ലൂക്കോസു 2:40 - സാമി സേദി

⁴⁰ അത്തെ അയി മഗ ബളാന്ത് ദൊഡ്ഡാദായി ബിലപട്ടാന്. അവാന് അറുവുമ് ബുദ്ദിമ് തുമ്പുനവാന് ആനാന്. സാമി പ്‌ണ്ണ്യാമ് അവാനിക്കിന്ത്‌ദ്.

ലൂക്കോസു 2:40 ပူးပေါင်းရင်းမြစ်များ

ലൂക്കോസു 1:80

സെക്കെര്യാവു മഗാന് ഓഗന്നാന് ബളാന്ത് ദൊഡ്ഡാദായി സാമി സക്‌തില് ബിലപട്ടാന്. ഇസ്‌റവേല്‌ല ആള്‌ഗാള് പട്ട്‌ല് തന്ന് ഗിലാസ ഗേയ പ്‌ഡിക്കമാട്ട്‌ക്ക് അയാള് ബെ്ട്ടെകാഡ്‌ല് തങ്കിന്താന്.

ലൂക്കോസു 2:47

ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്.

ലൂക്കോസു 2:52

ആന ഏസ്സ് ബളാന്ത് അറുവുലുമു ബുദ്ദില്‌മ് ദൊഡ്ഡവാനായി സാമി കണ്ണ്‌ക്ക്‌മ് മന്‌സാന് കണ്ണ്‌ക്ക്‌മ് മെച്ച്‌പ്‌ഡിത്തവാന് ആനാന്.

ഓഗന്നാന് 1:14

സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.

അപ്പോസുത്തലാര് 4:33

ആണ്ടവാന് ഏസ്സ് സത്ത് ഉജുര്‌ളാഗ്‌നാദ്‌ന കണ്ട അപ്പോസുത്തലനാമ് അദ്‌ന നല്ല സക്‌ത്യോഡ ആള്‌ഗാള്‌ക്ക് സൊന്നാര്.

എപസോസുഗാറാര് 6:10

കഡേസി നാന് സൊല്ലുവ കാര്യ എന്തെന്റ് സൊന്ന, ക്‌റ്‌സ്‌ത്ത്‌ക്ക് എത്ത്‌റ സക്‌തിര്‌ന്റ് എന്നുവാദ്‌ന തെരിന്ത് അയാള് തരുവ സക്‌തിന കെ്ഡേസി കൊണ്ടേ പെ്ളേന്.

2 തിമിത്തോസു 2:1

അദ്‌നാലെ എനാക്ക് മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സ് പ്‌ണ്ണ്യാത്ത്‌ല് നീ ബിലപട്ടവാനായി ഇര്.