ലൂക്കോസു 2:3 - സാമി സേദി

³ അത്തെ കണാക്ക് കൊഡുക്ക്യ ബേ്ണ്ടി ആള്‌ഗാളൊട്ടുക്കു അവനവാന് പ്‌റാന്ത നാഡ്‌ക്ക് പോനാര്.

ലൂക്കോസു 2:3 ပူးပေါင်းရင်းမြစ်များ

ലൂക്കോസു 2:1

അയി കാലാത്ത്‌ല് ഒഗത്തോസു മഗരാജാവു റോമ നാഡ്‌ന ആണ്ടിന്താന്. അയി ഗളിഗേല് റോമ നാഡ്‌ല് എല്ലാ സാരിമ് ആള് കണാക്ക് എ്ഡ്‌ക്കുഡൊ എന്റ് രാജാവു കല്‌പനെ കൊഡുത്താന്.

ലൂക്കോസു 2:2

റോമ നാഡ്‌ക്ക് പട്ട സ്‌റിയ നാഡ്‌ന കൊറേനോസ് ആണ്ടിന്ത ഗളിഗേല്‌ത്തെ മുദാല് ഈ ആള് കണാക്ക് എ്ഡ്‌ത്താദ്.

ലൂക്കോസു 2:4

അദ്‌നാലെ ഓസേപ്‌മ് ഗലീലാലിര്‌ക്കുവ നസറേത്ത് എന്നുവ പട്ടണാത്ത്‌ലിന്ത് എഗുദ്യാലിര്‌ക്കുവ ദാവീദ് രാജാവു പ്‌റാന്ത് ബളാന്ത ബെദ്ദ്‌ലെഗേമ് എന്നുവ പട്ടണാക്ക് പോനാന്. എന്ത്‌ക്കെന്റ് സൊന്ന ഓസേപ് ദാവീദ് കാല്‌കെ്ളേക്ക് പട്ടിന്താദ്‌നാലെത്തെ ആങ്ക് പോനാദ്.

ലൂക്കോസു 2:5

ആള് കണാക്ക് കൊഡുക്ക്യ ബേ്ണ്ടി തനാക്ക് കല്യണ മുഡിത്തിന്തവാള്‌മ് ഒന്റുലു ഉറാങ്കത്തവാള്‌മായിന്ത മറിയ എന്റവാളോഡത്തെ ഓസേപ് ബെദ്ദ്‌ലെഗേമ് പട്ടണാക്ക് പോനാദ്. അദുക്കുള മറിയ ബേ്റായിന്താള്.