ലൂക്കോസു 3:13 - സാമി സേദി

¹³ അദുക്കുള ഓഗന്നാന് അവാര്‌ക്ക്: <<സട്ടപഡി പിരിക്ക്യ സൊല്ലിര്‌ക്കുവാദ്‌ക്ക് ബ്‌ഡ അദിഗ ആരോഡിന്ത്‌മ് നിമ്മ പിരിക്കാദേന്>> എന്റ് സൊന്നാന്.

ലൂക്കോസു 3:13 ပူးပေါင်းရင်းမြစ်များ

മത്തായി 7:12

ബേ്റെ ആള്‌ഗാള് നിമാക്ക് ബേ്ണ്ടി എന്ത് ഗേന്ത് തരുഡൊ എന്റ് നിമ്മ ആസെപഡ്‌ന്റ്‌റൊ അദ് ഒട്ടുക്കു നിമ്മ അവാര്‌ക്ക്‌മ് ഗേന്ത് കൊഡുക്കുഡൊ. മോസെ ബെത്ത സാമി സട്ടഗാള്‌ത്ത്‌മ്, സാമിദാസ്‌ഗാള് സൊന്ന നായഗാള്‌ത്ത്‌മ് പൊറുളു ഇദ്‌ത്തെ.>>

ലൂക്കോസു 19:8

സക്കായി ഇ്ളാഗി നിന്റ് ആണ്ടവാന്‌ക്ക്: <<ഗുരുവെ, ഇദാ നാന് സമ്പാരിത്ത സൊത്തുലു പാദിന ഏ്ളെഗാള്‌ക്ക് കൊഡുക്ക്യ പോന്റെ, ആരാറ്റോഡിന്ത് ഏമാത്തി ബാങ്കിന്തദാന ഒന്റുക്കു ബ്‌ഡ നാക്കെ്ണ്ണ മാഡി കൊഡുക്കുവെ>> എന്റ് സൊന്നാന്.

ലൂക്കോസു 3:12

കന്ത്യ കെ്ട്ടുവ കാസ് പിരിക്ക്‌ന്റവാര്‌ല് ലേസ ആള്‌ഗാള് നീര്‌ക്ക് മുളുഗ്യ ബന്ത്: <<ഗുരുവെ എമ്മ എന്ത് ഗേയ>> എന്റ് ഓഗന്നാന്‌ന കേ്ട്ടാര്.

ലൂക്കോസു 3:14

അദുക്കുള ലേസ പട്ടളഗാറാര്‌മ്: <<എമ്മ എന്ത് ഗേയ?>> എന്റ് ഓഗന്നാന്‌ന കേ്ട്ടാര്. അയാള് അവാര്‌ക്ക്: <<മെ്റ്‌ട്ടിപ്‌ഡിത്തൊ, ദെ്ണ്ടാക്കെല്ല കുറ്റഗാറാന് മാഡ്യൊ ആരോഡിന്ത്‌മ് പണ ബാങ്കാദെ നിമാക്ക് കെ്ഡേക്കുവ കൂലി മദി എന്റ് പെ്ളേത്ത് നഡാന്>> എന്റ് സൊന്നാന്.

എപസോസുഗാറാര് 4:28

നീ ത്‌റ്‌ട്ടാനായിന്തദാന ത്‌റ്‌ഡുവാദ്‌ന തെ്റിന്ത് തള്ളുഡൊ. അത്തെ ത്‌റ്‌ഡുവാദ്‌ന തെ്റിന്ത് ഏ്ളെമോളേക്ക് ഗുഡി ദാന ഗേയ കെ്ഡേക്കുവാദ്‌ക്കഞ്ച്‌ക്ക്‌മ് നീ നിന്ന് കയില് താനെ പാഡ്‌പട്ട് ഉണ്ടാക്കുഡൊ.

എവുറായാര് 12:1

തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.