ലൂക്കോസു 22:53 - സാമി സേദി

⁵³ നാന് നാള്‌ക്ക്‌മ് സാമിബീ്ഡ്‌ല് നിമ്മോഡൊപ്പ ഇന്തേനല്ല. അദുക്കുളെല്ല നിമ്മ എനാന പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്കുവ അദിഗര ആളുവ ഈ സമ്യത്തെ നിമാക്ക് എനാന പ്‌ഡിക്കുവാദ്‌ക്കുള്ള സമ്യ>> എന്റ് സൊന്നാന്.

ലൂക്കോസു 22:53 ပူးပေါင်းရင်းမြစ်များ

മത്തായി 21:23

ഏസ്സ് സാമിബീ്ഡ്‌ക്ക് പോയി ആള്‌ഗാള്‌ന പഡ്‌സ്‌ഗാട്ടി എഗുദാര് പൂസാരി തലെവാര്‌ഗാള്‌മ് എഗുദാര് മൂപ്പനാമ്‌ഗാള്‌മ് അയാള് പട്ട്‌ക്ക് ബന്ത്: <<നീ എന്ത് അദിഗരാത്ത്‌ല് ഈ കാര്യഗാളെല്ല ഗേന്റായി? ഈ അദിഗര ആര് നിനാക്ക് തന്താദ്?>> എന്റ് കേ്ട്ടാര്.

ലൂക്കോസു 22:52

ഏസ്സ് തനാക്ക് നേരെ ബന്ത എഗുദാര് പൂസാരി തലെവാര്‌ഗാള്‌ക്ക്‌മ് സാമിബീ്ഡ്‌ന കാക്കുവ പട്ടളഗാറാര് തലെവാര്‌ഗാള്‌ക്ക്‌മ് മൂപ്പനാമ്‌ഗാള്‌ക്ക്‌മ്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ?

ലൂക്കോസു 22:54

അവാര് ഏസ്സ്‌ന പ്‌ഡിത്ത് എഗുദാര് ദൊഡ്ഡ പൂസാരി ബീ്ഡ്‌ക്ക് എ്ഡ്‌ത്ത് പോനാര്. പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു അവാര് പിന്ന്‌മേലെ പോനാന്.

ഓഗന്നാന് 12:27

<<ഇന്നാല് എന്ന് മനേസ്സ് ബെന്ത് ഇ്ഡിന്റ്, നാന് എന്ത്‌ന സൊല്ല്യ? <അപ്പാ, ഈ ഗളിഗേലിന്ത് എനാന കാപാറ്റുഡോമെ> എന്റ് നാന് കേ്ള്‌ക്കുവേന? ഇല്ലെ, ഇദ്‌ക്ക് ബേ്ണ്ടിത്തെ നാന് ഈ ഗളിഗേക്ക് എജ്ജിര്‌ക്ക്‌ന്റെ.

ഓഗന്നാന് 13:30

അഡെ തുണ്ടുന ബാങ്ക്‌നാദ്‌മ് ജൂദാന് ഇ്ളാഗി പോനാന്. അദുക്കുള ജാമായിന്ത്‌ദ്.

ഓഗന്നാന് 14:30

നാന് ഇന്നി നിമ്മോഡ എഞ്ചോ ഗളിഗെ നായനൊഡ്യമാട്ടെ, എന്ത്‌ക്കെന്റ് സൊന്ന ഈ ഉലഗാന ആള്‌ന്റവാന് ബന്റാന്, ആന അയാള്‌ക്ക് എനാന ആള്യ ഒന്റു അദിഗരാമ് ഇല്ലെ.

ഓഗന്നാന് 7:30

അദുക്കുള ആള്‌ഗാള് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള്‌ക്കുള്ള നേര ബരാദിന്താദ്‌നാലെ ആര്‌മ് അയാള്‌ന അണ്ണാലെ.

ഓഗന്നാന് 7:45

അത്തെ കാവ കാക്കുവ പട്ടളഗാറാര് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് പട്ട്‌ക്ക് തിരിഗി ബന്താര്. അദുക്കുള അവാര്: <<നിമ്മ എന്ത്‌ക്ക് അയാള്‌ന പ്‌ഡിത്ത് ബരാലെ>> എന്റ് അയി കാവഗാറാര്‌ന കേ്ട്ടാര്.

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.