ലൂക്കോസു 5:5 - സാമി സേദി

⁵ അദുക്കുള സീമോനു: <<പണ്ണാഡി, എമ്മ ബെ്ഡ്യബെ്ഡ്യ മ്‌ഗ്‌ന്ത ഓരാട്ട ഓരാഡി നോഡുനേമ്. ആന എമാക്ക് ഒന്റു ഗുഡി കെ്ഡേക്കാലെ. ആനാല്‌മ് നീ സൊന്നാദ്‌ക്ക് ബേ്ണ്ടി നാന് ബലെ ഇക്ക്‌ന്റെ>> എന്റ് ഏസ്സ്‌ക്ക് സൊന്നാന്.

ലൂക്കോസു 5:5 ပူးပေါင်းရင်းမြစ်များ

ലൂക്കോസു 17:13

<<ഏസ്സുവേ, പണ്ണാഡ്യെ, എമാന ഗവപഡുഡോമെ>> എന്റ് ദൊഡ്ഡാദ്‌ക്ക് സൊന്നാര്.

ലൂക്കോസു 8:24

സൊല്ലുപഡി നഡാക്ക്‌ന്റവാര്: <<പണ്ണാഡ്യെ, പണ്ണാഡ്യെ, എമ്മ ഇദാ, സത്ത്‌തള്ള്യ പോന്റേമ്>> എന്റ് സൊല്ലികൊണ്ടു ഏസ്സ്‌ന ബ്‌ളിത്ത് ഇ്ളാക്ക്‌നാര്. അദുക്കുള ഏസ്സ് ഇ്ളാഗി നിന്റ് കാറ്റ്‌നാമ് കഡാല് തെരെഗാള്‌നാമ് <<അഡാങ്ക്>> എന്റ് സൊന്നാന്. അദുക്കുള കാറ്റ്‌മ് അഡാങ്ക്‌റ്റ്, കഡാല് തെരെഗാള്‌മ് സപ്പാനാറ്റ്.

ലൂക്കോസു 8:45

അദുക്കുള ഏസ്സ്: <<എനാന അണ്ണ്‌നാദ് ആര്?>> എന്റ് കേ്ട്ടാന്. അവാരൊട്ടുക്കു <<നാനല്ല, നാനല്ല>> എന്റ് സൊന്നാര്. അദുക്കുള പത്ത്‌റോസു: <<പണ്ണാഡ്യെ, ആള്‌ഗാള് നിനാന നെ്ഗ്ഗ്‌സികൊണ്ട്‌റ്‌ക്ക്‌ന്റാരല്ല?>> എന്റ് സൊന്നാന്.

ലൂക്കോസു 9:33

അവാര് ഏസ്സ്‌ന ബ്‌ട്ട് പോയ ഒരുങ്കുഗാട്ടി പത്ത്‌റോസു: <<പണ്ണാഡ്യെ, നമ്മ ഇദ്‌ല് ഇര്‌ക്കുവാദ് എത്ത്‌റാഗോ നല്ലാദ്‌ത്തെ, എമ്മ മൂറു സാളെ ബെക്ക്‌ന്റേമ്. നിനാക്ക് ഒന്റുമു, മോസേക്ക് ഒന്റുമു, ഏല്യാവുക്കു ഒന്റുമു>> എന്റ് ഏസ്സ്‌ക്ക് സൊന്നാന്. താന് എന്ത്‌ന സൊന്റാന് എന്റ് പത്ത്‌റോസുക്കു താനെ തെര്യാദെത്തെ ഇത്തെ സൊന്നാദ്.

ലൂക്കോസു 9:49

ഓഗന്നാന് ഏസ്സ്‌ക്ക്: <<പണ്ണാഡ്യെ, നിന്ന് പേര്‌ക്ക് ഇര്‌ക്കുവ അദിഗരാത്ത്‌ല് ഒന്റാള് കെ്ട്ടജാദിന തട്ടിസി തള്ളുവാദ്‌ന എമ്മ കണ്ടേമ്. അയാള് നമ്മ് കൂട്ടാക്ക് പഡാത്തവാന് ആനാദ്‌നാലെ എമ്മ അയാള്‌ന തഡിക്ക്യ നോഡുനേമ്>> എന്റ് സൊന്നാന്.

ഓഗന്നാന് 15:14

നാന് നിമാക്ക് ഗേയ സൊന്നാദ്‌ന നിമ്മ ഗേന്തദാന നിമ്മ എന്ന് എ്ണേവുഗാറാര്‌ത്തെ.

ഓഗന്നാന് 2:5

പ്‌റ ഏസ്സ് അവ്വേസി ഗിലാസഗാറാര്‌ക്ക്: <<അവാന് എന്തൊന്റു സൊന്നദാന നിമ്മ അദേപാസെ താനെ ഗേന്>> എന്റ് സൊന്നാള്.

ഓഗന്നാന് 21:3

സീമോനു പത്ത്‌റോസു അവാര്‌ക്ക്: <<നാന് മീന് പ്‌ഡിക്ക്യ പോന്റെ>> എന്റ് സൊന്നാന്. അദുക്കുള അവാര്: <<എമ്മാമ് നിന്നോഡ ബന്റേമ്>> എന്റ് സൊന്നാര്. അത്തെ അവാര് പോയി തോണിക്ക് ഏ്റ്‌നാര്. അയി നാള് ജാമാത്ത്‌ല് അവാര്‌ക്ക് ഒന്റുമു കെ്ഡേക്കാലെ.