ലൂക്കോസു 19:6 - സാമി സേദി

⁶ അദുക്കുള സക്കായി കദമൊദ ഇ്റാഗി ബന്ത് പിര്യപിര്യാത്ത് ഏസ്സ്‌ന തങ്കാരിത്താന്.

ലൂക്കോസു 19:6 ပူးပေါင်းရင်းမြစ်များ

ലൂക്കോസു 5:29

പ്‌റ ലേവി ഏസ്സ്‌ക്ക് ബേ്ണ്ടി തന്ന് ബീ്ഡ്‌ല് ദൊഡ്ഡ ഒന്റു 1ബിര്‌ന്തട്ടാന്. കന്ത്യ കെ്ട്ടുവ കാസ് പിരിക്ക്‌ന്റവാര്‌മ് ബേ്റെ ആള്‌ഗാള്‌മ് കൂഡി മൊത്തന ഒന്റു ജനകൂട്ട അവാരോഡൊപ്പ തീനി തിന്ന്യ കുക്കാന്തിന്താര്.

അപ്പോസുത്തലാര് 16:34

അദ്‌ക്ക് പ്‌റ ജെയില് അദിഗാരി പവുലോസുനാമ്, സീലാസ്‌നാമ് ബീ്ഡ്‌ക്ക് കൂട്ടി എ്ഡ്‌ത്ത് പോയി അവാര്‌ക്ക് തിന്ന്യ തീനി കൊഡുത്താന്. സാമിന നമ്പ്‌നാദ്‌നാലെ അയാള്‌മ് അയാള് ബീ്ഡ്‌ഗാറാര് ഒട്ടുക്കുമു പിര്യപിര്യാത്ത് ആനാര്.

അപ്പോസുത്തലാര് 16:15

അത്തെ അവാള്‌മ് അവാള് ബീ്ഡ്‌ഗാറാര്‌മ് നീര്‌ക്ക് മുളുഗുനാര്. <<ആണ്ടവാന് ഏസ്സോഡ എനാക്ക് നേര്‌മായി നമ്പിക്കെ ഇര്‌ക്ക്‌ന്റ് എന്റ് നിമ്മ കണാക്കാക്കിന്താദാന സെറ്റെ ബീ്ഡ്‌ക്ക് ബന്ത് തങ്കുഡൊ>> എന്റ് സൊല്ലി അവാള് എമാന ബ്‌ളിത്ത് നത്ത്‌നാള്. അത്തെ എമ്മ അവാള് ബീ്ഡ്‌ക്ക് പോനേമ്.

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

ലൂക്കോസു 2:16

അത്തെ അവാര് കദമൊദ പോയി മറിയനാമ് ഓസേപ്‌നാമ് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ട്‌ല് ക്‌ഡാത്തിന്ത പച്ചെപ്‌ള്ളെനാമ് കണ്ടാര്.

ലൂക്കോസു 19:5

ഏസ്സ് അദ്‌ക്ക് എജ്ജ്‌ന പ്‌റ ഏ്റ നോഡിന്ത്: <<സക്കായെ, ബേഗ അഡി ഇ്റാഗി ബാ. ഇന്റ് നാന് നിന്ന് ബീ്ഡ്‌ല്‌ത്തെ തങ്കുഡൊ>> എന്റ് സൊന്നാന്.

ലൂക്കോസു 19:7

ഇദ്‌ന കണ്ടിന്തവാര് ഒട്ടുക്കു <<ഇയാള് പാവ ഗേന്ത് നഡാക്ക്‌ന്റവാന് ബീ്ഡ്‌ക്ക് നട്ട്‌ഗാറാനായി പോന്റാന്>> എന്റ് സൊല്ലി അവാര് ങ്കൊറുങ്കൊറുത്താര്.