ലൂക്കോസു 4:16 - സാമി സേദി

¹⁶ അത്തെ ഏസ്സ് താന് ബളാന്ത് ദൊഡ്ഡാദാന നസറേത്ത് പട്ടണാക്ക് പോയി താന് ഒപ്പ ഗേവ പാസെ ഒയിവു നാള് എഗുദാര് പരേസുവ ബീ്ഡ്‌ക്ക് പോയി സാമി സൊല്ലുസുലാക്ക പഡിക്ക്യ ഇ്ളാഗി നിന്റാന്.

ലൂക്കോസു 4:16 ပူးပေါင်းရင်းမြစ်များ

മത്തായി 2:23

അദ്‌ല് ഓസേപ് നസറേത്ത് എന്നുവ പട്ടണാക്ക് പോയി ഇന്താന്. അത്തെ ഏസ്സ്‌ന പറ്റി <<നസറേത്ത്‌ഗാറാന് എന്റ് ബ്‌ളിക്കുവാര്>> എന്റ് സാമിദാസ്‌ഗാള്‌ന ബെത്ത് സൊല്ലിന്താദ് നഡാന്ത്‌ദ്.

ലൂക്കോസു 2:39

ആണ്ടവാന് ബെത്ത സട്ടപഡി ഗേയ സൊല്ലിര്‌ക്കുവ കാര്യഗാള്‌ന ഗേന്ത് തീത്ത പ്‌റ ഓസേപ്‌മ് മറിയാമ് മഗാന എ്ഡ്‌ത്ത് കൊണ്ടു ഗലീലാലിര്‌ക്കുവ നസറേത്ത് എന്നുവ തമ്മ് സൊന്ത പട്ടണാക്ക് പോനാര്.

ലൂക്കോസു 2:42

ഏസ്സ്‌ക്ക് പന്നന്റ് ബയിസ്സ് ആഗാട്ടിമ് ഒപ്പ ഗേന്ത് ബന്ത പാസെ അവാര് പെസഗെ നോമ്പിക്ക് പോനാര്.

ലൂക്കോസു 2:51

പ്‌റസാരി ഏസ്സ് തന്ന് അവ്വ്യപ്പനോഡ നസറേത്ത് പട്ടണാക്ക് പോയി അവ്വ്യപ്പാന് സൊല്ലുപഡിക്കിന്താന്. ഈ നഡാന്ത കാര്യഗാള്‌നെല്ല മറിയ തന്ന് മനേസ്സ്‌കുളാക്ക് താനെ ബെത്താള്.

ലൂക്കോസു 4:15

എഗുദാര് പരേസുവ ബീ്ഡ്‌ക്ക്‌റാഗ ഏസ്സ് പഡിസ്യ പ്‌ഡിത്താന്. എല്ലാ ആള്‌ഗാള്‌മ് അയാള്‌ന പെരിമെപട്ടാര്.

ലൂക്കോസു 4:17

അദുക്കുള ഏസ്സയ്യ സാമിദാസ് ബൊക്കുന അയാള് കയിക്ക് കൊഡുത്താര്. അയാള് അയി ബൊക്കുന ത്‌റാന്ത് ഇത്തെ എ്ള്‌ദിര്‌ക്കുവാദ്‌ന കണ്ടാന്:

ലൂക്കോസു 4:21

അത്തെ ഏസ്സ് അവാര്‌ക്ക് ഇത്തെ സൊല്ല്യ പ്‌ഡിത്താന്: <<നിമ്മ ഇന്നാല് ഈ സൊല്ലുസുലാക്ക കേ്ട്ട്‌കൊണ്ട് ഇര്‌ക്കാട്ടിതാനെ സാമി ബൊക്കുലു ഈ എ്ള്‌ദിര്‌ക്കുവാദ് നഡാന്ത് കൊണ്ടു ഇര്‌ക്ക്‌ന്റ്.>>

ലൂക്കോസു 4:23

ഏസ്സ് അവാര്‌ക്ക്: << <ബയിദ്യാ, നീ നിനാന താനെ തെ്ള്‌സ്> എന്നുവ മുന്തെലവാര് സൊല്ലുനാമ് കവറ്‌ണഗൂമുലു നീ ഗേന്തായെന്റ് എമ്മ കേ്ട്ട കാര്യന നിന്ന് സൊന്ത നാഡ്‌ല്‌മ് ഗേഗ് എന്റ്‌മ് നിമ്മ ഉറുദ്ദ്യായി സൊല്ലുവുറു>> എന്റ് സൊന്നാന്.

ഓഗന്നാന് 18:20

അദുക്കുള ഏസ്സ്: <<നാന് എല്ലാര്‌ക്ക്‌മ് എദ്‌ക്കത്തെ സൊല്ലിര്‌ക്ക്‌ന്റെ, എഗുദാര് പരേസുവ ബീ്ഡ്‌ഗാള്‌ല്‌മ് എല്ലാ എഗുദാര്‌മ് കൂഡുവ സാമിബീ്ഡ്‌ല്‌മ് നാന് ഒപ്പ പഡിസിര്‌ക്ക്‌ന്റെ. ഒളിസിമറേസി ഒന്റുമു സൊല്ലാലെ.

അപ്പോസുത്തലാര് 17:2

പവുലോസു ഒപ്പ ഗേവ പാസെ അദ്‌ക്ക് പോനാന്. സാമി ബൊക്കുന നോഡി മൂറു ഒയിവു നാള് എഗുദാരോഡ അയാള് ബാദിത്താന്.