ലൂക്കോസു 20:1 - സാമി സേദി

¹ ഒന്റു നാള് സാമിബീ്ഡ്‌ല് ഏസ്സ് ആള്‌ഗാള്‌ന പഡിസികൊണ്ടുമു നല്ല സേദിന അവാര്‌ക്ക് സൊല്ലികൊണ്ടുമു ഇന്താന്. അദുക്കുള എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് എഗുദാര് മൂപ്പനാമ്‌ഗാളോഡ ഒന്റായി ഏസ്സ് പട്ട്‌ക്ക് ബന്ത് അയാള്‌ന:

ലൂക്കോസു 20:1 ပူးပေါင်းရင်းမြစ်များ

മത്തായി 26:55

അയി ഗളിഗെ ഏസ്സ് ആള്‌ഗാള്‌ക്ക്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ? നാന് സാമിബീ്ഡ്‌ല് ഒപ്പ കുക്കാന്തിന്ത് പഡിസിന്തെ. അദുക്കുളെല്ല നിമ്മ എനാന പ്‌ഡിക്കാലെ.

ലൂക്കോസു 20:2

<<നീ എന്ത് അദിഗരാത്ത്‌ല് ഈ കാര്യഗാളെല്ല ഗേന്റായി? ഈ അദിഗര ആര് നിനാക്ക് തന്താദ്? എന്റ് എമാക്ക് സൊല്ലു>> എന്റ് കേ്ട്ടാര്.

ലൂക്കോസു 8:1

അദ്‌ക്ക് പ്‌റ ഏസ്സ് ഒന്റൊന്റു പട്ടണാക്ക്‌മ് ഒന്റൊന്റു ഊരുഗാള്‌ക്ക്‌മ് പോയി സാമി ആളുവ കാലന പറ്റ്യുള്ള നല്ല സേദിന സൊന്നാന്. ഒപ്പ തന്ന് സൊല്ലുപഡി നഡാക്കുവ പന്നന്റാള്‌ഗാള്‌മ് ഇന്താര്.

ഓഗന്നാന് 18:20

അദുക്കുള ഏസ്സ്: <<നാന് എല്ലാര്‌ക്ക്‌മ് എദ്‌ക്കത്തെ സൊല്ലിര്‌ക്ക്‌ന്റെ, എഗുദാര് പരേസുവ ബീ്ഡ്‌ഗാള്‌ല്‌മ് എല്ലാ എഗുദാര്‌മ് കൂഡുവ സാമിബീ്ഡ്‌ല്‌മ് നാന് ഒപ്പ പഡിസിര്‌ക്ക്‌ന്റെ. ഒളിസിമറേസി ഒന്റുമു സൊല്ലാലെ.

അപ്പോസുത്തലാര് 4:1

പത്ത്‌റോസുമു ഓഗന്നാന്‌മ് ആള്‌ഗാളോഡ നായ സൊല്ലികൊണ്ട് ഇന്താര്. അദുക്കുള പൂസാരിഗാള്‌മ്, സാമിബീ്ഡ്‌ല കാവഗാറാര് തലെവാന്‌മ്, സദൂക്ക്യാര്‌മ് അവാര് പട്ട്‌ക്ക് എജ്ജ്‌നാര്.

അപ്പോസുത്തലാര് 6:12

അത്തെ ഗേന്ത് അവാര് ആള്‌ഗാള്‌നാമ്, മൂപ്പനാമ്‌ഗാള്‌നാമ്, ബേദബാത്ത്യനാമ്‌ഗാള്‌നാമ് തെപാനോസുക്കു നേരെ മൂട്ടി ബ്‌ട്ടാര്. അവാര് തെപാനോസുന പ്‌ഡിത്ത് എ്ഡ്‌ത്ത് ബന്ത് എഗുദ കോഡിദിക്ക് മുന്നുക്കു നില്ല്‌സ്‌നാര്.