ലൂക്കോസു 3:1 - സാമി സേദി

¹ തിവര്യോസു മഗരാജാവായി ആണ്ടിന്ത പദിനിഞ്ചാവാദ് ബര്‌സ്സാത്ത്‌ല്: പൊന്തിയോസു പീലത്തോസു എഗുദ നാഡ്‌ക്ക് തലെവാന്‌മ് എരോദ ഗലീല നാഡ്‌നാമ് അയാള് തമ്പി പീലിപോസ് ഇത്തൂര്യ, തറക്കോനിറ്റി നാഡ്‌ഗാള്‌നാമ്, ലൂസാന്യാസ് അവിലേന നാഡ്‌നാമ് ആണ്ടിന്താന്.

ലൂക്കോസു 3:1 ပူးပေါင်းရင်းမြစ်များ

മത്തായി 14:1

അയി ഗളിഗേല് ഗലീല നാഡ് തലെവാനായിന്ത എരോദ ഏസ്സ്‌ന പറ്റി സൊല്ലുവ സേദിന കേ്ട്ട്:

മത്തായി 14:3

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<അവാള് നിനാക്ക് പെ്ണ്ടച്ച്യായിര്‌ക്കുവാദ് സട്ടപഡി തപ്പ്>> എന്റ് ഈ ഓഗന്നാന് എരോദാവുക്കു സൊല്ലിന്താന്. അദ്‌നാലെ ഓഗന്നാന്‌ന പ്‌ഡിത്ത് കെ്ട്ടി ജെയില്‌ക്ക് ഇക്കി ബെത്തിന്താര്.

മത്തായി 14:6

ആന എരോദാവു പ്‌റാന്തനാള് ആഗാട്ടി ഏരോദ്യ മഗാള് ആള്‌കൂട്ട മുന്നുക്കു ആട്ടാഡി എരോദാവുന പിര്യപഡ്‌സ്‌നാള്.

മത്തായി 22:17

അദ്‌നാലെ മോസെ ബെത്ത സാമി സട്ടപഡി റോമ നാഡ് രാജാവുക്കു കന്ത്യ കെ്ട്ടുവാദ് സെര്യ ഇല്ലെ തപ്പ? നീ അദ്‌ന പറ്റി എത്തെ നെനേക്ക്‌ന്റായി എന്റ് എമാക്ക് സൊല്ലി തരുഡോമെ>> എന്റ് കേ്ട്ടാര്.

മത്തായി 27:2

പ്‌റ അയാള്‌ന പ്‌ഡിത്ത് കെ്ട്ടി എ്ഡ്‌ത്ത് പോയി റോമ നാഡ് അദിഗാരി പീലത്തോസു കയിക്ക് കൊഡുത്താര്.

മര്‌ക്കോസു 6:17

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<സൊന്ത അണ്ണാന് പെ്ണ്ട്‌ന നീ കല്യണ മാഡ്‌നാദ് സെര്യല്ല>> എന്റ് ഓഗന്നാന് എരോദാവുക്കു സൊല്ലിന്താന്. അദ്‌നാലെ എരോദ രാജാവു ഏരോദ്യ നെനേത്ത പാസെ അയാള്‌ന പ്‌ഡിത്ത് എ്ഡ്‌ത്ത് പോയി ജെയില്‌ക്ക് അഡേത്ത് ബെത്തിന്താന്.

മര്‌ക്കോസു 6:21

അത്തെ ഇര്‌ക്കാട്ട്യെല്ല താന് ഗേയ ആസെപട്ടിന്താദ്‌ന ഗേവാദ്‌ക്കുള്ള ഒന്റു സമ്യ ഏരോദ്യാക്ക് കെ്ഡേത്ത്‌ദ്. എരോദ രാജാവു പ്‌റാന്ത നാള്‌ല് ഈ സമ്യ അവാള്‌ക്ക് കെ്ഡേത്ത്‌ദ്. അയി നാള് എരോദ രാജാവു സര്‌ക്കാര് ഗിലാസ ഗേവ ദൊഡ്ഡുദൊഡ്ഡ അദിഗാരിഗാള്‌ക്ക്‌മ്, പട്ടള തലെവാര്‌ഗാള്‌ക്ക്‌മ്, ഗലീല ഊരുലിര്‌ക്കുവ തലെവാര്‌ഗാള്‌ക്ക്‌മ് ഒന്റു ബിര്‌ന്തട്ട് കൊഡുത്താന്.

