ലൂക്കോസു 5:26 - സാമി സേദി

²⁶ അദ്‌ലിന്ത എല്ലാ ആള്‌ഗാള്: <<അവ്വോ, ഇത്തവ കാര്യന നമ്മ ഇദ്‌ക്ക് മുന്നുക്കു കാണഗേ ഇല്ലെ>> എന്റ് അദിസ്യപട്ട് സദ്‌റബെ്ട്ടികൊണ്ടു സാമി ദൊഡ്ഡവാന്‌ത്തെ എന്റ് സൊന്നാര്.

ലൂക്കോസു 5:26 ပူးပေါင်းရင်းမြစ်များ

മത്തായി 12:23

ആള്‌കൂട്ട ഒട്ടുക്കു ഇദ്‌ന കണ്ട് അദിസ്യപട്ട്, <<ഇയാള് ദാവീദ് കാല്‌ക്ക് പട്ടവാന്‌ത്തേഗ?>> എന്റ് സൊന്നാര്.

മത്തായി 28:8

അദ്‌നാലെ അയി പെ്ണ്ണ്‌മക്കാള് അഞ്ചിക്കെപട്ട് കൊണ്ടുമു പിര്യപിര്യാത്തോഡാമ് സട്ടന കല്ലളേലിന്ത് ബ്‌ട്ട് സൊല്ലുപഡി നഡാക്ക്‌ന്റവാര്‌ക്ക് സൊല്ല്യ ഓഡി പോനാര്.

മത്തായി 9:8

ആള്‌ഗാള് ഇദ്‌ന കണ്ട് അഞ്ചിക്കെപട്ട്: <<മന്‌സാര്‌ഗാള്‌ക്ക് ഇത്തവ അദിഗര കൊഡുത്ത സാമി ദൊഡ്ഡവാന്‌ത്തെ>> എന്റ് സൊന്നാര്.

മര്‌ക്കോസു 2:12

ആള്‌ഗാളൊട്ടുക്കു നോഡിര്‌ക്കാട്ടി താനെ അയാള് ഇ്ളാഗി കെ്ഡെബ്‌ന്തിന്ത പായിന എ്ഡ്‌ത്ത് നഡാന്ത് പോനാന്. ഇദ്‌ന കണ്ടിന്തവാര് അദിസ്യപട്ട് പോനാര്. <<ഇത്തവ അദിസ്യാന മുന്നുക്കു കാണാഗേ ഇല്ലെ. ഇദ് ഗേന്ത സാമി ദൊഡ്ഡവാന്‌ത്തെ>> എന്റ് അവാര് സൊന്നാര്.

ലൂക്കോസു 1:65

അദുക്കുള അര്‌ഗെ ഇന്ത ബീ്ഡ്‌ഗാറാര് ഒട്ടുക്കു അഞ്ച്‌നാര്. എഗുദ എന്നുവ മലെ നാഡൊട്ടുക്കു ഈ കാര്യന പറ്റി ആള്‌ഗാള് നായനൊഡിന്ത് കൊണ്ടേ ഇന്താര്.

ലൂക്കോസു 5:8

ഇത്തെ മീന് കെ്ഡേത്താദ്‌ന കണ്ട് സീമോനു പത്ത്‌റോസു ഏസ്സ് കാല്‌ക്ക് സഡങ്ക ബ്‌ന്ത് <<ആണ്ടവാനെ നാന് പാവ ഗേന്റവാന്, എനാന ബ്‌ട്ട് പോഡോമെ>> എന്റ് സൊന്നാന്.

ലൂക്കോസു 7:16

അദുക്കുള അവാര്‌ക്കൊട്ടുക്കു ഇദ്‌ന കണ്ട് അഞ്ചിക്കെ പ്‌ഡിത്ത് സാമി ദൊഡ്ഡവാന്‌ത്തെന്റ് സൊന്നാര്. <<ഒന്റു ദൊഡ്ഡ സാമിദാസ് നമ്മ് പട്ട്‌ക്ക് ബന്ത്‌റ്‌ന്റാന്. സാമി തന്ന് ജനഗാള്‌ന കാപാറ്റ്യ ബേ്ണ്ടി ബന്ത്‌റ്‌ന്റാന്>> എന്റ്‌മ് അവാര് സൊന്നാര്.

ലൂക്കോസു 8:37

അദ്‌ക്ക് ബന്ത് കൂഡുന ഗരെസീന്യാല ആള്‌ഗാള് <<ഇദ്‌ന ബ്‌ട്ട് സെറ്റെ പോഡൊ>> എന്റ് ഏസ്സ്‌ക്ക് സൊന്നാര്. എന്ത്‌ക്കന്റ് സൊന്ന അവാര്‌ക്ക് നല്ല അഞ്ചിക്കെ പ്‌ഡിത്തിന്ത്‌ദ്. അത്തെ ഏസ്സ് തോണിക്ക് ഏ്റി പോയ ഒരുങ്കുനാന്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

ഗലാത്ത്യഗാറാര് 1:24

ഇത്തെ അവാര് എനാന പറ്റി കേ്ട്ട് സാമിന ദൊഡ്ഡവാന്‌ത്തെ എന്റ് സൊന്നാര്.