ലൂക്കോസു 5:22 - സാമി സേദി

²² അവാര് ഇത്തെ മനേസ്സ്‌ല് നെനേത്ത് കൊണ്ടു ഇര്‌ക്ക്‌ന്റാര് എന്റ് തെരിന്ത് ഏസ്സ്: <<നിമ്മ എന്ത്‌ക്ക് ഇത്തെ മനേസ്സ്‌ല് നെനേത്ത് കൊണ്ടു ഇര്‌ക്കുവാദ്?

ലൂക്കോസു 5:22 ပူးပေါင်းရင်းမြစ်များ

മത്തായി 12:15

അവാര് ഇത്തെ സട്ട കെ്ട്ട്‌നാദ്‌ന ഏസ്സ്‌ക്ക് തെരിഗാട്ടി അയാള് അദ്‌ലിന്ത് പോനാന്. അദുക്കുള എഞ്ചോ ആള്‌ഗാള് ഏസ്സ് പിന്ന്‌മേലെ പോനാര്. അവാര് കൂട്ടാത്ത്‌ല് നോയായിന്തവാര്‌ന ഒട്ടുക്കു അയാള് തെ്ള്‌സ്‌നാന്.

മത്തായി 12:25

അവാര് നെനേക്കുവ നെനേവുന തെരിന്ത് ഏസ്സ് അവാര്‌ക്ക് ഇത്തെ സൊന്നാന്: <<ഒന്റു നാഡ്‌ലവാര് ഒന്റൊന്റു കച്ചിഗാളായി ആങ്കീങ്ക് പോട്ടിക്ക് നിന്റദാന അയി നാഡ് കെ്ട്ട് തള്ള്‌മ്. അദേപാസെ ഒന്റു പട്ടണാത്ത്‌ലവാരൊ ഒന്റു ബീ്ഡ്‌ലവാരൊ ഒന്റൊന്റു കച്ചിഗാളായി ആങ്കീങ്ക് പോട്ടിക്ക് നിന്റദാന അവാര്‌മ് കെ്ട്ട് പോവാര്.

മത്തായി 9:4

അവാര് ഇത്തെ നെനേക്കുവാദ്‌ന ഏസ്സ്‌ക്ക് തെരിഗാട്ടി ഏസ്സ് അവാര്‌ക്ക്: <<നിമ്മ് മനേസ്സ്‌ല് ഇത്തവ കെ്ട്ട കാര്യഗാള് നെനേക്കുവാദ് എന്ത്‌ക്ക്?

മര്‌ക്കോസു 8:17

അവാര് എന്ത്‌ന പറ്റി സൊന്റാര് എന്റ് ഏസ്സ്‌ക്ക് തെരിന്ത്‌ദ്. അദ്‌നാലെ അയാള് അവാര്‌ന ഇത്തെ കേ്ട്ടാന്: <<അഡേന എ്ഡ്‌ക്കത്താദ്‌ന പറ്റി നിമ്മ എന്ത്‌ക്ക് ആങ്കീങ്ക് സൊല്ലുവാദ്? നിമ്മ ഇന്നിമ് കാണാദേഗൊ തെര്യാദേഗൊ ഇര്‌ക്ക്‌ന്റ്‌റ? നിമ്മ മന്തബുദ്ദിഗാറാരായി താനെത്തെ ഇര്‌ക്ക്‌ന്റ്‌റ?

ലൂക്കോസു 24:38

ആന അയാള് അവാര്‌ക്ക്: <<നിമ്മ മെഗെമെഗേക്കുവാദ് എന്ത്‌ക്ക്? നിമ്മ മനേസ്സ്‌ല് എന്ത്‌ക്ക് ഇത്തെ സന്തേഗ ബരുവാദ്?>> എന്റ് സൊന്നാന്.

ലൂക്കോസു 5:21

അദുക്കുള പരിസാര്‌ഗാള്‌മ് ബേദബാത്ത്യനാമ്‌ഗാള്‌മ്: <<സാമിന കുറ്റ സൊല്ലുവ ഇവനാര്? പാവാന പൊറുക്ക്യ സാമിക്കല്ലാദെ ബേ്റെ ആര്‌ക്ക് മുഡിമ്>> എന്റ് നെനേത്ത് കൊണ്ടിന്താര്.

ലൂക്കോസു 5:23

<നിന്ന് പാവാന പൊറുത്തു തന്ത്‌റ്‌ക്ക്‌ന്റെ> എന്റ് സൊല്ലുവാദൊ ഇല്ലെ <ഇ്ളാഗി നഡ?> എന്റ് സൊല്ലുവാദൊ ഏദ് എ്ള്‌പ്പ?>> എന്റ് അവാര്‌ന കേ്ട്ടാന്.

അപ്പോസുത്തലാര് 5:3

അദുക്കുള പത്ത്‌റോസു അയാള്‌ക്ക് ഇത്തെ സൊന്നാന്: <<അനനാസെ, നീ സെയിത്താന് സൊല്ലുക്കു ആളായി സാമിനിഗാലോഡ ജൂദുപ്‌ഡിത്ത് ഉറുട്ടു സൊന്നാദ്‌മ് ബൂമി ബിറ്റ് കെ്ഡേത്ത പണാത്ത്‌ലിന്ത് ലേസ എ്ഡ്‌ത്ത് ബെത്താദ്‌മ് എന്ത്‌ക്ക്?

എവുറായാര് 4:12

സാമി സൊല്ലുസുലാക്ക ഉജുരു ഉള്ളാദ്‌മ് സക്‌ത്യുള്ളാദ്‌മ്‌ത്തെ. അദ് റാഡ് സാരിമ് ഉരുക്കുള്ള എല്ലാ ബാള്‌ഗാള്‌ന ബ്‌ഡ ഉരുക്കുള്ളാദ്‌ത്തെ. അദ് മനേസ്സ്‌നാമ് ഉജുരുനാമ് അദേപാസെ മൂട്ടുഗാള്‌നാമ് എല്‌മ്പ് മൂളെഗാള്‌നാമ് അലാക്കലാക്ക ബ്‌ഡ്‌സുവ മാട്ട്‌ക്ക് ഒഡേത്ത് പോവാദ്‌ത്തെ. അദ് നെഞ്ച് കുളാക്ക്‌ല നെനേവുഗാള്‌നാമ് ആസെഗാള്‌നാമ് സോദണെ ഗേന്ത് അദ് നല്ലാദ കെ്ട്ടാദ എന്റ് ബിദിക്ക്‌ന്റ്.

ബെ്ളിപട്ട കാര്യ 2:23

നാന് അവാള് സൊല്ലുക്കു കെ്ട്ട്‌പട്ട് നഡാക്ക്‌ന്റവാര്‌നാമ് കൊന്റു തള്ളുവെ. അദുക്കുള എല്ലാവാര് മനേസ്സ്‌നാമ് നെഞ്ച്‌നാമ് സോദണെ ഗേന്റവാന്‌ത്തെ നാന് എന്റ് എല്ലാ ഏസ്സ്‌ഗാറാര് കൂട്ടഗാള്‌ക്ക്‌മ് തെരിമ്. നിമ്മ ഒന്റൊന്റാള്‌ക്ക്‌മ് നിമ്മ ഗേവാദ്‌ക്ക് തഗ്‌ന്ത പാസെ നാന് നിമാക്ക് കൂലി തരുവേന്.