ലൂക്കോസു 17:3 - സാമി സേദി

³ അദ്‌നാലെ നിമ്മ എത്തെ നഡാന്ത്‌പ്‌ഡിത്ത് ഗേന്റ്‌റ് എന്റ് സൊക്കാന സൂസാരിത്ത് ഇര്‌ന്. നിന്ന് എ്ണേവുഗാറാന് നിനാക്ക് കുറ്റ ഗേന്തദാന അദ് കുറ്റത്തെന്റ് സൊല്ലി കൊഡു അദ്‌ന കേ്ട്ട് <നാന് ഗേന്താദ് തപ്പ്‌ത്തെ, എനാന പൊറുക്കുഡോമെ> എന്റ് അയാള് സൊന്നദാന അയാള്‌ന പൊറുത്തിര്.

ലൂക്കോസു 17:3 ပူးပေါင်းရင်းမြစ်များ

മത്തായി 18:21

പ്‌റ പത്ത്‌റോസു ഏസ്സ് പട്ട്‌ക്ക് ബന്ത്: <<ആണ്ടവാനെ, ഒരുത്താന് എനാക്ക് പാവ ഗേന്തദാന എഞ്ച് ജമ്പ് നാന് പൊറുക്ക്യ? ഏ്ള് ജമ്പ് മദ്യ?>> എന്റ് കേ്ട്ടാന്.

ലൂക്കോസു 21:34

<<ഈ ഉലഗാത്ത്‌ല് നിമ്മ തിന്റ്‌കുഡിത്ത് ബോദേ്റി നഡാക്കുവ നെനേവോഡഗേ ഇര്‌ക്കാദേന്. എത്തെ പെ്ളേത്ത് പോല എന്റ് അര്‌ക്കപട്ട് നഡാക്കുവ നെനേവോഡാമ് ഇര്‌ക്കാദേന്. എന്ത്‌ക്കെന്റ് സൊന്ന അയി നാള് സദിപെ്ട്ട്‌ല് ബര്‌മ്. അദ്‌നാലെ നിമ്മ സൂസാരിത്തിര്‌ന്.

എപസോസുഗാറാര് 5:15

അദ്‌നാലെ നിമ്മ എത്തെ പെ്ളേക്ക്‌ന്റ്‌റ് എന്റ് സൊക്കാന നെനേത്ത് കൊണ്ട്‌റ്‌ന്. അറുവില്ലത്തവാര്‌ന പാസെ പെ്ളേക്കാദെ ബുദ്ദ്യുള്ളവാരായി പെ്ളേന്.

എവുറായാര് 12:15

സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.

ആക്കോവു 5:19

ഏസ്സ്‌ഗാറാരെ, നിമ്മ് കൂട്ടാത്ത്‌ല് ഒന്റൊരുത്താന് കുറ്റ ഗേന്ത് സാമിന ബ്‌ട്ട് പ്‌റ്‌ന്ത് പോന അയാള് തിരിഗി സാമിസാരി ബര്യ നിമ്മ കയിതാങ്കുഡൊ.

2 ഓഗന്നാന് 1:8

അദ്‌നാലെ നിമ്മ സൂസാരിത്തിര്‌ന്. ഇല്ലാദെ പോന നിമ്മ സാമിക്ക് ബേ്ണ്ടി പാഡ്‌പട്ടാദ്‌ക്ക് കെ്ഡേക്കുവ കൂലി ബീ്ണാലെ പോമു.