ലൂക്കോസു 22:51 - സാമി സേദി

⁵¹ അദുക്കുള ഏസ്സ്: <<ഇത്ത്‌റാക്കെല്ല ഗേന്താദ് മദി, ഇന്നി ഗേഗാദേന്>> എന്റ് സൊല്ലി അയാള് കാദ്‌ന അണ്ണി ആറ്‌സ്‌നാന്.

ലൂക്കോസു 22:51 ပူးပေါင်းရင်းမြစ်များ

2 കൊരിന്ത്യഗാറാര് 10:1

നിമ്മ് പട്ട്‌ല് ഇര്‌ക്കാട്ടി തണിമെ ഉള്ളവാന്‌മ് ദൂര ഇര്‌ക്കാട്ടി നിമ്മോഡ ദയിര കാട്ട്‌ന്റവാന്‌മ് എന്റ് ലേസ ആള്‌ഗാള് എനാന പറ്റി സൊന്റാര്. അത്തവാള് ആയിര്‌ക്കുവ പവുലോസു എന്നുവ നാന് ക്‌റ്‌സ്‌ത്ത്‌ക്ക് ഇര്‌ക്കുവ തണിമോഡാമ് നിദാനത്തോഡാമ് നിമാക്ക് സൊല്ലുവാദ് എന്തെന്റ് സൊന്ന,

റോമഗാറാര് 12:21

നിമാക്ക് ആരാറ്റ കെ്ട്ട കാര്യഗാള് ഗേന്തദാന അവാര്‌ക്ക് കെ്ട്ട കാര്യഗാള് ഗേയ പാങ്കില്ലെ, നല്ല കാര്യഗാള് ഗേന്ത് കൊഡുക്കുവാദ്‌ത്തെ നിമ്മ പെ്ളേപ്പ് ആയിര്‌ക്കുഡൊ.

ഓഗന്നാന് 17:12

നാന് അവാരോഡ ഇര്‌ക്കാട്ടി നാന് അവാര്‌ന നീ എനാക്ക് തന്ത്‌റ്‌ക്കുവ നിന്ന് സക്‌തില് കാത്ത് കൊണ്ടിന്തേന്. അവാര്‌ല് ആര്‌മ് കെ്ട്ട് പോഗാദെ നാന് അവാര്‌ന പാദ്‌ഗാത്ത് ബെത്തെ. സാമി ബൊക്കുലു സൊല്ലിര്‌ക്കുവാദ് നഡാക്ക്യ ബേ്ണ്ടി കെ്ട്ട് പോയ തഗ്‌ദ്യാനവാന് അല്ലാദെ ബേ്റെ ആര്‌മ് കെ്ട്ട് പോഗാലെ.

ലൂക്കോസു 22:50

പ്‌റ സൊല്ലുപഡി നഡാക്ക്‌ന്റവാര്‌ല് ഒരുത്താന് എഗുദാര് ദൊഡ്ഡ പൂസാരി ഗിലാസഗാറാന് ബല കാദ്‌ന സെത്തി തള്ള്‌നാന്.

ലൂക്കോസു 22:52

ഏസ്സ് തനാക്ക് നേരെ ബന്ത എഗുദാര് പൂസാരി തലെവാര്‌ഗാള്‌ക്ക്‌മ് സാമിബീ്ഡ്‌ന കാക്കുവ പട്ടളഗാറാര് തലെവാര്‌ഗാള്‌ക്ക്‌മ് മൂപ്പനാമ്‌ഗാള്‌ക്ക്‌മ്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ?

അപ്പോസുത്തലാര് 16:28

അദുക്കുള പവുലോസു: <<ബേ്ഡ, നിനാന ഒന്റുമു ഗേഗാദെ! എമ്മ ഒട്ടുക്കു ഇദ്‌ല് ഇര്‌ക്ക്‌ന്റേമ്>> എന്റ് ദൊഡ്ഡാദ്‌ക്ക് ആലാത്ത് സൊന്നാന്.