ലൂക്കോസു 2:47 - സാമി സേദി

⁴⁷ ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്.

ലൂക്കോസു 2:47 ပူးပေါင်းရင်းမြစ်များ

മത്തായി 13:54

പ്‌റ അയാള് തന്ന് സൊന്ത പട്ടണാക്ക് ബന്ത് എഗുദാര് പരേസുവ ബീ്ഡ്‌ല് ആള്‌ഗാള്‌ന പഡ്‌സ്‌നാന്. അദുക്കുള അവാര് അദിസ്യപട്ട്: <<ഈ ബുദ്ദിമ് ഈ അദിസ്യഗാള് ഗേവാദ്‌ക്കുള്ള സക്‌തിമ് ഇയാള്‌ക്ക് ഏദ്‌ലിന്ത് കെ്ഡേത്ത്‌ദ്?

മത്തായി 22:33

ഏസ്സ് പഡ്‌സ്‌ന ഈ കാര്യന കേ്ട്ട് ആള്‌ഗാള് അദിസ്യപട്ടാര്.

മത്തായി 7:28

ഈ നായഗാള്‌നെല്ല ഏസ്സ് സൊല്ലി തീന്താദ്‌മ് ആള്‌ഗാളൊട്ടുക്കു അയാള് സൊന്ന ബുദ്ദിനായന കേ്ട്ട് അദിസ്യപട്ടാര്.

മര്‌ക്കോസു 1:22

അയാള് സൊന്ന ബുദ്ദിനായന കേ്ട്ട് ആള്‌ഗാള് അദിസ്യപട്ടാര്. ബേദബാത്ത്യനാമ്‌ഗാള്‌ന പാസെ അല്ല ഏസ്സ് ബുദ്ദിനായ സൊന്നാദ്; അദിഗരത്തോഡാത്തെ അയാള് ബുദ്ദിനായ സൊന്നാദ്.

മര്‌ക്കോസു 11:18

ഇദ്‌ന കേ്ട്ട് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി ഓസണെ കെ്ട്ട്‌നാര്. ആള്‌ഗാളൊട്ടുക്കു അയാള് സൊല്ലുവ ബുദ്ദിനായന കേ്ട്ട് അദിസ്യപട്ടിന്താര്. അദ്‌നാലെ എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള്‌ന അഞ്ച്‌നാര്.

മര്‌ക്കോസു 6:2

ഒയിവു നാള് ഏസ്സ് എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ന പഡിസ്യ പ്‌ഡിത്താന്. അയാള് പഡുസുവ ബുദ്ദിനായന കേ്ട്ട് എഞ്ചോ ആള്‌ഗാള് അദിസ്യപട്ട് പോനാര്. അവാര് ഇത്തെ കേ്ട്ടാര്: <<ഇയാള്‌ക്ക് ഇദെല്ല ഏദ്‌ലിന്ത് കെ്ഡേത്ത്‌ദ്? ഇയാള്‌ക്ക് എത്ത്‌റ ബുദ്ദി? ഇയാള് എത്തെ ഈ അദിസ്യഗാളെല്ല ഗേന്റാന്?

ലൂക്കോസു 2:18

മാട്ട്യനാമ് സൊന്ന കാര്യഗാള്‌ന പറ്റി കേ്ട്ടവാരെല്ല അദിസ്യപട്ടാര്.

ലൂക്കോസു 2:46

മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്.

ലൂക്കോസു 4:22

അദ്‌ലിന്തവാര് ഒട്ടുക്കു അയാള്‌ന ഉജാത്തി സൊല്ലികൊണ്ടു അയാള് സൊന്ന അരിമ്യാന നായഗാള്‌ന കേ്ട്ട് അദിസ്യപട്ടാര്. <<ഇയാള് ഓസേപ് മഗാനല്ല?>> എന്റ് അവാര് സൊന്നാര്.

ലൂക്കോസു 4:32

അയാള് അദിഗരത്തോഡ പഡ്‌സ്‌നാദ്‌നാലെ അയി ബുദ്ദിനായന കേ്ട്ട് അവാര് അദിസ്യപട്ടാര്.

ഓഗന്നാന് 7:15

<<പഡിപ്പില്ലാത്ത ഇയാള്‌ക്ക് ഇത്ത്‌റ അറുവു ഏദ്‌ലിന്ത് കെ്ഡേത്ത്‌ദ്?>> എന്റ് സൊല്ലി എഗുദാര് അദിസ്യപട്ടാര്.

ഓഗന്നാന് 7:46

അദുക്കുള അയി കാവ കാക്കുവ പട്ടളഗാറാര്: <<അയാള് നായനൊഡിവ പാസെ ഇന്നാവരിദി ആര്‌മ് നായനൊഡ്യാലെ>> എന്റ് സൊന്നാര്.