ലൂക്കോസു 2:39 - സാമി സേദി

³⁹ ആണ്ടവാന് ബെത്ത സട്ടപഡി ഗേയ സൊല്ലിര്‌ക്കുവ കാര്യഗാള്‌ന ഗേന്ത് തീത്ത പ്‌റ ഓസേപ്‌മ് മറിയാമ് മഗാന എ്ഡ്‌ത്ത് കൊണ്ടു ഗലീലാലിര്‌ക്കുവ നസറേത്ത് എന്നുവ തമ്മ് സൊന്ത പട്ടണാക്ക് പോനാര്.

ലൂക്കോസു 2:39 ပူးပေါင်းရင်းမြစ်များ

മത്തായി 3:15

ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.

ലൂക്കോസു 1:26

എലിസവാത്ത് ആറ് മാസ ബേ്റായിര്‌ക്കുവ ഗളിഗേല് സാമി ഗവുറിയേല് ദൂദാന്‌ന ഗലീലാ നാഡ്‌ല നസറേത്ത് എന്നുവ പട്ടണാക്ക് സൊല്ലി ബ്‌ട്ടാന്.

ലൂക്കോസു 1:6

സാമി കണ്ണ്‌ക്ക് അവാര് റാഡാള്‌മ് നേര്‌മെഗാറാരായി പെ്ളേത്തിന്താര്. ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല് ആണ്ടവാന് ബെത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് അവാര് കെ്ട്ട്‌പട്ട് നഡാന്തിന്താര്.

ലൂക്കോസു 2:4

അദ്‌നാലെ ഓസേപ്‌മ് ഗലീലാലിര്‌ക്കുവ നസറേത്ത് എന്നുവ പട്ടണാത്ത്‌ലിന്ത് എഗുദ്യാലിര്‌ക്കുവ ദാവീദ് രാജാവു പ്‌റാന്ത് ബളാന്ത ബെദ്ദ്‌ലെഗേമ് എന്നുവ പട്ടണാക്ക് പോനാന്. എന്ത്‌ക്കെന്റ് സൊന്ന ഓസേപ് ദാവീദ് കാല്‌കെ്ളേക്ക് പട്ടിന്താദ്‌നാലെത്തെ ആങ്ക് പോനാദ്.

ലൂക്കോസു 2:51

പ്‌റസാരി ഏസ്സ് തന്ന് അവ്വ്യപ്പനോഡ നസറേത്ത് പട്ടണാക്ക് പോയി അവ്വ്യപ്പാന് സൊല്ലുപഡിക്കിന്താന്. ഈ നഡാന്ത കാര്യഗാള്‌നെല്ല മറിയ തന്ന് മനേസ്സ്‌കുളാക്ക് താനെ ബെത്താള്.

ലൂക്കോസു 4:16

അത്തെ ഏസ്സ് താന് ബളാന്ത് ദൊഡ്ഡാദാന നസറേത്ത് പട്ടണാക്ക് പോയി താന് ഒപ്പ ഗേവ പാസെ ഒയിവു നാള് എഗുദാര് പരേസുവ ബീ്ഡ്‌ക്ക് പോയി സാമി സൊല്ലുസുലാക്ക പഡിക്ക്യ ഇ്ളാഗി നിന്റാന്.

ലൂക്കോസു 4:23

ഏസ്സ് അവാര്‌ക്ക്: << <ബയിദ്യാ, നീ നിനാന താനെ തെ്ള്‌സ്> എന്നുവ മുന്തെലവാര് സൊല്ലുനാമ് കവറ്‌ണഗൂമുലു നീ ഗേന്തായെന്റ് എമ്മ കേ്ട്ട കാര്യന നിന്ന് സൊന്ത നാഡ്‌ല്‌മ് ഗേഗ് എന്റ്‌മ് നിമ്മ ഉറുദ്ദ്യായി സൊല്ലുവുറു>> എന്റ് സൊന്നാന്.