ലൂക്കോസു 2:9 - സാമി സേദി

⁹ അദുക്കുള ഒന്റു ആണ്ടവാന് ദൂദാന് അവാര് കണ്ണ്‌ക്ക് എദ്‌ക്ക കാട്ട്‌നാന്. ആണ്ടവാന്‌ക്ക് ഇര്‌ക്കുവ ബെ്ള്‌സ അവാരിന്ത എ്ഡെക്കൊട്ടുക്ക് അഡിത്ത്‌ദ്. അയി ബെ്ള്‌സാന കണ്ട് ആഡ്‌മാട്ട്യനാമ് അഞ്ചിക്കെപട്ട് സദ്‌റ ബെട്ട്‌നാര്.

ലൂക്കോസു 2:9 ပူးပေါင်းရင်းမြစ်များ

മത്തായി 1:20

ഓസേപ് അത്തെ നെനേത്ത്‌റ്‌ക്കാട്ടി ആണ്ടവാന് ദൂദാന് കനേസ്‌ല്‌ല് ബന്ത്: <<ദാവീദ് കാല്‌ക്ക് പട്ട ഓസേപെ, മറിയാന എ്ഡ്‌ക്ക്യ നീ സന്തേഗപഡാദെ. സാമിനിഗാല്‌ല്‌ത്തെ അവാള് ബേ്റായിര്‌ക്കുവാദ്.

ലൂക്കോസു 1:28

അയി ദൂദാന് അവാള് പട്ട്‌ക്ക് പോയി: <<നീ സൊക്കനത്തെ ഇര്‌ന്റായ? സാമിക്ക് നിനാന കണ്ട് ബേ്റ്‌വെന്ത്‌റ്‌ന്റ്. ആണ്ടവാന് നിന്നോഡൊപ്പ ഇര്‌ക്ക്‌ന്റാന്>> എന്റ് സൊന്നാന്.

ലൂക്കോസു 2:8

അയി നാള് ജാമാത്ത്‌ല് അയി എ്ഡേക്കര്‌ഗെ ഇര്‌ക്കുവ ഒന്റു ബെ്ട്ടറബെ്ളി പട്ട്‌ല് ആഡ്‌മാട്ട്യനാമ് ആഡ്‌ന കാവ കാത്ത്‌കൊണ്ടിന്താര്.

ലൂക്കോസു 24:4

അദ്‌ന കണ്ട് അവാര് മെഗെമെഗേത്ത് കൊണ്ട്‌റ്‌ക്കാട്ടി സട്ടന മിച്ചാന പാസെ മിന്നുവ ഉഡുപ്പിക്കിര്‌ക്കുവ റാഡ് ഗണ്ടാള്‌ഗാള് അര്‌ഗെ നിന്റ്‌റ്‌ക്കുവാദ്‌ന കണ്ടാര്.

ഓഗന്നാന് 12:41

ഏസ്സയ്യാവു ഏസ്സ്‌ക്ക് ഇര്‌ക്കുവ മദ്‌പ്പ്‌ന കണ്ട് അയാള്‌ന പറ്റി നായ നൊഡിന്താദ്‌നാലെത്തെ ഇത്തെ സൊന്നാദ്.

അപ്പോസുത്തലാര് 12:7

ദ്‌ഡീരന ആണ്ടവാന് ദൂദാന് അദ്‌ക്ക് ബന്ത് നിന്റാന്. അവാര് ഇന്ത പട്ട്‌ക്ക് ബെ്ള്‌സ അഡിത്ത്‌ദ്. ദൂദാന് പത്ത്‌റോസു സിവാല്‌ന ഉന്തി ഇ്ളാക്കിന്ത്, <<സട്ടന ഇ്ളാഗ്>> എന്റ് സൊന്നാന്. അന്നാല് താനെ അയാള് കയിലിന്ത് സങ്കിലി ഊരി അലേന്ത്‌ദ്.

അപ്പോസുത്തലാര് 27:23

നെന്നെ ജാമാത്ത്‌ല് നാന് കുമ്മുഡുവ സാമി പട്ട്‌ലിന്ത് ഒന്റു ദൂദാന് എന്ന് പട്ട്‌ക്ക് ബന്താന്. നാന് അയി സാമിഗാറാന്‌ത്തെ.

അപ്പോസുത്തലാര് 5:19

ആന അയി ജാമാത്ത്‌ല് ഒന്റു ആണ്ടവാന് ദൂദാന് ബന്ത് ജെയില് ബാസന ത്‌റാന്താന്. പ്‌റ അയി ദൂദാന് അപ്പോസുത്തലനാമ്‌ന ബെ്ളിഗെ കഡാത്തി എ്ഡ്‌ത്ത് ബന്ത് അവാര്‌ക്ക്:

2 കൊരിന്ത്യഗാറാര് 3:18

ഇത്തെ നമാന മറേത്ത്‌റ്‌ക്കുവ മറെന ആണ്ടവാന് ജറേത്ത് തള്ള്‌ന്റാന്. അത്തെ നമ്മ അയാള്‌ന സൊക്കാന നെപ്പ്‌കെ്ഡേസി കൊണ്ടു മദ്‌പ്പ്‌ക്ക് മേല് മദ്‌പ്പുള്ളവാരായി അയാള് ഉരുവാന പാസെ ആയി കൊണ്ടു ഇര്‌ക്ക്‌ന്റാമ്. ഇത്തെ നമാന മാഡുവാദ് ആണ്ടവാന് നിഗാല്‌ത്തെ.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.

1 തിമിത്തോസു 3:16

മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.

എവുറായാര് 12:21

<<നാന് ഒന്റേപെ്ട്ട് അഞ്ചി സദ്‌റബെ്ട്ട്‌നേന്>> എന്റ് മോസെ സൊന്നാദ്‌ന പാസെ അവാര് കണ്ടാദ് അത്ത്‌റാക്ക്‌മ് അഞ്ചിക്കെ പ്‌ഡിക്കുവ കാര്യ ആയിന്ത്‌ദ്.

ബെ്ളിപട്ട കാര്യ 18:1

അദ്‌ക്ക് പ്‌റ ബേ്റെ ഒന്റു ദൂദാന് മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടെ. അയാള്‌ക്ക് ദൊഡ്ഡ അദിഗര ഇന്ത്‌ദ്. ദഗദഗാത്ത് എരേവ അയി ദൂദാന് ബെ്ള്‌സ ബൂമിക്ക് ഒട്ടുക്കു അഡിത്ത്‌ദ്.

ബെ്ളിപട്ട കാര്യ 20:11

അദ്‌ക്ക് പ്‌റ ബെ്ള്ളെബെ്ള്ള്യ ഇര്‌ക്കുവ ദൊഡ്ഡ ഒന്റു കുറിഞ്ചിനാമ് അദ്‌ല് കുക്കാന്ത് ഇര്‌ക്ക്‌ന്റവാന്‌നാമ് നാന് കണ്ടെ. അയാള് പട്ട്‌ലിന്ത് ബൂമിമ് ബാന്‌മ് ഓഡി പോറ്റു. പിന്നെ അദ്‌ഗാള്‌ന കാണാഗേ ഇല്ലെ.