ലൂക്കോസു 13:31

അയി ഗളിഗേല് താനെ ലേസ പരിസാര് ഏസ്സ് പട്ട്‌ക്ക് ബന്ത്: <<നീ ഇദ്‌ലിന്ത് പൊ, എരോദാവു നിനാന കൊല്ല്യ നോഡുന്റാന്>> എന്റ് സൊന്നാര്.

ലൂക്കോസു 2:1

അയി കാലാത്ത്‌ല് ഒഗത്തോസു മഗരാജാവു റോമ നാഡ്‌ന ആണ്ടിന്താന്. അയി ഗളിഗേല് റോമ നാഡ്‌ല് എല്ലാ സാരിമ് ആള് കണാക്ക് എ്ഡ്‌ക്കുഡൊ എന്റ് രാജാവു കല്‌പനെ കൊഡുത്താന്.

ലൂക്കോസു 23:24

അവാര് കേ്ട്ടപാസെ താനെ ഏസ്സ്‌ന കൊല്ല്യ പീലത്തോസു മുഡിവെ്ഡ്‌ത്താന്.

ലൂക്കോസു 3:19

തലെവാനയിര്‌ക്കുവ എരോദ തന്ന് അണ്ണാന് പെ്ണ്ട് ഏരോദ്യന എ്ഡ്‌ത്ത് ബെത്ത് ബേ്റെ പല കെ്ട്ട കാര്യഗാള്‌മ് ഗേന്തിന്താന്. അദ്‌നാലെ ഓഗന്നാന് അയാള്‌ന നൊഡിന്താന്.

ലൂക്കോസു 9:7

ഈ കാര്യഗാള്‌നെല്ല ഗലീല നാഡ് തലെവാന് എരോദ കേ്ട്ട് അങ്കലാപ്‌പട്ടാന്. എന്ത്‌ക്കെന്റ് സൊന്ന സത്ത ഓഗന്നാന്‌ത്തെ ഉജുര്‌ളാഗിര്‌ക്കുവാദ് എന്റ് ലേസ ആള്‌ഗാള് സൊന്നാദ്‌നാലേമ്,

അപ്പോസുത്തലാര് 23:26

<<ക്‌ളാവുദോസു ലൂസിയാസ് എന്നുവ നാന് മദ്‌പ്പിര്‌ക്കുവ നാഡദിഗാരി പേലിക്‌സ്‌ക്ക് എ്ള്‌ദുവാദ്: നീ നലമായി ഇര്‌ക്കുഡൊ.

അപ്പോസുത്തലാര് 24:27

റാഡ് ബര്‌സ്സ കളിന്ത് പേലിക്‌സ്‌ക്ക് ബദ്‌ല പൊറുക്ക്യോസു പെസ്‌തോസു അയി നാഡദിഗാരി ആയി ബന്താന്. അദുക്കുള എഗുദാര്‌ലിന്ത് പേര് കെ്ഡേസ്യ പേലിക്‌സ്‌ക്ക് ആസെ ഇന്താദ്‌നാലെ അയാള് പവുലോസുന ജെയില്‌ല് താനെ ബെത്ത്‌തള്ളി പോനാന്.

അപ്പോസുത്തലാര് 26:30

അദുക്കുള പെസ്‌തോസുമു അഗ്‌റിപ്പ രാജാവുമു ബറ്‌ണിക്കാമ് അവാരോഡ ഒപ്പ ഇന്തവാര് ഒട്ടുക്കുമു ഇ്ളാഗ്‌നാര്.

അപ്പോസുത്തലാര് 4:27

നിനാക്ക് ബേ്ണ്ടി സൊല്ലി ബെത്ത്‌റ്‌ക്കുവ ഏസ്സ്‌ന നീ താനെ ക്‌റ്‌സ്‌ത്ത് മാഡി ബെത്ത്‌റ്‌ക്ക്‌ന്റായി. അയാളോഡ ജൂദുപ്‌ഡിത്ത് എരോദാവുമു, പൊന്തിയോസ് പീലത്തോസുമു എ്ണേന്ത്, എഗുദാരല്ലാത്ത ജാദിഗാളോഡാമ്, ഇസ്‌റവേല്‌ഗാറാരോഡാമ് ഒപ്പ ഈ പട്ടണാത്ത്‌ല് ഒന്റായി കൂഡുനാര്.