ലൂക്കോസു 22:8 - സാമി സേദി

⁸ അദുക്കുള ഏസ്സ് പത്ത്‌റോസുനാമ് ഓഗന്നാന്‌നാമ്: <<നിമ്മ പോയി നമാക്ക് പെസഗെ സാപ്പാഡ് ഒരുക്കുനു>> എന്റ് സൊല്ലി ബ്‌ട്ടാന്.

ലൂക്കോസു 22:8 ပူးပေါင်းရင်းမြစ်များ

മത്തായി 3:15

ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.

ലൂക്കോസു 1:6

സാമി കണ്ണ്‌ക്ക് അവാര് റാഡാള്‌മ് നേര്‌മെഗാറാരായി പെ്ളേത്തിന്താര്. ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല് ആണ്ടവാന് ബെത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് അവാര് കെ്ട്ട്‌പട്ട് നഡാന്തിന്താര്.

ലൂക്കോസു 22:9

അദുക്കുള അവാര്: <<എമ്മ ഏദ് പട്ട്‌ക്ക് പോയി നിനാക്ക് പെസഗെ സാപ്പാഡ് ഒരുക്ക്യ?>> എന്റ് ഏസ്സ്‌ന കേ്ട്ടാര്.

അപ്പോസുത്തലാര് 3:1

ഒന്റു നാള് പത്ത്‌റോസുമു ഓഗന്നാന്‌മ് പരേസുവ നേര ആഗാട്ടി സാമിബീ്ഡ്‌ക്ക് പോനാര്. അദുക്കുള നേര ഉച്ചി കളിന്ത് മൂറു മണി ആയിന്ത്‌ദ്.

അപ്പോസുത്തലാര് 3:11

സാമിബീ്ഡ്‌ല് സലോമോനുത്തു എന്നുവ മണ്ടഗ ഇന്ത്‌ദ്. അദ്‌ല് നോയി തെ്ളിന്തവാന് പത്ത്‌റോസോഡാമ് ഓഗന്നാനോഡാമ് ഒപ്പ എ്ണേന്ത് ഇന്താന്. അദ്‌ന കണ്ട് ആള്‌ഗാള് അദിസ്യപട്ട് അവാര് പട്ട്‌ക്ക് ഓഡി ബന്താര്.

അപ്പോസുത്തലാര് 3:3

അയാള് പത്ത്‌റോസുമു ഓഗന്നാന്‌മ് സാമി ബീ്ഡ്‌ക്ക് പോവാദ്‌ന കണ്ട് അവാര്‌ക്ക് കയി കാട്ട്‌നാന്.

അപ്പോസുത്തലാര് 4:13

പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.

അപ്പോസുത്തലാര് 4:19

ആന പത്ത്‌റോസുമു ഓഗന്നാന്‌മ് ഇത്തെ അവാര്‌ക്ക് ബദ്‌ല് സൊന്നാര്, <<സാമി സൊല്ലുവാദ്‌ന കേ്ള്‌ക്കുവാദൊ നിമ്മ സൊല്ലുവാദ്‌ന കേ്ള്‌ക്കുവാദൊ ഏദ് സെരി എന്റ് നിമ്മ താനെ സൊല്ലുനു.

അപ്പോസുത്തലാര് 8:14

അയി ഗളിഗേല് അപ്പോസുത്തലാര് എര്‌സലേമ്‌ല് താനെത്തെ ഇന്താര്. സമര്യാല ആള്‌ഗാള് സാമി സൊല്ലുസുലാക്കാന നമ്പ്‌നാര് എന്റ് അപ്പോസുത്തലാര് കേ്ട്ടാര്. അദ്‌നാലെ അവാര് പത്ത്‌റോസുനാമ്, ഓഗന്നാന്‌നാമ് ആങ്ക് സൊല്ലി ബ്‌ട്ടാര്.

ഗലാത്ത്യഗാറാര് 2:9

ഈ ഗിലാസ ഗേയ സാമി എനാക്ക് ബര തന്ത്‌റ്‌ന്റാനെന്റ് മുക്ക്യമാന തലെവാര്‌ഗാളാന ആക്കോവു, പത്ത്‌റോസു, ഓഗന്നാന് എന്റവാര്‌ക്ക് തെരിന്ത്‌ദ്. അദ്‌നാലെ അവാര് എനനാമ് ബറ്‌ണവാസ്‌നാമ് തമ്മോഡൊപ്പ സാമി ഗിലാസ ഗേന്റവാരായി എന്റ് കാട്ട്യ കയികൊഡുത്തു സേത്ത്‌നാര്. <<അത്തെ എമ്മ എഗുദാര് പട്ട്‌ല് താനെ നല്ല സേദിന സൊല്ല്യ അവാര്‌മ് എഗുദാരല്ലാത്ത ജാദിഗാള് പട്ട്‌ല് നല്ല സേദിന സൊല്ല്യ നാന്‌മ് ബറ്‌ണവാസ്‌മ് എമ്മ ഒത്തുപട്ടേമ്.>>