസ്സ് കാല്‌ക്ക് സഡങ്ക ബ്‌ന്ത് <<ആണ്ടവാനെ നാന് പാവ ഗേന്റവാന്, എനാന ബ്‌ട്ട് പോഡോമെ>> എന്റ് സൊന്നാന്.

ലൂക്കോസു 5:8 ပူးပေါင်းရင်းမြစ်များ

ബെ്ളിപട്ട കാര്യ 1:17

നാന് അയാള്‌ന കണ്ടാദ്‌മ് ഉജുരുപോന പാസെ ആയി അയാള് കാല്‌ക്ക് ബ്‌ന്തെ. അദുക്കുള അയാള് ബല കയിന എന്ന് കുദ്ദാക്ക് ബെത്ത് ഇത്തെ സൊന്നാന്: <<അഞ്ചബേ്ഡ, നാന്‌ത്തെ ആദിലവാന്‌മ് കഡേസിലവാന്‌മ്.

മത്തായി 17:6

സൊല്ലുപഡി നഡാക്ക്‌ന്റവാര് അദ്‌ന കേ്ട്ട് ഒന്റേപെ്ട്ട് അഞ്ചിക്കെപട്ട് സഡങ്ക ബ്‌ന്താര്.

ഓഗന്നാന് 11:32

ഏസ്സ് ഇന്ത പട്ട്‌ക്ക് മറിയ എജ്ജി അയാള്‌ന കണ്ടാദ്‌മ് അയാള് കാല്‌ക്ക് സഡങ്ക ബ്‌ന്ത്: <<ആണ്ടവാനെ, നീ ഇദ്‌ലിന്തിന്തദാന എന്ന് തമ്പി സത്ത്‌റ്‌ക്കമാട്ടാന്>> എന്റ് സൊന്നാള്.

മത്തായി 8:8

അദുക്കുള അയി പട്ടള തലെവാന്: <<ആണ്ടവാനെ, നീയെല്ല എന്ന് ബീ്ഡ്‌ക്ക് ബരുവാദ്‌ക്ക് തഗ്‌ന്ത മദ്‌പ്പ് എനാക്കില്ലെ. നീ ഒന്റു നായ സൊന്ന മദി, എന്ന് ഗിലാസഗാറാന് തെ്ളിവാന്.

മത്തായി 2:11

അവാര് അയി ബീ്ഡ്‌ക്ക് എജ്ജ്‌ഗാട്ടി അവ്വേസി മറിയോഡൊപ്പ മഗാന അവാര് കണ്ടാര്. അവാര് സഡങ്ക ബ്‌ന്ത് അയി മഗാന കുമ്മുഡുനാര്. പ്‌റ അവാര് പെ്ട്ടിന ത്‌റാന്ത് പൊന്നുനാമ്, തുമ്മനാമ്, മൂരു എന്റ് സൊല്ലുവ നല്ല ബാഡെ അഡിക്കുവ ജാദിനാമ് കാണിക്കെ ബെത്താര്.

1 കൊരിന്ത്യഗാറാര് 13:12

ഇന്നാല് നമ്മ കന്നാഡില് കാണുവ പാസെ മാഗെമാഗ്യ കാണ്‌ന്റാമ്, അയി നാള്‌ക്ക് നേരെ നേരെ കാണ്യാമ്. എനാക്ക് ഇന്നാല് ലേസ അളാവുലുത്തെ തെരിന്റ്, ആന തെഗേന്ത അളാവുലു സാമിക്ക് എനാന തെരിവ പാസെ അയി നാള്‌ല് എനാക്ക്‌മ് എല്ലാമ് സൊക്കാന തെരിമ്.

ലൂക്കോസു 5:7

അദുക്കുള അവാര് തമാക്ക് ഉദാവി ഗേയ ബേ്ണ്ടി ബേ്റൊന്റു തോണില് മീന് പ്‌ഡിത്തിന്തവാര്‌നാമ് കയി ബിഞ്ച്‌നാര്. അത്തെ അവാര് ബന്ത് റാഡ് തോണിക്ക്‌മ് മീന്‌ന തുമ്പുസുനാര്. അത്തെ തോണി മുളിഗി പോയാറ്റ്.

ലൂക്കോസു 5:9

ഇഞ്ചൊന്റു മീന് കെ്ഡേത്താദ്‌ന കണ്ട് സീമോനുമു അയാളോഡ ഇന്തവാര്‌മ് അന്തബ്‌ട്ടാര്.