2 അദുക്കുള എഗുദാര് പൂസാരി തലെവാര്ഗാള്മ് ബേദബാത്ത്യനാമ്ഗാള്മ് ഏസ്സ്ന എത്തെ സൂഗാന കൊല്ല്യ മുഡിമ് എന്റ് ഓസണെ കെ്ട്ട്നാര്. എന്ത്ക്കെന്റ് സൊന്ന അവാര് ആള്ഗാള്ക്ക് അഞ്ചിന്താര്.
ആന പരിസാര് ബെ്ളിഗെ പോയി ഏസ്സ്ന എത്തെ കൊല്ലുഡൊ എന്നുവാദ്ന പറ്റി സട്ട കെ്ട്ട്നാര്.
ആന ഗുത്തഗെഗാറാര് അയി മഗാന്ന കണ്ട്: <ഇവാന്ത്തെ ഈ ദോട്ടാക്ക് ഉരിമെഗാറാന്. അദ്നാലെ ബാന്, നമ്മ അയാള്ന കൊന്റു അയാള് സൊത്തുന നമാക്ക് എ്ഡ്ക്ക്ഗാന്> എന്റ് തമാക്ക് തമാക്ക് സൊന്നാര്.
<<റാഡ് നാള് കളിന്ത പെസഗെ നോമ്പി എന്റ് നിമാക്ക് തെരിമല്ല? അദുക്കുള മന്സാനായി പ്റാന്തവാന്ന കുരുസുക്കു സേത്തി ആണി അഡിത്ത് കൊല്ല്യ ബ്ട്ട് കൊഡുക്കുവാര്>> എന്റ് സൊന്നാന്.
പുളില്ലാത്ത അഡെ സുഡുവ നോമ്പിക്ക്മ് പെസഗെ നോമ്പിക്ക്മ് ഇന്നാല് ഇന്നി റാഡ് നാള്ത്തെ ഇര്ക്ക്ന്റ്. അയി ഗളിഗേല് എഗുദാര് പൂസാരി തലെവാര്ഗാള്മ് ബേദബാത്ത്യനാമ്ഗാള്മ് ഏസ്സ്ന ഓസണോഡ പ്ഡിത്ത് കൊല്ല്യ നോഡികൊണ്ടിന്താര്.
ഏസ്സ് സൊന്ന ഈ കദെ തമാന പറ്റിത്തെ സൊന്നാദ് എന്റ് എഗുദാര് പൂസാരി തലെവാര്ഗാള്ക്ക്മ് ബേദബാത്ത്യനാമ്ഗാള്ക്ക്മ് തെരിന്ത്ദ്. അദ്നാലെ അവാര് അന്നാല് താനെ ഏസ്സ്ന പ്ഡിക്ക്യ നോഡുനാര്. ആന ആള്ഗാള്ക്ക് അഞ്ചി അവാര് ഏസ്സ്ന പ്ഡിക്കാലെ.
ആന എഗുദാര് പൂസാരി തലെവാര്ഗാള്മ് പരിസാര്ഗാള്മ് ഏസ്സ്ന പ്ഡിക്ക്യ ബേ്ണ്ടി അയാള് ഇര്ക്കുവ എ്ഡെന ആര്ക്കാറ്റ തെരിന്തദാന അറുവു കൊഡുക്കുഡൊ എന്റ് കല്പനെ കൊഡുത്തിന്താര്.
നിനാക്ക് ബേ്ണ്ടി സൊല്ലി ബെത്ത്റ്ക്കുവ ഏസ്സ്ന നീ താനെ ക്റ്സ്ത്ത് മാഡി ബെത്ത്റ്ക്ക്ന്റായി. അയാളോഡ ജൂദുപ്ഡിത്ത് എരോദാവുമു, പൊന്തിയോസ് പീലത്തോസുമു എ്ണേന്ത്, എഗുദാരല്ലാത്ത ജാദിഗാളോഡാമ്, ഇസ്റവേല്ഗാറാരോഡാമ് ഒപ്പ ഈ പട്ടണാത്ത്ല് ഒന്റായി കൂഡുനാര്.