ലൂക്കോസു 20:6 - സാമി സേദി

⁶ <മന്‌സാര്‌ഗാള്‌ലിന്ത്> എന്റ് സൊന്നദാന ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ് നെനേത്ത്‌റ്‌ക്കുവാദ്‌നാലെ നമാന കല്ലെ്റിന്ത് കൊല്ലുവാര്>> എന്റ് സൊന്നാര്.

ലൂക്കോസു 20:6 ပူးပေါင်းရင်းမြစ်များ

മത്തായി 21:26

ആന <മന്‌സാര്‌ഗാള്‌ലിന്ത്> എന്റ് നമ്മ സൊന്നദാന ആള്‌ഗാള് നമാന മൊനേക്ക് തെ്ട്ടുവാര്. എന്ത്‌ക്കെന്റ് സൊന്ന, ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ്‌ത്തെ നെനേത്ത്‌റ്‌ക്കുവാദ്>> എന്റ് സൊന്നാര്.

മത്തായി 11:9

അല്ല, പിന്നെ നിമ്മ എന്ത്‌ന കാണ്യ പോനുറു? ഒന്റു സാമിദാസ്‌ന കാണ്യഗ? സെരിത്തെ, സാമിദാസ്‌ന ബ്‌ഡ ദൊഡ്ഡവാന്‌ന കാണ്യത്തെ പോനാദ് എന്റ് നാന് നിമാക്ക് സൊന്റെ.

അപ്പോസുത്തലാര് 5:26

അദുക്കുള കാവഗാറാര് തലെവാന്‌മ് അയാള് സൊല്ലുപഡിക്ക് നഡാക്കുവ കാവഗാറാര്‌മ് പോയി അപ്പോസുത്തലാര്‌ന തിരിക്കി കൂട്ടി ബന്താര്. ജനഗാള് തമാക്ക് കല്ലെ്റിവാര്‌ഗാളൊ എന്റ് അഞ്ചിന്താദ്‌നാലെ അവാര് അപ്പോസുത്തലാര്‌ന ഒന്റുമു ഗേഗാലെ.

ഓഗന്നാന് 10:41

എഞ്ചോ ആള്‌ഗാള് അയാള് പട്ട്‌ക്ക് പോയി: <<ഓഗന്നാന് അദിസ്യമാന അഡ്യാള ഒന്റുമു ഗേഗാലെ. ആന ഓഗന്നാന് ഇയാള്‌ന പറ്റി സൊന്നാദെല്ലെ നേര്‌ത്തെ>> എന്റ് സൊന്നാര്.

ലൂക്കോസു 1:76

എന്ന് മഗാനെ, നിനാന എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമിത്ത് സാമിദാസെന്റ് ബ്‌ളിക്കുവാര്. ആള്‌ഗാള് പാവാന പൊറുത്തു സാമി അവാര്‌ന കാപാറ്റുവാന് എന്നുവ അറുവു ആള്‌ഗാള്‌ക്ക് കൊഡുത്തു കൊണ്ടു നീ ആണ്ടവാന് ബരുവാദ്‌ക്ക് മുദാല് പോയി അയാള് ബരുവാദ്‌ക്കുള്ള ബട്ടെ മാഡുവായി.

മര്‌ക്കോസു 12:12

ഏസ്സ് സൊന്ന കദെ തമാന പറ്റിത്തെ സൊന്നാദ് എന്റ് അവാര്‌ക്ക് ഒട്ടുക്കു തെരിന്ത്‌ദ്. അദ്‌നാലെ അവാര് ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള്‌ക്ക് അഞ്ചി അവാര് അയാള്‌ന ബ്‌ട്ട്‌തള്ളി പോനാര്.

മത്തായി 26:5

ആന നോമ്പി ഗളിഗേല് അത്തെ ഗേന്ത ജനഗാള് ഇ്ളാഗി കലമ്പാല് മാഡുവാര്. അദ്‌നാലെ നോമ്പി ഗളിഗേല് അദ് ഗേയ പാങ്കില്ലെന്റ് അവാര് സൊന്നാര്.

മത്തായി 21:46

അദ്‌നാലെ അവാര് ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള് ഏസ്സ്‌ന ഒന്റു സാമിദാസ് എന്റ് നെനേത്തിന്താദ്‌നാലെ ആള്‌ഗാള്‌ക്ക് അവാര് അഞ്ച്‌നാര്.

മത്തായി 14:5

ഓഗന്നാന്‌ന കൊല്ലുഡൊ എന്റ് മനേസ്സിന്ത് ഗുഡി ആള്‌ഗാള് അയാള്‌ന സാമിദാസ് എന്റ് സൊല്ലുവാദ്‌നാലെ എരോദാവു ആള്‌ഗാള്‌ക്ക് അഞ്ച്‌നാന്.

ലൂക്കോസു 7:30

ആന ഓഗന്നാന് കയിലിന്ത് നീര്‌ക്ക് മുളുഗാത്ത പരിസാര്‌ഗാള്‌മ് ബേദബാത്ത്യനാമ്‌മ് സാമി ഗേയ നെനേത്തിന്താദ്‌ന തള്ള്‌നാര്.

ലൂക്കോസു 20:5

അവാര് തമാക്ക് തമാക്ക് ഓസണെ മാഡി നോഡുനാര്. << <സാമിലിന്ത്> എന്റ് നമ്മ സൊന്നദാന <പിന്നെ നിമ്മ എന്ത്‌ക്ക് ഓഗന്നാന്‌ന നമ്പാലെ> എന്റ് ഏസ്സ് നമാന കേ്ള്‌ക്കുവാന്.

ലൂക്കോസു 20:7

അദ്‌നാലെ <<ഏദ്‌ലിന്ത് കെ്ഡേത്ത്‌ദ് എന്റ് എമാക്ക് തെര്യ>> എന്റ് അവാര് ഏസ്സ്‌ക്ക് സൊന്നാര്.